ಬೆಂಗಳೂರು ಸೆಕೆಂಡ್ ಏರ್ಪೋರ್ಟ್ ಎಫೆಕ್ಟ್! ಈ ಜಾಗದ ಭೂಮಿಗೆ ಬಂಗಾರದ ಬೆಲೆ
ಬೆಂಗಳೂರು ಎರಡನೇ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದ ಸುದ್ದಿ ಹರಡುತ್ತಿದ್ದಂತೆಯೇ ಕನಕಪುರ, ನೆಲಮಂಗಲ ಭಾಗದಲ್ಲಿ ಭೂಮಿಗೆ ಭಾರೀ ಬೇಡಿಕೆ. ಕೆಲವು ಪ್ರದೇಶಗಳಲ್ಲಿ ಭೂ ಬೆಲೆ ಬಹುಪಟ್ಟು ಏರಿಕೆ ಕಂಡಿದೆ.
- ಶಾರ್ಟ್ಲಿಸ್ಟ್ ಆಗಿರುವ ಪ್ರದೇಶಗಳಲ್ಲಿ ಭೂಮಿಗೆ ಭಾರೀ ಬೇಡಿಕೆ
- ಕನಕಪುರದಲ್ಲಿ ಎಕರೆಗೆ 18 ಕೋಟಿ ರೂ.ವರೆಗೆ ಬೆಲೆ
- ಜನ ಭೂಮಿ ಮಾರಾಟಕ್ಕೆ ಇಚ್ಛೆ ತೋರಿಸುತ್ತಿಲ್ಲ
ಬೆಂಗಳೂರು (Bengaluru): ಬೆಂಗಳೂರು ನಗರಕ್ಕೆ ಇನ್ನೊಂದು ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣ (Bengaluru Second Airport ) ನಿರ್ಮಾಣದ ಸಿದ್ಧತೆಗಳು ನಡೆಯುತ್ತಿರುವ ಸುದ್ದಿ ಹೊರಬಿದ್ದ ನಂತರ, ಈ ಯೋಜನೆಯಿಂದ ಪ್ರಯೋಜನ ಪಡೆಯಬಹುದೆಂದು ನಂಬಿರುವ ಹೂಡಿಕೆದಾರರು ಕನಕಪುರ ಮತ್ತು ನೆಲಮಂಗಲ ಭಾಗಗಳಲ್ಲಿ ಭೂಮಿ ಖರೀದಿಗೆ ದಿಢೀರ್ ಆಗಿ ಮುಗಿಬಿದ್ದಿದ್ದಾರೆ.
ಈ ವಿಮಾನ ನಿಲ್ದಾಣದ ಸ್ಥಳ ಇನ್ನೂ ಅಧಿಕೃತವಾಗಿ ಘೋಷಿತವಾಗಿಲ್ಲ. ಆದರೆ ಶಾರ್ಟ್ಲಿಸ್ಟ್ ಆಗಿರುವ ಜಾಗಗಳಲ್ಲಿ ಕನಕಪುರ ರಸ್ತೆ ಮತ್ತು ಕುಣಿಗಲ್ ರಸ್ತೆ ಭಾಗಗಳು ಪ್ರಮುಖವಾಗಿವೆ.
ಇಲ್ಲಿನ real estate ಚಟುವಟಿಕೆಗಳು ಈಗಾಗಲೇ ಚುರುಕುಪಡೆದುಕೊಂಡಿದ್ದು, ಎಕರೆಗೆ ಭೂ ಬೆಲೆ 12 ರಿಂದ 18 ಕೋಟಿ ರೂಪಾಯಿ ವ್ಯಾಪ್ತಿಗೆ ಏರಿರುವುದಾಗಿ ಸ್ಥಳೀಯ ಮೂಲಗಳು ತಿಳಿಸುತ್ತಿವೆ.
ಇದನ್ನೂ ಓದಿ: ಬೆಂಗಳೂರು ಪ್ರಾಪರ್ಟಿ ಬೆಲೆ ಭರ್ಜರಿ ಏರಿಕೆ! ಈ ಜಾಗದಲ್ಲಿ ನಿಮ್ಮ ಸೈಟ್, ಮನೆ ಇದ್ಯಾ
ಇಲ್ಲಿನ ಭೂಮಾಲೀಕರು ಈ ಹಿಂದೆ ಎಕರೆಗೆ ₹1 ರಿಂದ ₹2 ಕೋಟಿ ರೂಪಾಯಿಗೆ ಮಾರಾಟ ಮಾಡುತ್ತಿದ್ದರೆ, ಈಗ ಅದೇ ಭೂಮಿಗೆ ₹4 ಕೋಟಿ ರೂಪಾಯಿಗೂ ಅಧಿಕ ಬೆಲೆ ಕೇಳಲಾಗುತ್ತಿದೆ. ಇಂಥ ಬದಲಾವಣೆಗೆ ರಾಜ್ಯ ಸರ್ಕಾರದ ಹಲವು ನಿರ್ಧಾರಗಳು ಕಾರಣ. Metro extension, ಪೆರಿಫೆರಲ್ ರಿಂಗ್ ರೋಡ್, ಹೊಸ ಜಿಲ್ಲೆಗಳ ಘೋಷಣೆ, ಹಾಗೂ ವಿಮಾನ ನಿಲ್ದಾಣದ ಯೋಜನೆ, ಎಲ್ಲವೂ ಬೆಲೆ ಏರಿಕೆಗೆ ಕಾರಣವಾಗಿದೆ.
ರಾಮನಗರದ ಹೆಸರನ್ನು ‘ಬೆಂಗಳೂರು ದಕ್ಷಿಣ’ ಎಂದು ಬದಲಾಯಿಸಿದ ತಕ್ಷಣ ಈ ಭಾಗದಲ್ಲಿ ಬಂಡವಾಳ ಹೂಡಿಕೆಗೆ ಜನ ಮುಂದಾಗುತ್ತಿರುವುದು ಕಂಡುಬಂದಿದೆ. ಜನ ತಾವು ಹೊಂದಿರುವ ಭೂಮಿ ಇನ್ನಷ್ಟು ಬೆಲೆ ತಾಳಬಹುದು ಎಂಬ ನಿರೀಕ್ಷೆಯಲ್ಲಿ ಮಾರಾಟ ಮಾಡಲು ಹಿಂದೇಟಾಕುತ್ತಿದ್ದಾರೆ. “ಇದೀಗ ಮಾರಾಟ ಮಾಡಿದರೆ ನಷ್ಟವಾಗಬಹುದು” ಎನ್ನುವುದು ಅವರ ಲೆಕ್ಕಾಚಾರವಾಗಿದೆ.
ಇದನ್ನೂ ಓದಿ: ಬೆಸ್ಕಾಂ ಕಠಿಣ ಆದೇಶ, ಜುಲೈ 1ರಿಂದ ಹೊಸ ವಿದ್ಯುತ್ ಕನೆಕ್ಷನ್ಗೆ ನ್ಯೂ ರೂಲ್ಸ್
ಡಿ.ಕೆ. ಶಿವಕುಮಾರ್ ಅವರು ಹಿಂದೆಯೇ ಈ ಭಾಗದ ಅಭಿವೃದ್ಧಿಗೆ ಒತ್ತಾಯಿಸಿದ್ದರು ಎಂಬುದೂ ಇದೀಗ ಪ್ರಸ್ತುತವಾಗಿದೆ. ಈ ಬೆಳವಣಿಗೆಯಿಂದ ರಾಮನಗರ ಮತ್ತು ಅದರ ಸುತ್ತಲಿನ ಗ್ರಾಮಾಂತರ ಭಾಗಗಳು ಕೂಡ ಆಸ್ತಿ ಹೂಡಿಕೆಗೆ ಸೂಕ್ತ ಗಮ್ಯಸ್ಥಳಗಳಾಗಿ ಪರಿಗಣಿಸಲ್ಪಡುತ್ತಿವೆ.
ಇದೇ ವೇಳೆ, ಈ ಭಾಗದಲ್ಲಿ ಭೂಮಿಗೆ ಬಂಗಾರದ ಬೆಲೆ ಸಿಕ್ಕಿದ್ದು ಬೆಂಗಳೂರಿನ ವಿಸ್ತರಣೆಯ ಒಂದು ನಿದರ್ಶನವಾಗಿದೆ. ವಿಮಾನ ನಿಲ್ದಾಣದ project approval ಬರುವಷ್ಟರಲ್ಲೇ, ಹೂಡಿಕೆಗೆ ಪೈಪೋಟಿ ಮುಂದುವರೆದಿದೆ.
Bengaluru Second Airport Triggers Land Boom
