ಮೈಸೂರು ಜಿಲ್ಲೆಯ ತೋಟದ ಮನೆಯಲ್ಲಿ ವೃದ್ಧ ದಂಪತಿಗಳ ಹತ್ಯೆ!
ತೋಟದ ಮನೆಯಲ್ಲೇ ದಂಪತಿಗಳ ಹತ್ಯೆ, ಕಲ್ಲು ಮತ್ತು ದೊಣ್ಣೆಗಳನ್ನು ಬಳಸಿಕೊಂಡು ದಂಪತಿಯನ್ನು ಹೊಡೆದು ಕೊಂದಿರುವ ಶಂಕೆ
- ಮೈಸೂರು ಜಿಲ್ಲೆ ಹುಣಸೂರು ತಾಲ್ಲೂಕಿನಲ್ಲಿ ವೃದ್ಧ ದಂಪತಿಗಳ ಹತ್ಯೆ
- ತೋಟದ ಮನೆಯಲ್ಲಿ ವಾಸವಿದ್ದ ರಂಗಸ್ವಾಮಿ ಗೌಡ ಮತ್ತು ಶಾಂತಮ್ಮ
- ಪೊಲೀಸರಿಂದ ತನಿಖೆ ಆರಂಭ, ಮಾಹಿತಿ ಕಲೆ
ಮೈಸೂರು (Mysuru): ಹುಣಸೂರು ತಾಲ್ಲೂಕಿನ ನಾಡಪ್ಪನಹಳ್ಳಿ (Nadappanahalli) ಯಲ್ಲಿ ರಂಗಸ್ವಾಮಿ ಗೌಡ (65) ಮತ್ತು ಶಾಂತಮ್ಮ (52) ಅವರನ್ನು ದುಷ್ಕರ್ಮಿಗಳು ಬರ್ಬರವಾಗಿ ಹತ್ಯೆ ಮಾಡಿದ್ದಾರೆ. ಕಲ್ಲು ಮತ್ತು ದೊಣ್ಣೆಗಳನ್ನು ಬಳಸಿಕೊಂಡು ದಂಪತಿಯನ್ನು ಹೊಡೆದು ಕೊಂದಿರುವ ಶಂಕೆ ವ್ಯಕ್ತವಾಗಿದೆ.
ಗ್ರಾಮದಲ್ಲಿ ಈ ದುರ್ಘಟನೆ ಭೀತಿಯನ್ನು ಮೂಡಿಸಿದೆ. ಈ ದಂಪತಿಗಳಿಗೆ ಇಬ್ಬರು ಪುತ್ರರು ಮತ್ತು ಒಬ್ಬ ಪುತ್ರಿ ಇದ್ದರೂ, ಇಬ್ಬರೂ ತೋಟದ ಮನೆಯಲ್ಲಿ ಪ್ರತ್ಯೇಕವಾಗಿ ವಾಸಿಸುತ್ತಿದ್ದರು. ಹತ್ಯೆ ನಡೆದ ಸಮಯದಲ್ಲಿ ಕುಟುಂಬದ ಉಳಿದ ಸದಸ್ಯರು ಅಲ್ಲಿರಲಿಲ್ಲ.
ಈ ಘಟನೆಯು ಬೆಳಕಿಗೆ ಬಂದಿದ್ದು, ಗಣೇಶ್ ಎಂಬ ಕಾರ್ಮಿಕ ತೋಟದ ಮನೆಗೆ ಬಂದಾಗ. ಆಕಸ್ಮಿಕವಾಗಿ ತೋಟದ ಮನೆಗೆ ಬಂದ ಗಣೇಶ್, ಶಾಂತಮ್ಮ ಅವರ ಶವವನ್ನು ಒಳಗಡೆ ಮತ್ತು ರಂಗಸ್ವಾಮಿ ಗೌಡ ಅವರ ಶವವನ್ನು ದನದ ಕೊಟ್ಟಿಗೆಯಲ್ಲಿ ನೋಡಿ ಬೆಚ್ಚಿಬಿದ್ದಿದ್ದಾನೆ!
ಘಟನೆಯ ಬಗ್ಗೆ ಮಾಹಿತಿ ಪಡೆದ ಬಿಳಿಕೆರೆ (Bilikere) ಪೊಲೀಸರು ಫಿಂಗರ್ ಪ್ರಿಂಟ್ಸ್ (Fingerprints), ಸಿಸಿಟಿವಿ ಪರಿಶೀಲನೆ ಮತ್ತು ಶಂಕಿತರ ವಿಚಾರಣೆ ಮೂಲಕ ಹಂತಕರ ಸುಳಿವು ಹುಡುಕುತ್ತಿದ್ದಾರೆ.
ಈ ಕೊಲೆಯ ಹಿಂದೆ ಕುಟುಂಬ ಕಲಹ (Family Dispute), ಆಸ್ತಿ ತಕರಾರು ಅಥವಾ ವೈಯಕ್ತಿಕ ದ್ವೇಷ ಕಾರಣವೋ ಎಂಬುದರ ಬಗ್ಗೆ ಊಹಾಪೋಹಗಳು ನಡೆಯುತ್ತಿವೆ. ಈ ಬಗ್ಗೆ ಐಜಿಪಿ, ಎಸ್ಪಿ ಸ್ಥಳಕ್ಕೆ ಭೇಟಿ ನೀಡಿ ತನಿಖೆಗೆ ಒತ್ತು ನೀಡಿದ್ದಾರೆ.
ಪ್ರಸ್ತುತ ಈ ಹತ್ಯೆಯು ಮೈಸೂರು ಜಿಲ್ಲೆಯ ಜನರ ಮನದಲ್ಲಿ ಭೀತಿಯ ವಾತಾವರಣ ಮೂಡಿಸಿದೆ. ದಂಪತಿಗಳ ಹತ್ಯೆ ಯಾರು ನಡೆಸಿದರು? ಈ ಹಿಂದೆ ಇವರಿಗೆ ಯಾರಾದರೂ ಬೆದರಿಕೆ ಹೊಡ್ದಿದ್ದರಾ? ಎಂಬುದರ ಬಗ್ಗೆ ಪೊಲೀಸರು ಇನ್ನು ವಿವರವಾಗಿ ತನಿಖೆ ನಡೆಸುತ್ತಿದ್ದಾರೆ.
Mystery Murder in Mysuru, Elderly Couple Brutally Killed in Farmhouse
Our Whatsapp Channel is Live Now 👇
