Watch: ಬೈಕ್ ರೇಸಿಂಗ್ ದುರಂತ, ಬೈಕ್ ಸ್ಕೂಟಿಗೆ ಡಿಕ್ಕಿಯಾಗಿ ಯುವಕ ಸಾವು
ಲಖ್ನೋದಲ್ಲಿ ಯುವಕರ ಬೈಕ್ ರೇಸಿಂಗ್ ದುರಂತಕ್ಕೆ ಕಾರಣವಾಯಿತು. ರಾಯಲ್ ಎನ್‌ಫೀಲ್ಡ್ ಬೈಕ್ ಸ್ಕೂಟಿಗೆ ಡಿಕ್ಕಿ ಹೊಡೆದ ಪರಿಣಾಮ ವಿದ್ಯಾರ್ಥಿ ಸಾವಿಗೀಡಾದ ಘಟನೆ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.
ಉತ್ತರ ಪ್ರದೇಶದ (Uttar Pradesh) ಲಖ್ನೋದಲ್ಲಿ ನಡೆದ ಬೈಕ್ ರೇಸಿಂಗ್ (Bike Racing) ದುರಂತ ಒಂದು ಯುವಕನ ಜೀವವನ್ನು ಕಸಿದುಕೊಂಡಿದೆ. ಸ್ನೇಹಿತರೊಂದಿಗೆ ಬೈಕ್ ರೇಸಿಂಗ್‌ನಲ್ಲಿ ಭಾಗವಹಿಸಿದ್ದ ವಿದ್ಯಾರ್ಥಿ ಅಪಘಾತದಲ್ಲಿ ಗಂಭೀರವಾಗಿ ಗಾಯಗೊಂಡು ಸಾವನ್ನಪ್ಪಿದ್ದಾನೆ.
ಭಾನುವಾರ ಕೆಲವು ಯುವಕರು ಲಖ್ನೋದ ಜನೇಶ್ವರ್ ಮಿಶ್ರಾ ಪಾರ್ಕ್ ಬಳಿ ರಸ್ತೆ ಮೇಲೆ ಬೈಕ್ ರೇಸಿಂಗ್ ಮಾಡುತ್ತಿದ್ದರು. ಈ ವೇಳೆ 17 ವರ್ಷದ ನೈತಿಕ್ ಕುಮಾರ್ ರಾಯಲ್ ಎನ್‌ಫೀಲ್ಡ್ ಕಂಟಿನೆಂಟಲ್ GT 650 ಬೈಕ್‌ನಲ್ಲಿ ವೇಗವಾಗಿ ಚಲಿಸುತ್ತಿದ್ದನು.
ಪಾರ್ಕ್‌ನ ಗೇಟ್ ಸಂಖ್ಯೆ 5 ಸಮೀಪದಲ್ಲಿ ರಸ್ತೆಯಲ್ಲಿ ಏನೋ ತಪ್ಪಿಸಲು ಯತ್ನಿಸಿದಾಗ ಅವನು ಬೈಕ್ ಮೇಲಿನ ನಿಯಂತ್ರಣ ಕಳೆದುಕೊಂಡನು. ಪರಿಣಾಮ ಎದುರಿನಿಂದ ಬರುತ್ತಿದ್ದ ಹೋಂಡಾ ಆಕ್ಟಿವಾ ಸ್ಕೂಟಿಗೆ ಬೈಕ್ ಡಿಕ್ಕಿ ಹೊಡೆದಿದೆ.
ಡಿಕ್ಕಿಯ ಪರಿಣಾಮ ನೈತಿಕ್ ಕುಮಾರ್ ಬೈಕ್‌ನಿಂದ ಬಿದ್ದು ಡಿವೈಡರ್‌ಗೆ ಅಪ್ಪಳಿಸಿದ್ದಾನೆ. ತಲೆಗೆ ತೀವ್ರ ಗಾಯಗಳಾಗಿದ್ದರಿಂದ ಅವನನ್ನು ತಕ್ಷಣ ಆಸ್ಪತ್ರೆಗೆ ಕರೆದೊಯ್ಯಲಾಯಿತು. ಆದರೆ ವೈದ್ಯರು ಪರಿಶೀಲಿಸಿದಾಗ ಅವನು ಮೃತಪಟ್ಟಿದ್ದಾನೆ ಎಂದು ತಿಳಿಸಿದ್ದಾರೆ.
ಅಪಘಾತದಲ್ಲಿ ಸ್ಕೂಟಿ ಸವಾರ ಹಾಗೂ ಮತ್ತೊಬ್ಬ ಬೈಕ್ ರೇಸರ್ ಸ್ವಲ್ಪ ಗಾಯಗಳೊಂದಿಗೆ ಪಾರಾಗಿದ್ದಾರೆ. ಘಟನೆ ಸಂಬಂಧ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಆರಂಭಿಸಿದ್ದಾರೆ.
ಈ ಅಪಘಾತದ ದೃಶ್ಯ ಮತ್ತೊಬ್ಬ ಬೈಕರ್‌ನ ಹೆಲ್ಮೆಟ್‌ಗೆ ಅಳವಡಿಸಿದ್ದ 360 ಡಿಗ್ರಿ ಕ್ಯಾಮೆರಾದಲ್ಲಿ ದಾಖಲಾಗಿದ್ದು, ಆ ವೀಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೇಗವಾಗಿ ವೈರಲ್ ಆಗಿದೆ.
📍Lucknow, Uttar Pradesh: Class 12 student Naitik lost his life while allegedly bike racing. His Bullet motorcycle collided with a scooter and then rammed into a divider, leading to the fatal crash.pic.twitter.com/QUOtMg7nLp
— Deadly Kalesh (@Deadlykalesh) March 16, 2026
