Bengaluru Krishi Mela 2026: ಬೆಂಗಳೂರು ಜಿಕೆವಿಕೆಯಲ್ಲಿ ನ.16ರಿಂದ ಮೂರು ದಿನಗಳ ಕೃಷಿ ಮೇಳ; ಈ ಬಾರಿ 3 ಹೊಸ ತಳಿಗಳ ಆಕರ್ಷಣೆ

Bengaluru Krishi Mela 2026: ರಾಜ್ಯದ ರೈತರಿಗೆ ಸಿಹಿಸುದ್ದಿ. ಪ್ರತಿವರ್ಷ ಬೆಂಗಳೂರಿನಲ್ಲಿ ನಡೆಯುವ ಕೃಷಿ ಮೇಳಕ್ಕೆ (Krishi Mela) ಕೊನೆಗೂ ದಿನಾಂಕ ನಿಗದಿಯಾಗಿದೆ. ಈ ಬಾರಿ ಒಂದೇ ದಿನಕ್ಕೆ ಸೀಮಿತಗೊಳಿಸಲು ನಿರ್ಧರಿಸಲಾಗಿದ್ದ ಮೇಳವನ್ನು ರೈತರ ಒತ್ತಾಯದ ಹಿನ್ನೆಲೆಯಲ್ಲಿ ಮೂರು ದಿನಗಳ ಕಾಲ ನಡೆಸಲು ತೀರ್ಮಾನಿಸಲಾಗಿದೆ.

ಬೆಂಗಳೂರು ಗಾಂಧಿ ಕೃಷಿ ವಿಜ್ಞಾನ ಕೇಂದ್ರದ (GKVK) ಆವರಣದಲ್ಲಿ ನವೆಂಬರ್ 16ರಿಂದ 18ರವರೆಗೆ ಮೇಳ ನಡೆಯಲಿದೆ. ಆರಂಭದಲ್ಲಿ ನವೆಂಬರ್ 13ರಂದು ಒಂದೇ ದಿನ ಕಾರ್ಯಕ್ರಮ ನಡೆಸಲು ಕೃಷಿ ವಿಶ್ವವಿದ್ಯಾಲಯ ಯೋಜಿಸಿತ್ತು. ಆದರೆ ರೈತರು ಹಾಗೂ ಸಾರ್ವಜನಿಕರಿಂದ ಮೂರು ದಿನಗಳ ಕಾಲ ಆಯೋಜಿಸುವಂತೆ ಬೇಡಿಕೆ ಬಂದಿತ್ತು. ಈ ಹಿನ್ನೆಲೆಯಲ್ಲಿ ಕೃಷಿ ಸಚಿವ ಪಿ.ಎಂ. ನರೇಂದ್ರಸ್ವಾಮಿ ಅವರ ಸೂಚನೆಯಂತೆ ಮೇಳದ ಅವಧಿಯನ್ನು ವಿಸ್ತರಿಸಲಾಗಿದೆ.

ಇದನ್ನೂ ಓದಿಮೇಕೆದಾಟು ಯೋಜನೆಯಿಂದ ಕರ್ನಾಟಕಕ್ಕಿಂತ ತಮಿಳುನಾಡಿಗೇ ಹೆಚ್ಚು ಲಾಭ; ಡಿಕೆ ಶಿವಕುಮಾರ್ಸಂಪೂರ್ಣ ಸುದ್ದಿ ಓದಿ →

ಈ ಬಾರಿಯ ಮೇಳದಲ್ಲಿ ರೈತರ ಗಮನ ಸೆಳೆಯಲಿರುವ ಪ್ರಮುಖ ಅಂಶವೆಂದರೆ ಬರ ಪರಿಸ್ಥಿತಿಯಲ್ಲೂ ಉತ್ತಮ ಇಳುವರಿ ನೀಡಬಲ್ಲ ಮೂರು ಹೊಸ ಬೆಳೆ ತಳಿಗಳು. ಜಿಪಿಯು 101 ರಾಗಿ ತಳಿಯು ಕಡಿಮೆ ನೀರಿನಲ್ಲಿಯೂ ಬೆಳೆಯುವ ಸಾಮರ್ಥ್ಯ ಹೊಂದಿದ್ದು, ಬೆಂಕಿರೋಗ ನಿರೋಧಕ ಗುಣ ಮತ್ತು ಹೆಚ್ಚಿನ ಕಬ್ಬಿಣದ ಅಂಶವನ್ನು ಒಳಗೊಂಡಿದೆ.

ಇನ್ನು ಕೆಬಿಜಿಎ 18 ಬೀಜದ ದಂಟು ತಳಿಯಲ್ಲಿ ಹೆಚ್ಚಿನ ಪ್ರೋಟೀನ್ ಅಂಶವಿದ್ದು, ಹೆಕ್ಟೇರ್‌ಗೆ 22ರಿಂದ 24 ಕ್ವಿಂಟಾಲ್ ಇಳುವರಿ ಪಡೆಯುವ ನಿರೀಕ್ಷೆಯಿದೆ. ಕೆಲವು ಪ್ರಮುಖ ರೋಗ ಮತ್ತು ಕೀಟಗಳ ವಿರುದ್ಧವೂ ಈ ತಳಿ ನಿರೋಧಕ ಸಾಮರ್ಥ್ಯ ಹೊಂದಿದೆ.

ಮುಸುಕಿನ ಜೋಳ ಬೆಳೆಯುವ ರೈತರಿಗೂ ಹೊಸ ತಳಿಯ ಪರಿಚಯವಾಗಲಿದೆ. ಎಂಎಎಚ್ 20-45 ಹೈಬ್ರಿಡ್ ತಳಿಯು 125ರಿಂದ 130 ದಿನಗಳಲ್ಲಿ ಕಟಾವಿಗೆ ಬರಲಿದ್ದು, ಹೆಕ್ಟೇರ್‌ಗೆ 110ರಿಂದ 115 ಕ್ವಿಂಟಾಲ್ ಇಳುವರಿ ನೀಡುವ ಸಾಮರ್ಥ್ಯ ಹೊಂದಿದೆ. ಜಾನುವಾರುಗಳ ಮೇವಿನ ಜೊತೆಗೆ ಎಥೆನಾಲ್ ಉತ್ಪಾದನೆಗೂ ಈ ತಳಿ ಬಳಕೆಯಾಗಲಿದೆ.

ಇದನ್ನೂ ಓದಿರೈತರಿಗೆ ₹5,000 ಬರ ಪರಿಹಾರ ಖಚಿತ, ಬಾಕಿ ಹಣ ಮುಂದಿನ ಕಂತಿನಲ್ಲಿ ಜಮಾ; ಡಿಕೆ ಶಿವಕುಮಾರ್ಸಂಪೂರ್ಣ ಸುದ್ದಿ ಓದಿ →

ಈ ಬಾರಿ ಸಮಯದ ಅಭಾವದ ಕಾರಣ ಸುಮಾರು 100 ಮಳಿಗೆಗಳನ್ನು ಮಾತ್ರ ತೆರೆಯಲು ನಿರ್ಧರಿಸಲಾಗಿದೆ. ಹಿಂದಿನಂತೆ ಜಾನುವಾರು ಮತ್ತು ಕೃಷಿ ಯಂತ್ರೋಪಕರಣಗಳ ಪ್ರದರ್ಶನ ಇರುವುದಿಲ್ಲ. ಬದಲಾಗಿ ರೈತರಿಗೆ ಅನುಕೂಲವಾಗುವಂತೆ ಬರ ನಿರ್ವಹಣೆ (Drought Management), ಹೊಸ ಕೃಷಿ ತಂತ್ರಜ್ಞಾನ (Agriculture Technology) ಮತ್ತು ಸುಧಾರಿತ ಬೆಳೆ ಪದ್ಧತಿಗಳ ಕುರಿತು ವಿಚಾರಗೋಷ್ಠಿಗಳನ್ನು ನಡೆಸಲಾಗುತ್ತದೆ.

ಇದರ ಜೊತೆಗೆ ಕೃಷಿಯಲ್ಲಿ ಸಾಧನೆ ಮಾಡಿದ ರೈತರನ್ನು ಜಿಲ್ಲಾ ಹಾಗೂ ರಾಜ್ಯಮಟ್ಟದ ಪ್ರಶಸ್ತಿಗಳ ಮೂಲಕ ಗೌರವಿಸಲಾಗುತ್ತದೆ. ಒಟ್ಟಿನಲ್ಲಿ ಬರದ ಸವಾಲು ಎದುರಿಸುತ್ತಿರುವ ರೈತರಿಗೆ ಹೊಸ ಬೆಳೆ ತಳಿಗಳು, ವೈಜ್ಞಾನಿಕ ಕೃಷಿ ಪದ್ಧತಿ ಮತ್ತು ತಜ್ಞರ ಸಲಹೆ ಪಡೆಯಲು ಈ ಬಾರಿಯ ಕೃಷಿ ಮೇಳ ಉತ್ತಮ ವೇದಿಕೆಯಾಗಲಿದೆ.

English Summary▼

Bengaluru's GKVK will host Krishi Mela from November 16 to 18, featuring three drought-resistant crop varieties, 100 stalls, agricultural technology sessions and awards recognising progressive farmers.

ಕರ್ನಾಟಕ ರಾಜ್ಯದ ಮೂಲೆಮೂಲೆಗಳ ಕನ್ನಡ ಸುದ್ದಿಗಳ ಜೊತೆಗೆ ದಿನದ ಪ್ರಮುಖ ಬೆಳವಣಿಗೆಗಳನ್ನು Kannada News Today ಮೂಲಕ ತಿಳಿಯಿರಿ.

TRENDING ARTICLES1 / 5‹›

ಇಂದಿನ ದಿನ ಭವಿಷ್ಯ: 11-11-2026, ಬುಧವಾರ Read the story →

ತಾತನ ಆಸ್ತಿಯಲ್ಲಿ ಮೊಮ್ಮಗನಿಗೆ ಹಕ್ಕಿಲ್ಲ! ಹೈಕೋರ್ಟ್ ಮಹತ್ವದ ತೀರ್ಪು Read the story →

ಮೇಕೆದಾಟು ಯೋಜನೆಯಿಂದ ತಮಿಳುನಾಡಿಗೇ ಲಾಭ; ಡಿಕೆ ಶಿವಕುಮಾರ್ Read the story →

ರೈತರಿಗೆ 5,000 ಬರ ಪರಿಹಾರ ಖಚಿತ; ಡಿಕೆ ಶಿವಕುಮಾರ್ Read the story →

ಒಂದೇ ಮನೆಯಲ್ಲಿ ಎರಡು ಗ್ಯಾಸ್ ಕನೆಕ್ಷನ್; ಕೇಂದ್ರ ಹೊಸ ರೂಲ್ಸ್ Read the story →