ಯುಗಾದಿ ಹೊಸತೊಡಕು: ನಾಟಿ ಕೋಳಿಗೆ ಭಾರೀ ಡಿಮ್ಯಾಂಡ್! ಬೆಲೆ ಎಷ್ಟಾಗಿದೆ ಗೊತ್ತಾ

ಬೆಂಗಳೂರು (Bengaluru): ಯುಗಾದಿ ಹಬ್ಬದ ಸಂಭ್ರಮದ ನಡುವೆ ಚಿಕ್ಕಬಳ್ಳಾಪುರದಲ್ಲಿ ನಾಟಿ ಕೋಳಿ ಹಾಗೂ ನಾಟಿ ಕೋಳಿ ಮೊಟ್ಟೆಗಳಿಗೆ ಭಾರೀ ಬೇಡಿಕೆ ಹೆಚ್ಚಾಗಿದೆ. ವಿಶೇಷವಾಗಿ ಹಬ್ಬದ ದಿನ ನಾನ್‌ವೆಜ್ ತಿನಿಸು ತಯಾರಿಸಲು ಹಲವರು ಫಾರಂ ಕೋಳಿ ಬದಲು ನಾಟಿ ಕೋಳಿಯತ್ತ ಮುಖ ಮಾಡುತ್ತಿದ್ದಾರೆ.

ನಗರದ ವಾಪಸಂದ್ರ ಪ್ರದೇಶದಲ್ಲಿ ಮನೆ ಮಟ್ಟದಲ್ಲಿ ನಾಟಿ ಕೋಳಿ ಸಾಕಾಣಿಕೆ ಮಾಡುತ್ತಿರುವ ಕುಟುಂಬಗಳ ಬಳಿ ಜನರು ನೇರವಾಗಿ ತೆರಳಿ ಕೋಳಿ ಖರೀದಿಸುತ್ತಿದ್ದಾರೆ. ಆರೋಗ್ಯದ ದೃಷ್ಟಿಯಿಂದ ನಾಟಿ ಕೋಳಿ ಉತ್ತಮ ಎಂದು ನಂಬಿರುವ ಗ್ರಾಹಕರು, ಕೇಳಿದಷ್ಟು ಹಣ ನೀಡಿ ಖರೀದಿ ಮಾಡುತ್ತಿರುವುದು ಗಮನಾರ್ಹವಾಗಿದೆ.

ಚಿಕ್ಕಬಳ್ಳಾಪುರದ ವಾಪಸಂದ್ರದಲ್ಲಿ ಸಾಫ್ಟ್‌ವೇರ್ ಇಂಜಿನಿಯರ್ ದಂಪತಿಯಾದ ಅಶ್ವಿನ್ ಹಾಗೂ ನಿಧಿ ತಮ್ಮ ಮನೆಯ ಬಳಿಯೇ ಸುಮಾರು 600 ನಾಟಿ ಕೋಳಿಗಳನ್ನು ಸಾಕುತ್ತಿದ್ದಾರೆ. ಯುಗಾದಿ ಹಬ್ಬದ ಹಿನ್ನೆಲೆಯಲ್ಲಿ ಅವರ ಮನೆಗೆ ಗ್ರಾಹಕರು ನೇರವಾಗಿ ಭೇಟಿ ನೀಡಿ ಕೋಳಿ ಹಾಗೂ ಮೊಟ್ಟೆಗಳನ್ನು ಖರೀದಿಸುತ್ತಿದ್ದಾರೆ.

ಮಾರುಕಟ್ಟೆಯಲ್ಲಿ ನಾಟಿ ಕೋಳಿಯ ಬೆಲೆ ಕಿಲೋಗೆ ಸುಮಾರು ₹700 ಇದ್ದರೂ, ಇವರ ಬಳಿ ಕಿಲೋಗೆ ಸುಮಾರು ₹450 ದರದಲ್ಲಿ ಮಾರಾಟ ಮಾಡಲಾಗುತ್ತಿದೆ. ಇದರಿಂದ ಗ್ರಾಹಕರಿಗೆ ಕಡಿಮೆ ಬೆಲೆಯಲ್ಲೇ ಉತ್ತಮ ಗುಣಮಟ್ಟದ ನಾಟಿ ಕೋಳಿ ದೊರೆಯುತ್ತಿದೆ.

ಇದರ ಜೊತೆಗೆ ನಾಟಿ ಕೋಳಿ ಮೊಟ್ಟೆಯಿಗೂ ಉತ್ತಮ ಬೇಡಿಕೆ ಇದೆ. ಪ್ರತಿಯೊಂದು ಮೊಟ್ಟೆಯನ್ನು ಸುಮಾರು ₹12 ದರಕ್ಕೆ ಮಾರಾಟ ಮಾಡಲಾಗುತ್ತಿದ್ದು, ಮನೆಮಾತಾದ ನೈಸರ್ಗಿಕ ಆಹಾರಕ್ಕೆ ಜನರು ಹೆಚ್ಚು ಒಲವು ತೋರಿಸುತ್ತಿದ್ದಾರೆ.

ಫಾರಂ ಕೋಳಿ ತಿನ್ನುವುದರಿಂದ ಬೇಸತ್ತಿರುವ ಕೆಲವರು ನಾಟಿ ಕೋಳಿಯ ರುಚಿ ಹಾಗೂ ಆರೋಗ್ಯದ ಲಾಭಕ್ಕಾಗಿ ಹೆಚ್ಚು ಹಣ ಕೊಟ್ಟರೂ ಖರೀದಿಸಲು ಮುಂದಾಗಿದ್ದಾರೆ. ಹೀಗಾಗಿ ಯುಗಾದಿ ಹಬ್ಬದ ಸಂದರ್ಭದಲ್ಲಿ ಚಿಕ್ಕಬಳ್ಳಾಪುರದಲ್ಲಿ ನಾಟಿ ಕೋಳಿ ವ್ಯಾಪಾರಕ್ಕೆ ಉತ್ತಮ ಚೈತನ್ಯ ಸಿಕ್ಕಿದೆ.