ಹುಟ್ಟುಹಬ್ಬದಂದೇ ಯುವಕನನ್ನು ಚಾಕುವಿನಿಂದ ಇರಿದು ಭೀಕರ ಕೊಲೆ

ದೆಹಲಿ: ಬುಧವಾರ ರಾತ್ರಿ ಯುವಕನೊಬ್ಬ ತನ್ನ ಸ್ನೇಹಿತರೊಂದಿಗೆ ಹುಟ್ಟುಹಬ್ಬ ಆಚರಿಸಿಕೊಳ್ಳುತ್ತಿದ್ದ. ಈ ಸಂದರ್ಭದಲ್ಲಿ, ಮತ್ತೊಬ್ಬ ಯುವಕ ಬೈಕ್‌ನಲ್ಲಿ ಬಂದು ಅವರ ಕಾರಿಗೆ ಡಿಕ್ಕಿ ಹೊಡೆದಿದ್ದು, ಇದು ಜಗಳಕ್ಕೆ ಕಾರಣವಾಯಿತು.

ಜಗಳ ಗಂಭೀರ ಸ್ವರೂಪ ಪಡೆದಾಗ, ಬೈಕ್ ಸವಾರ ಮತ್ತು ಅವನ ಸ್ನೇಹಿತರು ಹುಟ್ಟುಹಬ್ಬ ಆಚರಿಸಿಕೊಳ್ಳುತ್ತಿದ್ದ ಯುವಕನನ್ನು ಚಾಕುವಿನಿಂದ ಇರಿದು ಕೊಂದರು. ದೆಹಲಿಯ ಘಾಜಿಪುರದ ಪೇಪರ್ ಮಾರ್ಕೆಟ್ ಪ್ರದೇಶದಲ್ಲಿ ಈ ಕೊಲೆ ನಡೆದಿದೆ.

ಇದನ್ನೂ ಓದಿ: ಹ್ಯಾಂಡ್ ರೈಟಿಂಗ್ ಚೆನ್ನಾಗಿಲ್ಲ ಅಂತ ಮೇಣದ ಬತ್ತಿಯಿಂದ ಬಾಲಕನ ಕೈ ಸುಟ್ಟ ಶಿಕ್ಷಕಿ

ವಿವರಗಳಿಗೆ ಹೋದರೆ… ವಿಕಾಸ್ ಎಂಬ ಯುವಕ ಖಾಸಗಿ ವಿಮಾ ಕಂಪನಿಯಲ್ಲಿ ಕೆಲಸ ಮಾಡುತ್ತಾನೆ. ಆತನಿಗೆ ಇತ್ತೀಚೆಗೆ ವಿವಾಹವಾಗಿತ್ತು. ಇದಲ್ಲದೆ, ಬುಧವಾರ ಅವನ ಹುಟ್ಟುಹಬ್ಬವಿತ್ತು. ಆದ್ದರಿಂದ, ಬುಧವಾರ ಅವನು ತನ್ನ ಸ್ನೇಹಿತರಿಗಾಗಿ ಪಾರ್ಟಿಯನ್ನು ಏರ್ಪಡಿಸಿದ್ದ. ಪಾರ್ಟಿಯ ನಂತರ, ಅವನು ಸ್ನೇಹಿತ ಸುಮಿತ್ ಜೊತೆ ಮತ್ತೆ ಮದ್ಯದ ಅಂಗಡಿಗೆ ಹೋಗಿದ್ದ.

ಅದೇ ಸಮಯದಲ್ಲಿ, ಮದ್ಯ ಸೇವಿಸಲು ಬಂದ ಮತ್ತೊಬ್ಬ ಯುವಕ ಅವರ ಕಾರಿಗೆ ಬೈಕ್ ತಾಕಿಸಿದ್ದ. ಕಾರು ಸ್ಕ್ರಾಚ್ ಆಗುತ್ತಿದ್ದಂತೆ, ವಿಕಾಸ್ ಅವನೊಂದಿಗೆ ಜಗಳವಾಡಿದ್ದ. ಜಗಳವು ತೀವ್ರ ಹಂತಕ್ಕೆ ಹೋಯಿತು. ಆ ವ್ಯಕ್ತಿ ಕೂಡಲೇ ತನ್ನ ಸ್ನೇಹಿತರಿಗೆ ಕರೆ ಮಾಡಿ ಕರೆಸಿಕೊಂಡಿದ್ದಾನೆ, ಸುಮಾರು ಆರು ಜನರು ಬಂದು ವಿಕಾಸ್ ಮತ್ತು ಸುಮಿತ್ ಮೇಲೆ ಕಬ್ಬಿಣದ ರಾಡ್‌ಗಳಿಂದ ಹಲ್ಲೆ ನಡೆಸಿದ್ದಾರೆ.

ಇದನ್ನೂ ಓದಿ: ವಿದ್ಯಾರ್ಥಿಗೆ ಅರೆನಗ್ನ ವಿಡಿಯೋ ಕಾಲ್ ಮಾಡಿದ ಲೇಡಿ ಟೀಚರ್! ಆಮೇಲೆ ಏನಾಯ್ತು ಗೊತ್ತಾ

ವಿಕಾಸ್ ಸ್ಥಳದಲ್ಲೇ ಮೃತಪಟ್ಟಿದ್ದಾನೆ. ಗಂಭೀರವಾಗಿ ಗಾಯಗೊಂಡಿದ್ದ ಸುಮಿತ್ ನನ್ನು ಗಾಜಿಪುರದ ಲಾಲ್ ಬಹದ್ದೂರ್ ಆಸ್ಪತ್ರೆಗೆ ಸಾಗಿಸಲಾಯಿತು. ಅಲ್ಲಿಂದ ಉತ್ತಮ ಚಿಕಿತ್ಸೆಗಾಗಿ ಖಾಸಗಿ ಆಸ್ಪತ್ರೆಗೆ ಕರೆದೊಯ್ಯಲಾಯಿತು. ವಿಕಾಸ್ ಮೃತದೇಹವನ್ನು ಮರಣೋತ್ತರ ಪರೀಕ್ಷೆಗೆ ಕಳುಹಿಸಲಾಯಿತು. ಘಟನೆಯ ಬಗ್ಗೆ ಪ್ರಕರಣ ದಾಖಲಿಸಿಕೊಂಡು ತನಿಖೆ ಆರಂಭಿಸಲಾಗಿದೆ. ಈ ಸಂಬಂಧ ಆರೋಪಿಗಳನ್ನು ಸಹ ಬಂಧಿಸಲಾಗಿದೆ.

Youth stabbed to death on birthday after roadside clash in Delhi