ಇದು ವಿಶ್ವದ ಅತ್ಯಂತ ಚಿಕ್ಕ ಸ್ಮಾರ್ಟ್‌ಫೋನ್, ಮೂರ್ತಿ ಚಿಕ್ಕದಾದರೂ ಕೀರ್ತಿ ದೊಡ್ಡದು ಅನ್ನೋತರ ಫೀಚರ್‌ಗಳು ಅದ್ಭುತ! ಬೆಲೆ ಎಷ್ಟು ಗೊತ್ತಾ?

Smallest Smartphone: ಚೀನಾದ ಸ್ಮಾರ್ಟ್‌ಫೋನ್ ತಯಾರಕ ಯುನಿಹರ್ಟ್ಜ್ (Unihertz Jelly Star) 3 ಇಂಚಿನ ಡಿಸ್‌ಪ್ಲೇ ಮತ್ತು ಪಾರದರ್ಶಕ ವಿನ್ಯಾಸದೊಂದಿಗೆ ‘ಜೆಲ್ಲಿ ಸ್ಟಾರ್’ ಸ್ಮಾರ್ಟ್‌ಫೋನ್ (Jelly Star Smartphone) ಅನ್ನು ಬಿಡುಗಡೆ ಮಾಡಿದೆ. ಈ ಅತಿ ಸಣ್ಣ ಸ್ಮಾರ್ಟ್‌ಫೋನ್ ಎಲ್ಲರ ಗಮನ ಸೆಳೆಯುತ್ತಿದೆ.

ನೋಡಲು ಚಿಕ್ಕದಾಗಿ ಕಂಡರೂ ಒಂದು ಸ್ಮಾರ್ಟ್‌ಫೋನ್ ನಲ್ಲಿ ಏನೆಲ್ಲಾ ವೈಶಿಷ್ಟ್ಯಗಳು ಇರುತ್ತವೆಯೋ ಎಲ್ಲಾ ವೈಶಿಷ್ಟ್ಯಗಳು (Features) ಈ ಸ್ಮಾರ್ಟ್‌ಫೋನ್ ನಲ್ಲಿ ಕಾಣಬಹುದು. ಇನ್ನು ಈಗಾಗಲೇ ಈ ಫೋನ್ ಖರೀದಿ ಜೋರಾಗಿದ್ದು ಇದರ ಸಂಪೂರ್ಣ ವಿವರ ತಿಳಿಯೋಣ.

15 ಸಾವಿರಕ್ಕಿಂತ ಕಡಿಮೆ ಬೆಲೆಗೆ ಇಷ್ಟೆಲ್ಲಾ ಫೀಚರ್ ಇರುವ 5G ಸ್ಮಾರ್ಟ್‌ಫೋನ್ ಬೇರೆಲ್ಲೂ ಸಿಗೋಲ್ಲ! ಫ್ಲಿಪ್‌ಕಾರ್ಟ್‌ನಲ್ಲಿ ಅದ್ದೂರಿ ಆಫರ್

ಈ ಇತ್ತೀಚಿನ ಆಂಡ್ರಾಯ್ಡ್ 13 ಆಧಾರಿತ ಫೋನ್ ವಿಶ್ವದ ಅತ್ಯಂತ ಚಿಕ್ಕ ಸ್ಮಾರ್ಟ್‌ಫೋನ್ ಎಂದು ಕಂಪನಿ ಹೇಳಿಕೊಂಡಿದೆ. ಕಂಪನಿಯು ಈ ಸ್ಮಾರ್ಟ್‌ಫೋನ್‌ನ ಹಿಂಭಾಗದ ಪ್ಯಾನೆಲ್‌ನಲ್ಲಿ ಪಾರದರ್ಶಕ ವಿನ್ಯಾಸದೊಂದಿಗೆ ನಥಿಂಗ್ ಫೋನ್ 1 ನಂತಹ LED ಅಧಿಸೂಚನೆ ಬೆಳಕನ್ನು ನೀಡಿದೆ. ಫೋನ್‌ನ ಆಂತರಿಕ ಅಂಶಗಳು ಪಾರದರ್ಶಕ ಬ್ಯಾಕ್ ಪ್ಯಾನೆಲ್‌ನಿಂದ ಗೋಚರಿಸುತ್ತವೆ.

ಬೆಲೆ, ಲಭ್ಯತೆ – Price & Availability

ಕಂಪನಿಯು ಈ ಚಿಕ್ಕ ಸ್ಮಾರ್ಟ್‌ಫೋನ್ ಅನ್ನು 8GB RAM + 256GB ಸಂಗ್ರಹಣೆಯೊಂದಿಗೆ ಒಂದೇ ರೂಪಾಂತರದಲ್ಲಿ ಬಿಡುಗಡೆ ಮಾಡಿದೆ. ಇದು ಮೈಕ್ರೊ ಎಸ್‌ಡಿ ಕಾರ್ಡ್‌ಗಾಗಿ ಪೋರ್ಟ್ ಅನ್ನು ಸಹ ಹೊಂದಿದೆ.

ಇದು ಭರ್ಜರಿ ಆಫರ್ ಅಂದ್ರೆ..! ಈ 5G ಫೋನ್ ಏಕಾಏಕಿ 10,000 ರೂಪಾಯಿಗಳಷ್ಟು ಕಡಿಮೆಯಾಗಿದೆ, ಕಡಿಮೆ ಬಜೆಟ್ ಸೂಪರ್ ವೈಶಿಷ್ಟ್ಯ

ಕಂಪನಿಯು ಈ ಫೋನ್ ಅನ್ನು ಸದ್ಯ ಹಾಂಗ್ ಕಾಂಗ್‌ನಲ್ಲಿ ಮಾತ್ರ ಬಿಡುಗಡೆ ಮಾಡಿದೆ. ಇದರ ಬೆಲೆ ಭಾರತೀಯ ಕರೆನ್ಸಿ ಪ್ರಕಾರ ರೂ.17 ಸಾವಿರ. ಅಕ್ಟೋಬರ್ ತಿಂಗಳಿನಿಂದ ಈ ಫೋನ್ ಗ್ರಾಹಕರಿಗೆ ಲಭ್ಯವಾಗಲಿದೆ. ಇನ್ನು ಜಾಗತಿಕ ಬಿಡುಗಡೆ ಬಗ್ಗೆ ಇನ್ನೂ ಯಾವುದೇ ಮಾಹಿತಿ ಇಲ್ಲವಾದರೂ ಶೀಘ್ರದಲ್ಲೇ ಭಾರತದಲ್ಲಿಯೂ ಬಿಡುಗಡೆ ಸಾಧ್ಯತೆ ಇದೆ ಎನ್ನುತ್ತವೆ ಮಾರುಕಟ್ಟೆ ಮೂಲಗಳು.

ವಿಶೇಷಣಗಳು – Specifications

3 ಇಂಚಿನ LED ಡಿಸ್ಪ್ಲೇ ಜೊತೆಗೆ 480 x 854 ಪಿಕ್ಸೆಲ್ ರೆಸಲ್ಯೂಶನ್.
ಮೀಡಿಯಾ ಟೆಕ್ ಹೆಲಿಯೊ ಜಿ-99 ಆಕ್ಟಾಕೋರ್ ಪ್ರೊಸೆಸರ್
ಆಂಡ್ರಾಯ್ಡ್ 13 ಆಪರೇಟಿಂಗ್ ಸಿಸ್ಟಮ್
48 MP ಹಿಂಬದಿಯ ಕ್ಯಾಮರಾ, 8 MP ಮುಂಭಾಗದ ಕ್ಯಾಮರಾ
2000mAH ಬ್ಯಾಟರಿ

Worlds Smallest Smartphone Unihertz Jelly Star Enters the Market with Amazing Features

Follow us On