ಆಪರೇಷನ್ ಸಿಂಧೂರ್ ಹೆಸರಿನ ವಿಶೇಷ ಸಂಕೇತ ಏನು?
Operation Sindoor : ಜಮ್ಮು ಮತ್ತು ಕಾಶ್ಮೀರದ ಪಹಲ್ಗಾಮ್‌ನಲ್ಲಿ ಪ್ರವಾಸಿಗರ ಮೇಲೆ ದಾಳಿ ಮಾಡಿ 26 ಅಮಾಯಕ ಜನರನ್ನು ಕೊಂದ ಭಯೋತ್ಪಾದಕರ ಮೇಲೆ ಭಾರತ ಆಪರೇಷನ್ ಸಿಂಧೂರ್ ಮೂಲಕ ಸೇಡು ತೀರಿಸಿಕೊಂಡಿದೆ.
Operation Sindoor : ಇಡೀ ಭಾರತ 15 ದಿನಗಳಿಂದ ಕಾಯುತ್ತಿದ್ದ ದಿನ ಕೊನೆಗೂ ಬಂದಿದೆ. ಜಮ್ಮು ಮತ್ತು ಕಾಶ್ಮೀರದ ಪಹಲ್ಗಾಮ್‌ನಲ್ಲಿ ಪ್ರವಾಸಿಗರ ಮೇಲೆ ದಾಳಿ ಮಾಡಿ 26 ಅಮಾಯಕ ಜನರನ್ನು ಕೊಂದ ಭಯೋತ್ಪಾದಕರ ಮೇಲೆ ಭಾರತ ಸೇಡು ತೀರಿಸಿಕೊಂಡಿದೆ.
ಮಂಗಳವಾರ ಮಧ್ಯರಾತ್ರಿಯ ‘ಆಪರೇಷನ್ ಸಿಂಧೂರ್’ ಎಂಬ ಸಂಕೇತನಾಮ ಹೊಂದಿದ್ದ ಈ ಪ್ರತಿದಾಳಿಯು, ಪಾಕ್ ಆಕ್ರಮಿತ ಕಾಶ್ಮೀರ (ಪಿಒಕೆ) ಸೇರಿದಂತೆ ಪಾಕಿಸ್ತಾನದಲ್ಲಿದ್ದ 9 ಭಯೋತ್ಪಾದಕ ಶಿಬಿರಗಳನ್ನು ಮತ್ತು ಒಳಗಿದ್ದ ಹಲವಾರು ಉಗ್ರಗಾಮಿಗಳನ್ನು ನಾಶಪಡಿಸಿತು.
ಈ ಕಾರ್ಯಾಚರಣೆಗೆ ‘ಸಿಂದೂರ’ ಎಂದು ಹೆಸರಿಸುವುದರ ಹಿಂದೆ ವಿಶೇಷ ಸಂಕೇತವಿದೆ. ಭಾರತೀಯ ಸಂಪ್ರದಾಯದ ಪ್ರಕಾರ, ವಿವಾಹಿತ ಹಿಂದೂ ಮಹಿಳೆಯರು ಸಿಂಧೂರ (ಕುಂಕುಮ) ಇಡುತ್ತಾರೆ. ಕಳೆದ ತಿಂಗಳು 22 ರಂದು ದಾಳಿ ನಡೆಸಿದ ಭಯೋತ್ಪಾದಕರು ಪ್ರವಾಸಿಗರಲ್ಲಿ ಪುರುಷರನ್ನು, ವಿಶೇಷವಾಗಿ ದಂಪತಿಗಳನ್ನು ಗುರುತಿಸಿ, ಅವರ ಧರ್ಮದ ಬಗ್ಗೆ ಕೇಳಿದ ನಂತರ ಅವರನ್ನು ಗುಂಡಿಕ್ಕಿ ಕೊಂದರು.
ಭಯೋತ್ಪಾದಕರು ಗುರಿಯಾಗಿಸಿಕೊಂಡ ದಂಪತಿಗಳಲ್ಲಿ ಲೆಫ್ಟಿನೆಂಟ್ ವಿನಯ್ ನರ್ವಾಲ್ (ನೌಕಾ ಅಧಿಕಾರಿ) ಮತ್ತು ಕೇವಲ 6 ದಿನಗಳ ಹಿಂದೆ ವಿವಾಹವಾದ ನವವಿವಾಹಿತ ದಂಪತಿ ಹಿಮಾಂಶಿ ಸೇರಿದ್ದಾರೆ.
ವಿನಯ್ ಶವವನ್ನು ನೋಡಿ ಹಿಮಾಂಶಿ ಅಳುತ್ತಿರುವ ಚಿತ್ರ ಇಡೀ ರಾಷ್ಟ್ರವನ್ನೇ ಬೆಚ್ಚಿಬೀಳಿಸಿತು. ಭಯೋತ್ಪಾದಕ ದಾಳಿಯಲ್ಲಿ ತಮ್ಮ ಗಂಡಂದಿರನ್ನು ಕಳೆದುಕೊಂಡ ಹಿಮಾಂಶಿ ಮತ್ತು ಇತರ ಮಹಿಳೆಯರ ಸೇಡಿನ ಸಂಕೇತವಾಗಿ (counter terrorism strike) ನಮ್ಮ ಪ್ರತಿದಾಳಿಗೆ ‘ಆಪರೇಷನ್ ಸಿಂಧೂರ್’ (symbolic operation) ಎಂದು ಹೆಸರಿಸಲಾಯಿತು.
ಆಪರೇಷನ್ ಸಿಂದೂರ್ ಬಗ್ಗೆ ವಿಶ್ವ ಮಾಧ್ಯಮಗಳು ಸಂಯಮದ ಸಂದೇಶವನ್ನು ರವಾನಿಸಿವೆ, ಆಪರೇಷನ್ ಸಿಂದೂರ್ ಬಗ್ಗೆ ಭಾರತ ಹೇಳುತ್ತಿರುವುದನ್ನು ಅನೇಕ ವಿದೇಶಿ ಪತ್ರಿಕೆಗಳು ನಿಖರವಾಗಿ ಬರೆದಿವೆ. ಇದು ದಾಳಿಯಲ್ಲ, ಬದಲಾಗಿ ಭಯೋತ್ಪಾದನೆಯನ್ನು ನಿರ್ಮೂಲನೆ ಮಾಡಲು ತೆಗೆದುಕೊಂಡ ಕ್ರಮ ಎಂದು ವಿವರಿಸಿವೆ.
ಮಿಲಿಟರಿ ಗುರಿಗಳ ಮೇಲೆ ಯಾವುದೇ ದಾಳಿ ನಡೆಸಲಾಗಿಲ್ಲ ಎಂದು ತಿಳಿದುಬಂದಿದೆ. ಭಾರತ ಬಳಸುವ ಅತ್ಯಾಧುನಿಕ ಶಸ್ತ್ರಾಸ್ತ್ರಗಳನ್ನು ಸಿಎನ್‌ಎನ್ ವರದಿ ವಿವರಿಸಿದೆ. ಅದರಲ್ಲಿ ರಫೇಲ್ ಯುದ್ಧ ವಿಮಾನಗಳು ಮತ್ತು ಸ್ಕಾಲ್ಪ್ ಕ್ರೂಸ್ ಕ್ಷಿಪಣಿಗಳನ್ನು ನಿರ್ದಿಷ್ಟವಾಗಿ ಉಲ್ಲೇಖಿಸಲಾಗಿದೆ. ಇದು ಭಯೋತ್ಪಾದಕ ನೆಲೆಗಳ ಮೇಲೆ ಮಾತ್ರ ನಡೆದ ದಾಳಿ ಎಂದು ತಿಳಿದುಬಂದಿದೆ.
The emotional story behind Operation Sindoor
