ರೈತ ಮಹಿಳೆಯರಿಗೆ ಉಚಿತ ನಾಟಿ ಕೋಳಿ ಮರಿಗಳ ವಿತರಣೆ, ಅರ್ಜಿ ಆಹ್ವಾನ! ಈಗಲೇ ಅರ್ಜಿ ಸಲ್ಲಿಸಿ
ರಾಜ್ಯದಲ್ಲಿ ನಾಟಿ ಕೂಳಿ ಸಾಕಾಣಿಕೆಗೆ ಸರ್ಕಾರಿ ಪ್ರೋತ್ಸಾಹ ಹೆಚ್ಚಿದ ಸಂದರ್ಭದಲ್ಲಿ ರೈತ ಮಹಿಳೆಯರಿಗೆ ಉಚಿತ ಮರಿಗಳ ವಿತರಣೆ ಪ್ರಕ್ರಿಯೆ ಆರಂಭವಾಗಿದೆ.
ಪಶುಪಾಲನಾ ಇಲಾಖೆಯಿಂದ ರಾಜ್ಯದ ಹಲವು ಭಾಗಗಳಲ್ಲಿ ನಾಟಿ ಕೋಳಿ ಸಾಕಾಣಿಕೆಗೆ ಹೊಸ ಉತ್ಸಾಹ ಸೃಷ್ಟಿಯಾಗಿದೆ. ಅನುದಾನ ಲಭ್ಯತೆ ಇರುವ ಪ್ರದೇಶಗಳಲ್ಲಿ ಉಚಿತ ನಾಟಿ ಕೋಳಿ ಮರಿಗಳನ್ನು ವಿತರಿಸಲು ಈಗ ಅರ್ಜಿಗಳನ್ನು ಸ್ವೀಕರಿಸಲಾಗುತ್ತಿದೆ. ರೈತ ಕುಟುಂಬಗಳಲ್ಲಿ ಹೆಚ್ಚುವರಿ ಆದಾಯವನ್ನು ರೂಪಿಸಲು ಈ ಯೋಜನೆ ಸಹಕಾರಿ ಎಂಬುದನ್ನು ಇಲಾಖೆ ಪುನರುಚ್ಚರಿಸಿದೆ.
ಸಾಕಾಣಿಕೆಗೆ ಬೇಡಿಕೆ ಹೆಚ್ಚಳ
ಇತ್ತೀಚಿನ ವರ್ಷಗಳಲ್ಲಿ ನಾಟಿ ಕೋಳಿ ಮೊಟ್ಟೆ ಮತ್ತು ಮಾಂಸಕ್ಕೆ ಮಾರುಕಟ್ಟೆಯಲ್ಲಿ ಉತ್ತಮ ಬೇಡಿಕೆಯಿದೆ. ಕಡಿಮೆ ಹೂಡಿಕೆಯಲ್ಲಿ ಒಳ್ಳೆಯ ಫಲಿತಾಂಶ ಸಿಗುವುದರಿಂದ ಗ್ರಾಮೀಣ ಮಹಿಳೆಯರಿಗೆ ಇದು ಉತ್ತಮ ಆದಾಯದ ಮೂಲವಾಗುತ್ತಿದೆ. ಪರ್ಯಾಯ ಉದ್ಯಮವಾಗಿ ಇದು ಬೇಗನೆ ನೆಲೆಗೊಳ್ಳುತ್ತಿರುವುದು ಮತ್ತೊಂದು ವಿಶೇಷ.
ಯೋಜನೆಯ ಉದ್ದೇಶ
ಕೋಳಿ ಸಾಕಾಣಿಕೆಯಲ್ಲಿ ಈಗಾಗಲೇ ಸ್ವಲ್ಪವಾದರೂ ಅನುಭವವಿರುವ ಮಹಿಳೆಯರಿಗೆ ಈ ಯೋಜನೆ (Poultry Scheme.) ಹೆಚ್ಚು ಪ್ರಯೋಜನಕಾರಿ. ಆರಂಭಿಕ ತಿಂಗಳಲ್ಲಿ ಮರಿಗಳನ್ನು ಮಕ್ಕಳನ್ನು ನೋಡಿಕೊಳ್ಳುವಂತೆ ವಿಶೇಷ ಕಾಳಜಿಯಿಂದ ಸಾಕಬೇಕಾಗುತ್ತದೆ. 3-4 ತಿಂಗಳವರೆಗೆ ಸೂಕ್ತ ಆಹಾರ, ಆರೈಕೆ ಮತ್ತು ರೋಗ ನಿಯಂತ್ರಣ ಕ್ರಮಗಳನ್ನು ತೆಗೆದುಕೊಂಡರೆ ಉತ್ತಮ ಬೆಳವಣಿಗೆ ಮತ್ತು ಆದಾಯ ದೊರೆಯುತ್ತವೆ.
ಉಚಿತ ನಾಟಿ ಕೋಳಿ ಮರಿ ಯೋಜನೆ – ಯಾರಿಗೆ ಲಭ್ಯ?
ಕರ್ನಾಟಕ ಸಹಕಾರ ಕುಕ್ಕುಟ ಮಹಾಮಂಡಳಿ ಹಾಗೂ ಪಶುಪಾಲನಾ ಮತ್ತು ಪಶುವೈದ್ಯಕೀಯ ಇಲಾಖೆ ಸಂಯುಕ್ತವಾಗಿ ಮಹಿಳಾ ರೈತರಿಗೆ ಐದು ವಾರದ ನಾಟಿ ಕೋಳಿ ಮರಿಗಳನ್ನು ಉಚಿತವಾಗಿ ವಿತರಿಸುತ್ತಿವೆ.
- ಕೃಷಿ ಕೆಲಸದಲ್ಲಿ ತೊಡಗಿರುವ ಎಲ್ಲಾ ವರ್ಗಗಳ ರೈತ ಮಹಿಳೆಯರು ಅರ್ಜಿ ಸಲ್ಲಿಸಬಹುದು.
- ಕಳೆದ ವರ್ಷ ಈಗಾಗಲೇ ಮರಿಗಳನ್ನು ಪಡೆದವರು ಈ ಬಾರಿ ಅವಕಾಶಕ್ಕೆ ಒಳಪಡುವುದಿಲ್ಲ.
ಅರ್ಜಿಯ ವಿಧಾನ
ಅರ್ಹ ಮಹಿಳೆಯರು ಅಗತ್ಯ ದಾಖಲೆಗಳೊಂದಿಗೆ ತಮ್ಮ ತಾಲ್ಲೂಕಿನ ಪಶುಪಾಲನಾ ಕಚೇರಿಗೆ ನೇರವಾಗಿ ಭೇಟಿ ನೀಡಿ ಅರ್ಜಿಯನ್ನು ಸಲ್ಲಿಸಬೇಕು. ಅರ್ಜಿ ಆನ್‌ಲೈನ್‌ನಲ್ಲಿ ಲಭ್ಯವಿಲ್ಲ; ಸಂಪೂರ್ಣ ಪ್ರಕ್ರಿಯೆ ಆಫ್‌ಲೈನ್.
ಅವಶ್ಯಕ ದಾಖಲೆಗಳು
- ಆಧಾರ್ ಕಾರ್ಡ್
- ಪಾಸ್‌ಪೋರ್ಟ್ ಫೋಟೋ
- ಬ್ಯಾಂಕ್ ಪಾಸ್ ಬುಕ್
- ಜಮೀನಿನ RTC
- ಮೊಬೈಲ್ ನಂಬರ್
ಯೋಜನೆಗೆ ಸಂಬಂಧಿಸಿದ ಹೆಚ್ಚಿನ ಮಾಹಿತಿಗಾಗಿ ಸ್ಥಳೀಯ ಪಶು ಆಸ್ಪತ್ರೆಯನ್ನು ಕಚೇರಿ ಸಮಯದಲ್ಲಿ ಭೇಟಿ ಮಾಡುವಂತೆ ಇಲಾಖೆ ಸಲಹೆ ನೀಡಿದೆ.
Free Nati Chicken Distribution, Apply Now
