ರೈಲು ಟಿಕೆಟ್ ದರ ಏರಿಕೆ: ಈ ತಿಂಗಳ 26ರಿಂದ ಹೊಸ ಚಾರ್ಜ್‌ ಜಾರಿ! ಇಲ್ಲಿದೆ ದರಗಳ ಪಟ್ಟಿ
ರೈಲ್ವೇ ಇಲಾಖೆ ಪ್ರಯಾಣಿಕರ ಟಿಕೆಟ್ ದರವನ್ನು ಮತ್ತೆ ಹೆಚ್ಚಿಸಿದೆ. ಜನರಲ್, ನಾನ್‌ ಏಸಿ ಹಾಗೂ ಏಸಿ ವರ್ಗಗಳಿಗೆ ಹೊಸ ದರಗಳು ಅನ್ವಯವಾಗಲಿದ್ದು, ಸಬರ್ಬನ್ ರೈಲುಗಳಿಗೆ ಯಾವುದೇ ಬದಲಾವಣೆ ಇಲ್ಲ.
- ರೈಲು ಟಿಕೆಟ್ ದರ ಏರಿಕೆ: 26ರಿಂದ ಹೊಸ ಚಾರ್ಜ್‌ ಜಾರಿ
- ಜನರಲ್ ಕ್ಲಾಸ್ ದರ: 215 ಕಿ.ಮೀ ಬಳಿಕ ಪ್ರತಿ ಕಿ.ಮೀಗೆ 1 ಪೈಸೆ ಹೆಚ್ಚಳ
- ಏಸಿ ಕ್ಲಾಸ್ ದರ: 500 ಕಿ.ಮೀ ಪ್ರಯಾಣಕ್ಕೆ ರೂ.10 ಹೆಚ್ಚಳ
Railway Ticket: ಪ್ರಯಾಣಿಕರಿಗೆ ಮತ್ತೊಮ್ಮೆ ಹೊರೆ ಬಿದ್ದಿದೆ. Indian Railways ಆರು ತಿಂಗಳ ಅವಧಿಯೊಳಗೆ ಎರಡನೇ ಬಾರಿ ಟಿಕೆಟ್ ದರ ಹೆಚ್ಚಳ ಘೋಷಿಸಿದೆ. ಈ ಹೊಸ ದರಗಳು ಈ ತಿಂಗಳ 26ರಿಂದ ಜಾರಿಗೆ ಬರಲಿವೆ. ಆದರೆ ದಿನನಿತ್ಯ ಲಕ್ಷಾಂತರ ಮಂದಿ ಅವಲಂಬಿಸಿರುವ ಸಬರ್ಬನ್ ರೈಲು ಸೇವೆಗಳ ದರದಲ್ಲಿ ಯಾವುದೇ ಬದಲಾವಣೆ ಇಲ್ಲ ಎಂದು ರೈಲ್ವೇ ಸ್ಪಷ್ಟಪಡಿಸಿದೆ.
ಯಾವ ವರ್ಗಕ್ಕೆ ಎಷ್ಟು ಹೆಚ್ಚಳ?
ರೈಲ್ವೇ ಮಾಹಿತಿ ಪ್ರಕಾರ, 215 ಕಿಲೋಮೀಟರ್‌ವರೆಗೆ ಜನರಲ್ ಕ್ಲಾಸ್ ಟಿಕೆಟ್ ದರದಲ್ಲಿ ಬದಲಾವಣೆ ಇರುವುದಿಲ್ಲ. ಅದಕ್ಕಿಂತ ಹೆಚ್ಚಿನ ದೂರ ಪ್ರಯಾಣಿಸಿದರೆ ಪ್ರತಿ ಕಿಲೋಮೀಟರ್‌ಗೆ 1 ಪೈಸೆ ಹೆಚ್ಚುವರಿ ಶುಲ್ಕ ವಿಧಿಸಲಾಗುತ್ತದೆ.
ಮೇಲ್ ಹಾಗೂ ಎಕ್ಸ್‌ಪ್ರೆಸ್ ರೈಲುಗಳ ನಾನ್‌ ಏಸಿ ಕೋಚ್‌ಗಳಿಗೆ ಪ್ರತಿ ಕಿಲೋಮೀಟರ್‌ಗೆ 2 ಪೈಸೆ ಹೆಚ್ಚಳ ಮಾಡಲಾಗಿದೆ. ಏಸಿ ವರ್ಗದ ಪ್ರಯಾಣಕ್ಕೂ ಇದೇ ದರ ಅನ್ವಯವಾಗಲಿದೆ.
ಪ್ರಯಾಣಿಕರ ಮೇಲೆ ಪರಿಣಾಮ
ಈ ಹೊಸ ದರ ಜಾರಿಯಾದ ನಂತರ, ನಾನ್‌ ಏಸಿ ವರ್ಗದಲ್ಲಿ 500 ಕಿಲೋಮೀಟರ್ ಪ್ರಯಾಣಕ್ಕೆ ಟಿಕೆಟ್ ದರ ಸುಮಾರು ರೂ.10 ಹೆಚ್ಚಾಗಲಿದೆ. ಈ ದರ ಪರಿಷ್ಕರಣೆಯಿಂದ ರೈಲ್ವೇಗೆ ವರ್ಷಕ್ಕೆ ಸುಮಾರು ರೂ.600 ಕೋಟಿ ಹೆಚ್ಚುವರಿ ಆದಾಯ ನಿರೀಕ್ಷಿಸಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ಇದನ್ನೂ ಓದಿ: 13 ಲಕ್ಷ ರೈತರಿಗಿಲ್ಲ ಪಿಎಂ ಕಿಸಾನ್ ಹಣ! ಪಟ್ಟಿಯಲ್ಲಿ ನಿಮ್ಮ ಹೆಸರಿದೆಯೇ ಮೊದಲು ನೋಡಿಕೊಳ್ಳಿ
ಹೆಚ್ಚುತ್ತಿರುವ ವೆಚ್ಚಗಳೇ ಕಾರಣ
ಕಳೆದ ದಶಕದಲ್ಲಿ ರೈಲ್ವೇ ತನ್ನ ಜಾಲವನ್ನು ಗಣನೀಯವಾಗಿ ವಿಸ್ತರಿಸಿದ್ದು, ಸಿಬ್ಬಂದಿ ಸಂಖ್ಯೆಯೂ ಹೆಚ್ಚಾಗಿದೆ. ಉದ್ಯೋಗಿಗಳ ವೇತನ ವೆಚ್ಚ ರೂ.1.15 ಲಕ್ಷ ಕೋಟಿ ದಾಟಿದ್ದು, ಪಿಂಚಣಿ ವೆಚ್ಚವೂ ರೂ.60 ಸಾವಿರ ಕೋಟಿಗೆ ಏರಿಕೆಯಾಗಿದೆ. ಈ ಹಣಕಾಸು ಒತ್ತಡವನ್ನು ನಿಭಾಯಿಸಲು ಪ್ರಯಾಣಿಕ ಮತ್ತು ಸರಕು ಸಾಗಣೆ ದರ ಪರಿಷ್ಕರಣೆ ಅಗತ್ಯವಾಗಿದೆ ಎಂದು ಇಲಾಖೆ ಹೇಳಿದೆ.
ಸಿಬ್ಬಂದಿ ಕೊರತೆ ದೊಡ್ಡ ಸವಾಲು
ಇನ್ನೊಂದೆಡೆ, ಡೆಡಿಕೇಟೆಡ್ ಫ್ರೈಟ್ ಕಾರಿಡಾರ್‌ಗಳ (DFC) ಕಾರ್ಯಾಚರಣೆಯಲ್ಲಿ ಸಿಬ್ಬಂದಿ ಕೊರತೆ ದೊಡ್ಡ ಅಡ್ಡಿಯಾಗಿದೆ ಎಂದು ಸಂಸದೀಯ ಸ್ಥಾಯಿ ಸಮಿತಿ ಎಚ್ಚರಿಸಿದೆ. ಲೊಕೊ ಪೈಲಟ್‌ಗಳು, ಗೂಡ್ಸ್ ಗಾರ್ಡ್‌ಗಳು ಹಾಗೂ ಸ್ಟೇಷನ್ ಮಾಸ್ಟರ್‌ಗಳ ಹುದ್ದೆಗಳಲ್ಲಿ ಸಾವಿರಾರು ಖಾಲಿ ಸ್ಥಾನಗಳಿವೆ.
ಈ ಕೊರತೆಯನ್ನು ತ್ವರಿತವಾಗಿ ಭರ್ತಿ ಮಾಡದಿದ್ದರೆ ಸರಕು ಸಾಗಣೆ ಹಾಗೂ ಆದಾಯ ಎರಡಕ್ಕೂ ಹೊಡೆತ ಬೀಳಲಿದೆ ಎಂದು ಸಮಿತಿ ಅಭಿಪ್ರಾಯಪಟ್ಟಿದೆ.
ಸಮಿತಿ ವರದಿ ಪ್ರಕಾರ, ಸರಕು ಸಾಗಣೆಯಿಂದಲೇ ರೈಲ್ವೇ ಸಾಮಾನ್ಯ ಪ್ರಯಾಣಿಕರಿಗೆ ದರವನ್ನು ನಿಯಂತ್ರಿಸಲು ಸಾಧ್ಯವಾಗುತ್ತಿದೆ. ಆದ್ದರಿಂದ ಸಿಬ್ಬಂದಿ ನೇಮಕಾತಿ ಜೊತೆಗೆ ಬೋಗಿಗಳು ಮತ್ತು ವ್ಯಾಗನ್‌ಗಳ ಮೇಲೆ ವಾಣಿಜ್ಯ ಜಾಹೀರಾತುಗಳಂತಹ ಹೊಸ ಆದಾಯ ಮಾರ್ಗಗಳತ್ತ ಹೆಚ್ಚು ಗಮನ ಹರಿಸಬೇಕೆಂದು ಶಿಫಾರಸು ಮಾಡಲಾಗಿದೆ.
ನಾಳೆಯ ದಿನ ಭವಿಷ್ಯ 05-11-2026, ಗುರುವಾರ
Read the story
ಕೆಎಸ್‌ಆರ್‌ಟಿಸಿ ಉಚಿತ ಚಾಲನಾ ತರಬೇತಿ! ಡ್ರೈವಿಂಗ್ ಕಲಿಯಲು, ಲೈಸೆನ್ಸ್ ಪಡೆಯಲು ಅವಕಾಶ
Read the story
ಬಸ್ ಟಿಕೆಟ್ ದರ ಏರಿಕೆ ಕುರಿತು ಸಾರಿಗೆ ಸಚಿವ ಬೈರತಿ ಸುರೇಶ್ ಸ್ಪಷ್ಟನೆ; ಹೇಳಿದ್ದೇನು ಗೊತ್ತಾ?
Read the story
ಜಿಯೋ ಗ್ರಾಹಕರಿಗೆ ಸಿಹಿಸುದ್ದಿ: ₹200ಕ್ಕಿಂತ ಕಡಿಮೆ ಬೆಲೆಗೆ 4 ಹೊಸ ರೀಚಾರ್ಜ್ ಪ್ಲಾನ್ ಬಿಡುಗಡೆ
Read the story
