Bengaluru AQI: ಬೆಂಗಳೂರು, ಉಡುಪಿ, ಮಂಗಳೂರು ಸೇರಿ ಕರ್ನಾಟಕ ರಾಜ್ಯದ ಹಲವೆಡೆ ಕುಸಿದ ಗಾಳಿ ಗುಣಮಟ್ಟ

• ಬೆಂಗಳೂರು ಏರ್ ಕ್ವಾಲಿಟಿ ಕುಸಿತ
• ಉಡುಪಿ, ಮಂಗಳೂರು ವಾಯು ಗುಣಮಟ್ಟ
• ಕರ್ನಾಟಕ ಗಾಳಿ ಗುಣಮಟ್ಟ ಎಚ್ಚರಿಕೆ

ಬೆಂಗಳೂರು (Bengaluru AQI): ಕರ್ನಾಟಕದ ಹಲವು ನಗರಗಳಲ್ಲಿ ವಾಯು ಗುಣಮಟ್ಟ (Karnataka Air Quality) ಹದಗೆಟ್ಟಿರುವುದು ಜನರಲ್ಲಿ ಆತಂಕಕ್ಕೆ ಕಾರಣವಾಗಿದೆ. ವಿಶೇಷವಾಗಿ ಬೆಂಗಳೂರು, ಉಡುಪಿ, ಮಂಗಳೂರು ಸೇರಿದಂತೆ ಹಲವು ನಗರಗಳಲ್ಲಿ Air Quality Index (AQI) 150 ದಾಟಿರುವುದು ಪರಿಸರ ತಜ್ಞರ ಗಮನ ಸೆಳೆದಿದೆ.

ಹೆಚ್ಚುತ್ತಿರುವ ಬಿಸಿಲು ಮತ್ತು ಶುಷ್ಕ ವಾತಾವರಣದ ಕಾರಣ ಗಾಳಿಯಲ್ಲಿ ಧೂಳು ಮತ್ತು ಮಾಲಿನ್ಯ ಹೆಚ್ಚಾಗುತ್ತಿದೆ. ಇದರ ಪರಿಣಾಮವಾಗಿ ಹಲವೆಡೆ ಗಾಳಿಯ ಗುಣಮಟ್ಟ ಕಳಪೆ ಮಟ್ಟಕ್ಕೆ ಇಳಿದಿದೆ ಎಂದು ತಜ್ಞರು ತಿಳಿಸಿದ್ದಾರೆ.

ಬೆಂಗಳೂರು ಮಂದಿಯ ಆರೋಗ್ಯದ ಮೇಲೆ ಪರಿಣಾಮದ ಭೀತಿ

ರಾಜಧಾನಿ ಬೆಂಗಳೂರು ನಗರದಲ್ಲಿ ಇತ್ತೀಚೆಗೆ ಏರ್ ಕ್ವಾಲಿಟಿ ಸೂಚ್ಯಂಕ 163 ತಲುಪಿದ್ದು, ಇದು ಆರೋಗ್ಯದ ದೃಷ್ಟಿಯಿಂದ ಉತ್ತಮ ಮಟ್ಟದಲ್ಲಿಲ್ಲ ಎಂದು ತಜ್ಞರು ಹೇಳಿದ್ದಾರೆ. ವಿಶ್ವ ಆರೋಗ್ಯ ಸಂಸ್ಥೆ (WHO) ಮಾನದಂಡಗಳ ಪ್ರಕಾರ ಈ ಮಟ್ಟದ ಗಾಳಿಯ ಗುಣಮಟ್ಟ ದೀರ್ಘಕಾಲ ಇದ್ದರೆ ಶ್ವಾಸಕೋಶ ಸಂಬಂಧಿ ಸಮಸ್ಯೆಗಳು ಉಂಟಾಗುವ ಸಾಧ್ಯತೆ ಇದೆ.

ಕೆಲ ದಿನಗಳ ಹಿಂದೆ ಗಾಳಿ ಗುಣಮಟ್ಟ ಇನ್ನಷ್ಟು ಕಳಪೆಯಾಗಿದ್ದರೂ, ಈಗಲೂ ಪರಿಸ್ಥಿತಿ ಸಂಪೂರ್ಣ ಸುಧಾರಿಸಿಲ್ಲ. ನಗರದ ವಾಹನ ಸಂಚಾರ, ನಿರ್ಮಾಣ ಕಾರ್ಯಗಳು ಹಾಗೂ ಧೂಳು ಕೂಡ ಮಾಲಿನ್ಯ ಹೆಚ್ಚಾಗಲು ಕಾರಣವಾಗಿವೆ.

ಯಾವ ನಗರಗಳಲ್ಲಿ ಎಷ್ಟು AQI?

ಇಂದಿನ ಲಭ್ಯ ಮಾಹಿತಿಯ ಪ್ರಕಾರ ರಾಜ್ಯದ ಹಲವು ನಗರಗಳಲ್ಲಿ AQI ಈ ಕೆಳಗಿನಂತಿದೆ:

ಬೆಂಗಳೂರು – 163
ಮಂಗಳೂರು – 184
ಮೈಸೂರು – 162
ಬೆಳಗಾವಿ – 154
ಕಲಬುರ್ಗಿ – 114
ಶಿವಮೊಗ್ಗ – 164
ಬಳ್ಳಾರಿ – 144
ಹುಬ್ಬಳ್ಳಿ – 153
ಉಡುಪಿ – 174
ವಿಜಯಪುರ – 136

ಈ ಅಂಕಿಅಂಶಗಳ ಪ್ರಕಾರ ಬಹುತೇಕ ನಗರಗಳಲ್ಲಿ ಗಾಳಿಯ ಗುಣಮಟ್ಟ ಕಳಪೆ ಅಥವಾ ಅನಾರೋಗ್ಯಕರ ಮಟ್ಟಕ್ಕೆ ತಲುಪಿದೆ.

ಗಾಳಿ ಗುಣಮಟ್ಟವನ್ನು ಹೇಗೆ ಅಳೆಯುತ್ತಾರೆ?

Air Quality Index (AQI) ಮೂಲಕ ಗಾಳಿಯ ಗುಣಮಟ್ಟವನ್ನು ಅಳೆಯಲಾಗುತ್ತದೆ. ಅದರ ಪ್ರಕಾರ:

0–50 : ಉತ್ತಮ
50–100 : ಮಧ್ಯಮ
100–150 : ಕಳಪೆ
150–200 : ಅನಾರೋಗ್ಯಕರ
200–300 : ಗಂಭೀರ
300–500+ : ಅಪಾಯಕಾರಿ

ಈ ಹಿನ್ನೆಲೆಯಲ್ಲಿ ತಜ್ಞರು ಹಿರಿಯರು, ಮಕ್ಕಳು ಹಾಗೂ ಶ್ವಾಸಕೋಶ ಸಮಸ್ಯೆ ಇರುವವರು ಹೊರಗಡೆ ಹೆಚ್ಚು ಸಮಯ ಕಳೆಯದಂತೆ ಸಲಹೆ ನೀಡಿದ್ದಾರೆ.