Bengaluru AQI: ಬೆಂಗಳೂರು ಮಾಲಿನ್ಯ ಹೆಚ್ಚಳ, ಕರ್ನಾಟಕ ಕರಾವಳಿ ಜನರಿಗೆ ಶುದ್ಧ ಗಾಳಿ ವಾತಾವರಣ

• ಬೆಂಗಳೂರು AQI 140–175, ಗಾಳಿ ಕಳಪೆ ಮಟ್ಟಕ್ಕೆ
• ಮಂಗಳೂರು–ಉಡುಪಿ ಉತ್ತಮ ವಾಯು ಗುಣಮಟ್ಟ
• ಗಾಳಿ ಕಳಪೆ, ಮಾಸ್ಕ್ ಧರಿಸಲು ತಜ್ಞರ ಸಲಹೆ

ಬೆಂಗಳೂರು (Bengaluru): ಬೆಂಗಳೂರು ನಗರದ ಹಲವು ಪ್ರದೇಶಗಳಲ್ಲಿ ಬೆಳಗ್ಗೆ ಮಂಜು ಮತ್ತು ಮಧ್ಯಾಹ್ನದ ಬಿಸಿಲಿನ ನಡುವೆ ಧೂಳಿನ ಕಣಗಳು (Bengaluru AQI) ಗಾಳಿಯಲ್ಲಿ ಹೆಚ್ಚು ಕಾಲ ತಂಗುತ್ತಿವೆ. ಹೆಬ್ಬಾಳ, ಸಿಲ್ಕ್ ಬೋರ್ಡ್, ವೈಟ್‌ಫೀಲ್ಡ್ ಮತ್ತು ಪೀಣ್ಯ ಭಾಗಗಳಲ್ಲಿ ವಾಹನ ಸಂಚಾರ ದಟ್ಟಣೆ ಹೆಚ್ಚಿರುವುದರಿಂದ AQI ಏರಿಕೆಯಾಗಿದ್ದು, 140ರಿಂದ 175ರ ಮಟ್ಟಕ್ಕೆ ತಲುಪಿದೆ. ಇದರಿಂದ ಉಸಿರಾಟದ ತೊಂದರೆ ಇರುವವರು ಮತ್ತು ಮಕ್ಕಳಿಗೆ ತೊಂದರೆ ಹೆಚ್ಚಾಗುವ ಸಾಧ್ಯತೆ ಇದೆ.

ಕರ್ನಾಟಕ ಕರಾವಳಿಯಲ್ಲಿ ನೆಮ್ಮದಿಯ ಗಾಳಿ

ಇದಕ್ಕೆ ವಿರುದ್ಧವಾಗಿ, ಸಮುದ್ರ ಗಾಳಿಯ ಪ್ರಭಾವದಿಂದ ಮಂಗಳೂರು ಮತ್ತು ಉಡುಪಿ ಭಾಗಗಳಲ್ಲಿ ಗಾಳಿ ಅತ್ಯಂತ (Karnataka Air Quality) ಶುದ್ಧವಾಗಿದೆ. ಬೆಳಗಿನ ವಾಯುವಿಹಾರ ಅಥವಾ ವ್ಯಾಯಾಮಕ್ಕೆ ಈ ನಗರಗಳು ಸೂಕ್ತವಾಗಿದ್ದು, ಜನರು ತಾಜಾ ಗಾಳಿಯನ್ನು ಅನುಭವಿಸುತ್ತಿದ್ದಾರೆ. ಮೈಸೂರು, ಚಾಮರಾಜನಗರದಲ್ಲೂ ಉತ್ತಮ ಮಟ್ಟದ ವಾತಾವರಣ ಕಂಡುಬಂದಿದೆ.

ಇತರೆ ನಗರಗಳ ಸ್ಥಿತಿ

ಹುಬ್ಬಳ್ಳಿ-ಧಾರವಾಡ, ಕಲಬುರ್ಗಿ, ಬೆಳಗಾವಿ ಭಾಗಗಳಲ್ಲಿ ಗಾಳಿ ಸಾಧಾರಣ ಮಟ್ಟದಲ್ಲಿದೆ. ಆದರೆ ಬೆಂಗಳೂರು ಮಾತ್ರ ಕಳಪೆ ಗುಣಮಟ್ಟದಿಂದ ಬೇಸರ ತಂದಿದೆ. ತಜ್ಞರು ಮಧ್ಯಾಹ್ನ 12ರಿಂದ 4ರೊಳಗೆ ಹೊರಗೆ ಹೆಚ್ಚು ಕಾಲ ತಂಗಬಾರದು, ಮಾಸ್ಕ್ ಬಳಸುವುದು ಮತ್ತು ಸಾಕಷ್ಟು ನೀರು ಕುಡಿಯುವುದು ಉತ್ತಮ ಎಂದು ಸಲಹೆ ನೀಡಿದ್ದಾರೆ.

AQI ಅರ್ಥ ಏನು?

ವಾಯು ಗುಣಮಟ್ಟ ಸೂಚ್ಯಂಕ (AQI) 0–50 ಇದ್ದರೆ ಉತ್ತಮ, 50–100 ಮಧ್ಯಮ, 100–150 ಕಳಪೆ, 150–200 ಅನಾರೋಗ್ಯಕರ, 200ಕ್ಕೂ ಮೇಲಾಗಿದ್ರೆ ಗಂಭೀರ ಮಟ್ಟ ಎಂದು ಪರಿಗಣಿಸಲಾಗುತ್ತದೆ. ಬೆಂಗಳೂರಿನ ಇಂದಿನ ಮಟ್ಟ ಅನಾರೋಗ್ಯಕರ ಹಂತದತ್ತ ಸಾಗುತ್ತಿದೆ ಎಂಬುದು ಆತಂಕಕಾರಿ ಸಂಗತಿ.