ಜನವರಿಯಿಂದ ಟಿವಿ ಬೆಲೆ ಏರಿಕೆ! ಹೊಸ ವರ್ಷದ ಆರಂಭದಲ್ಲೇ ಗ್ರಾಹಕರಿಗೆ ಶಾಕ್

• ಜನವರಿಯಿಂದ 3–4 ಶೇಕಡಾ ಟಿವಿ ಬೆಲೆ ಏರಿಕೆ
• ರೂಪಾಯಿ ಪತನ ಮತ್ತು ಡಾಲರ್ ವಿನಿಮಯ ದರ ಒತ್ತಡ
• ಚಿಪ್ ಕೊರತೆ ಟಿವಿ ಉದ್ಯಮಕ್ಕೆ ದೊಡ್ಡ ಹೊಡೆತ

TV Prices: ಹೊಸ ವರ್ಷದ ಆರಂಭದಲ್ಲೇ ಗ್ರಾಹಕರಿಗೆ ಬೆಲೆ ಏರಿಕೆಯ ಶಾಕ್ ಎದುರಾಗಲಿದೆ. ಜನವರಿಯಿಂದ ಟೆಲಿವಿಷನ್‌ಗಳ ಬೆಲೆ ಹೆಚ್ಚಳವಾಗುವ ಸಾಧ್ಯತೆ ಸ್ಪಷ್ಟವಾಗಿದೆ. ರೂಪಾಯಿ ಮೌಲ್ಯ ಡಾಲರ್ ಎದುರು ದುರ್ಬಲವಾಗಿರುವುದು ಮತ್ತು ಅಂತರರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಮೆಮೊರಿ ಚಿಪ್‌ಗಳ ಕೊರತೆ ಈ ಬೆಳವಣಿಗೆಗೆ ಪ್ರಮುಖ ಕಾರಣಗಳಾಗಿವೆ.

ಟಿವಿ ತಯಾರಿಕಾ ಕ್ಷೇತ್ರದಲ್ಲಿ ಬಳಕೆಯಾಗುವ ಪ್ರಮುಖ ಭಾಗಗಳಲ್ಲಿ ಬಹುಪಾಲು ವಿದೇಶಗಳಿಂದ ಆಮದು ಆಗುತ್ತಿವೆ. ಓಪನ್ ಸೆಲ್, ಸೆಮಿಕಂಡಕ್ಟರ್ ಚಿಪ್‌ಗಳು, ಮದರ್‌ಬೋರ್ಡ್‌ಗಳಂತಹ ಅಗತ್ಯ ಘಟಕಗಳು ಆಮದು ಆಧಾರಿತವಾಗಿರುವುದರಿಂದ ರೂಪಾಯಿ ಪತನವು ಉತ್ಪಾದನಾ ವೆಚ್ಚವನ್ನು ಹೆಚ್ಚಿಸಿದೆ.

ಚಿಪ್ ಸಂಕಷ್ಟದ ಪರಿಣಾಮ

ಇತ್ತೀಚಿನ ತಿಂಗಳುಗಳಲ್ಲಿ ಜಾಗತಿಕ ಮಟ್ಟದಲ್ಲಿ ಮೆಮೊರಿ ಚಿಪ್‌ಗಳ ಬೆಲೆ ತೀವ್ರವಾಗಿ ಏರಿಕೆಯಾಗಿದೆ. ಈ ಪರಿಸ್ಥಿತಿ ಇನ್ನೂ ಎರಡು ತ್ರೈಮಾಸಿಕಗಳವರೆಗೆ ಮುಂದುವರಿದರೆ, ಮುಂದಿನ ದಿನಗಳಲ್ಲಿ ಮತ್ತೊಮ್ಮೆ ಟಿವಿ ಬೆಲೆ ಹೆಚ್ಚಳವಾಗುವ ಸಾಧ್ಯತೆಯೂ ಇದೆ ಎಂದು ಉದ್ಯಮದ ತಜ್ಞರು ಎಚ್ಚರಿಸಿದ್ದಾರೆ.

ಗ್ರಾಹಕರಿಗೆ ಹೊಡೆತ

ಹಿಂದೆ ಜಿಎಸ್‌ಟಿ ದರವನ್ನು 28 ಶೇಕಡೆಯಿಂದ 18 ಶೇಕಡಾಗೆ ಇಳಿಸಿದ್ದರಿಂದ ಗ್ರಾಹಕರಿಗೆ ಸ್ವಲ್ಪ ರಿಲೀಫ್ ಸಿಕ್ಕಿತ್ತು. ಆದರೆ ಈಗಿನ ಚಿಪ್ ಕೊರತೆ ಮತ್ತು ರೂಪಾಯಿ ಕುಸಿತದಿಂದ ಆ ಲಾಭ ಸಂಪೂರ್ಣವಾಗಿ ನಶಿಸುತ್ತಿದೆ ಎಂಬ ಅಭಿಪ್ರಾಯವನ್ನು ಟಿವಿ ಮಾರಾಟಗಾರರು ವ್ಯಕ್ತಪಡಿಸುತ್ತಿದ್ದಾರೆ.

ಈ ಎಲ್ಲಾ ಅಂಶಗಳು ಸೇರಿ, ಹೊಸ ವರ್ಷದಲ್ಲಿ ಟಿವಿ ಖರೀದಿ ಮಾಡುವವರ ಜೇಬಿಗೆ ಹೆಚ್ಚುವರಿ ಭಾರವಾಗುವ ಸೂಚನೆ ನೀಡುತ್ತಿವೆ.