ಸಬ್-ಇನ್ಸ್ಪೆಕ್ಟರ್ ತಾಯಿಯನ್ನೇ ಕೊಂದು ಮನೆ ದರೋಡೆ ಮಾಡಿದ ದುಷ್ಕರ್ಮಿಗಳು
ಉತ್ತರ ಪ್ರದೇಶದ ಮೌಸಂಪುರ ಗ್ರಾಮದಲ್ಲಿ ನಡೆದ ದಾರುಣ ದರೋಡೆ ಪ್ರಕರಣದಲ್ಲಿ ಎಸ್‌ಐ ತಾಯಿ ಹತ್ಯೆಗೀಡಾದರು. ಬಂಗಾರ, ಬೆಲೆಬಾಳುವ ವಸ್ತುಗಳನ್ನು ಕದ್ದುಕೊಂಡು ಅಪರಿಚಿತ ದರೋಡೆಗಾರರು ಪರಾರಿಯಾದ ಘಟನೆ ಸ್ಥಳೀಯರಲ್ಲಿ ಭೀತಿಯುಂಟುಮಾಡಿದೆ.
- ಎಸ್‌ಐ ತಾಯಿ ಹತ್ಯೆ ಪ್ರಕರಣ
- ಮೌಸಂಪುರ ಗ್ರಾಮದಲ್ಲಿ ದಾರುಣ ದರೋಡೆ
- ಬಂಗಾರ, ವಸ್ತುಗಳೊಂದಿಗೆ ದರೋಡೆಕೋರರು ಪರಾರಿ
ಉತ್ತರ ಪ್ರದೇಶದ (Utter Pradesh) ಫಪೂರ್ ಜಿಲ್ಲೆಯ ಇಸ್ಲಾಮ್‌ನಗರದ ಮೌಸಂಪುರ ಗ್ರಾಮದಲ್ಲಿ ಸೋಮವಾರ ರಾತ್ರಿ ನಡೆದ ಭೀಕರ ದರೋಡೆ ಸ್ಥಳೀಯರನ್ನು ಬೆಚ್ಚಿಬೀಳಿಸಿದೆ. 70 ವರ್ಷದ ವಯೋವೃದ್ಧೆಯಾದ ಎಸ್‌ಐ ತಾಯಿ ಮನೆಯಲ್ಲೊಬ್ಬಳೇ ಇದ್ದ ವೇಳೆ, ಕೆಲ ಅಪರಿಚಿತ ದರೋಡೆಗಾರರು ಅಚಾನಕ್ ನುಗ್ಗಿದರು.
ಮಾಹಿತಿ ಪ್ರಕಾರ, ದರೋಡೆ ವೇಳೆ ವೃದ್ಧೆ ಅಡ್ಡಿಯಾಗಲು ಯತ್ನಿಸಿದಾಗ, ದುಷ್ಕರ್ಮಿಗಳು ನಿರ್ದಯವಾಗಿ ಆಕೆಯ ಕತ್ತು ಸೀಳಿ ಹತ್ಯೆಗೈದಿದ್ದಾರೆ. ಬಳಿಕ ಆಕೆಯ ಕುತ್ತಿಗೆಯಲ್ಲಿದ್ದ ಬಂಗಾರದ ಸರ, ಕಿವಿಯೋಲೆಗಳು ಹಾಗೂ ಮನೆಯಲ್ಲಿದ್ದ ಬೆಲೆಬಾಳುವ ವಸ್ತುಗಳನ್ನು ಕದ್ದುಕೊಂಡು ಪರಾರಿಯಾದರು.
ಘಟನೆಯ ನಂತರ ಪೊಲೀಸರು ಸ್ಥಳಕ್ಕೆ ಧಾವಿಸಿ ತನಿಖೆ ಆರಂಭಿಸಿದ್ದಾರೆ. ಹತ್ತಿರದ ಪ್ರದೇಶಗಳಲ್ಲಿನ ಸಿಸಿಟಿವಿ ದೃಶ್ಯಗಳನ್ನು ಪರಿಶೀಲಿಸುತ್ತಿದ್ದು, ಆರೋಪಿಗಳನ್ನು ಪತ್ತೆಹಚ್ಚಲು ವಿಶೇಷ ತಂಡಗಳನ್ನು ರಚಿಸಲಾಗಿದೆ. ಈ ಹತ್ಯೆ-ದರೋಡೆ ಪ್ರಕರಣದಿಂದ ಗ್ರಾಮಸ್ಥರಲ್ಲಿ ಆತಂಕ ಹೆಚ್ಚಾಗಿದೆ.
SI’s Mother Murdered in Robbery
English Summary▼
TRENDING ARTICLES1 / 4
