ಹುಡುಗಿಯಾಗಲು ಮರ್ಮಾಂಗ ಕತ್ತರಿಸಿಕೊಂಡ ಯುವಕ! ಮುಂದೇನಾಯ್ತು ಗೊತ್ತಾ
ಯುವಕನು ವೈದ್ಯರ ಸಲಹೆಯಿಲ್ಲದೆ ತನ್ನ ಮರ್ಮಾಂಗ ಕತ್ತರಿಸಿಕೊಂಡ ಘಟನೆಯು ಉತ್ತರ ಪ್ರದೇಶದ ಪ್ರಾಯಾಗ್ರಾಜ್ನಲ್ಲಿ ನಡೆದಿದೆ. ವೈದ್ಯರನ್ನು ಸಂಪರ್ಕಿಸದೆ ಸ್ನೇಹಿತನ ಸಲಹೆ ಕೇಳಿ ತಾನೇ ಮುಂದಾದ ಬಳಿಕ ತೀವ್ರ ರಕ್ತಸ್ರಾವದಿಂದ ಆಸ್ಪತ್ರೆ ಪಾಲಾಗಿದ್ದಾನೆ
ಪ್ರಾಯಾಗ್ರಾಜ್ನ 20 ವರ್ಷದ ಯುವಕನು ಸ್ಪರ್ಧಾತ್ಮಕ ಪರೀಕ್ಷೆಗಳಿಗೆ ತಯಾರಿ ಮಾಡಿಕೊಳ್ಳುತ್ತಿದ್ದನು. ಆದರೆ ಆತನಿಗೆ ಹುಡುಗಿಯವರಂತೆ ಭಾವನೆಗಳು ಬೆಳೆದಿದ್ದು, ಹುಡುಗಿಯಾಗಲು ತೀವ್ರ ಇಚ್ಛೆ ಮೂಡಿತ್ತು. ಈ ವಿಚಾರವನ್ನು ಪರಿಚಯಸ್ಥನೊಂದಿಗೆ ಹಂಚಿಕೊಂಡಾಗ, ಆತನು ಅರಿವಳಿಕೆ ಇಂಜೆಕ್ಷನ್ ತೆಗೆದುಕೊಂಡು ಶಿಶ್ನವನ್ನು ಕತ್ತರಿಸಿಕೊಳ್ಳುವ ಸಲಹೆ ನೀಡಿದ.
ಯುವಕನು ಆ ಸಲಹೆಯಂತೆ ಹಾನಿಕರ ಹಾದಿಯನ್ನು ಆಯ್ದುಕೊಂಡು, ಅರಿವಳಿಕೆ ಇಂಜೆಕ್ಷನ್ ತೆಗೆದುಕೊಂಡು ತನ್ನ ಶಿಶ್ನವನ್ನು ಕತ್ತರಿಸಿಕೊಂಡಿದ್ದಾನೆ. ಪ್ರಾಥಮಿಕವಾಗಿ ಇಂಜೆಕ್ಷನ್ ಪರಿಣಾಮದಿಂದ ನೋವು ತೀವ್ರವಾಗಿ ಅನುಭವಿಸಲಿಲ್ಲ.
ಆದರೆ ಸಮಯದೊಂದಿಗೆ ಅರಿವಳಿಕೆಯ ಪ್ರಮಾಣ ಕಡಿಮೆಯಾದಂತೆ, ಆತನು ಕ್ರಮೇಣ ನೋವು ಅನುಭವಿಸಲು ಆರಂಭಿಸಿದನು.
ಇದಕ್ಕೂ ಜೊತೆಗೆ ಭಾರೀ ಪ್ರಮಾಣದಲ್ಲಿ ರಕ್ತಸ್ರಾವವಾಗಲು ಆರಂಭವಾಯಿತು. ಆತನು ನೆರೆಹೊರೆಯವರಿಗೆ ಈ ವಿಷಯ ತಿಳಿಸಿದಾಗ, ತಕ್ಷಣವೇ ಆತನನ್ನು ಎಸ್ಆರ್ಎನ್ ಆಸ್ಪತ್ರೆಗೆ ಕರೆದುಕೊಂಡು ಹೋಗಲಾಯಿತು. ವೈದ್ಯರು ಶೀಘ್ರ ಚಿಕಿತ್ಸೆ ನೀಡಿ, ರಕ್ತಸ್ರಾವವನ್ನು ನಿಯಂತ್ರಿಸಿದರು. ಪ್ರಸ್ತುತ ಯುವಕನ ಸ್ಥಿತಿ ಸ್ಥಿರವಾಗಿದೆ ಮತ್ತು ಜೀವಕ್ಕೆ ಯಾವುದೇ ಅಪಾಯವಿಲ್ಲ ಎಂದು ವೈದ್ಯರು ತಿಳಿಸಿದ್ದಾರೆ.
