ಬೆಂಗಳೂರು ಹೊಸ ಪಾಲಿಕೆಗಳಿಗೆ ಡಿಸೆಂಬರ್ನಲ್ಲಿ ಚುನಾವಣೆ, ಬಿಗ್ ಅಪ್ಡೇಟ್ - Greater Bengaluru Elections
ಬೆಂಗಳೂರು (Bengaluru) ಮಹಾನಗರವನ್ನು ವಿಭಜಿಸಿ ರಚಿಸಿದ ಐದು ಹೊಸ ಪಾಲಿಕೆಗಳ ಚುನಾವಣೆಗೆ ಡಿಸೆಂಬರ್ನಲ್ಲಿ ಏಕಕಾಲಕ್ಕೆ ಚುನಾವಣೆ ನಡೆಯಲಿದೆ ಎಂದು ರಾಜ್ಯ ಸರ್ಕಾರ ಹೊಸ ಅಪ್ಡೇಟ್ ನೀಡಿದೆ.
- ಬೆಂಗಳೂರು ಪಾಲಿಕೆ ಚುನಾವಣೆ ಡಿಸೆಂಬರ್ನಲ್ಲಿ ನಡೆಯಲಿದೆ
- ಐದು ಹೊಸ ಪಾಲಿಕೆಗಳಿಗೆ ಒಂದೇ ವೇಳೆ ಚುನಾವಣೆ
- ಆರು ವರ್ಷಗಳ ಬಳಿಕ ಚುನಾವಣೆ ಮುಹೂರ್ತ ನಿಶ್ಚಿತ
ಕೊನೆಗೂ ಬೆಂಗಳೂರಿನ (Bengaluru) ಪಾಲಿಕೆ ಚುನಾವಣೆ ಬಗ್ಗೆ ಸ್ಪಷ್ಟತೆ ಬಂದಿದೆ. ನಗರದಲ್ಲಿ ಐದು ಹೊಸ ಪಾಲಿಕೆಗಳಿಗೆ ಏಕಕಾಲದಲ್ಲಿ ಚುನಾವಣೆ ನಡೆಯಲಿದೆ ಎಂದು ಸರ್ಕಾರದಿಂದ ಸ್ಪಷ್ಟ ಘೋಷಣೆ ಬಂದಿದೆ. ಈ ಕುರಿತಂತೆ ರಾಜ್ಯ ನಗರಾಭಿವೃದ್ಧಿ ಇಲಾಖೆ ಸುಪ್ರೀಂ ಕೋರ್ಟ್ಗೆ ಹೆಚ್ಚುವರಿ ಪ್ರಮಾಣಪತ್ರ ಸಲ್ಲಿಸಿದ್ದು, ಡಿಸೆಂಬರ್ನಲ್ಲಿ ಚುನಾವಣೆ ನಡೆಯಲಿರುವ ಸಾಧ್ಯತೆ ಬಹುತೇಕ ಖಚಿತವಾಗಿದೆ.
ಇದುವರೆಗೆ ಬೃಹತ್ ಬೆಂಗಳೂರು ಮಹಾನಗರ ಪಾಲಿಕೆಯು ಒಂದೇ ಆಡಳಿತ ಘಟಕವಾಗಿದ್ದರೆ, ಇದೀಗ ಅದನ್ನು ವಿಭಜಿಸಿ ಐದು ಪಟ್ಟಣಪಾಲಿಕೆಗಳನ್ನಾಗಿ ಮಾರ್ಪಡಿಸಲಾಗಿದೆ. ‘ಗ್ರೇಟರ್ ಬೆಂಗಳೂರು ಆಡಳಿತ ಕಾಯ್ದೆ-2024 (Greater Bengaluru Governance Act)’ ಅಡಿಯಲ್ಲಿ ಈ ಬದಲಾವಣೆ ನಡೆದಿದೆ. ಇದೇ ಮೇ 15ರಂದು ಸರ್ಕಾರ ಈ ಕುರಿತು ಅಧಿಕೃತ ಅಧಿಸೂಚನೆ ಹೊರಡಿಸಿತ್ತು.
ಇದನ್ನು ಓದಿ: ನಟ ದರ್ಶನ್ ಅಭಿಮಾನಿಗಳ ಮೇಲೆ ನಟಿ ರಮ್ಯಾ ಕಾನೂನು ಹೋರಾಟ!
ಪಾಲಿಕೆ ಚುನಾವಣೆಯನ್ನು ಬದಿಗೋಡುತ್ತಿರುವ ಕುರಿತು ಹಲವು ಬೇಡಿಕೆಗಳು, ವಾದೋಪವಾದಗಳು ನಡೆದಿದ್ದರೂ, ಕೊನೆಗೆ ಕೋರ್ಟ್ ಮಧ್ಯಪ್ರವೇಶದಿಂದಾಗಿ ಆಡಳಿತ ಯಂತ್ರ ಚಲಿಸಲು ಪ್ರಾರಂಭವಾಗಿದೆ. ಕಳೆದ ಆರು ವರ್ಷಗಳಿಂದ ಜನಪ್ರತಿನಿಧಿಗಳಿಲ್ಲದ ಆಡಳಿತವೇ ನಡೆಯುತ್ತಿದ್ದು, ಅಧಿಕಾರಿಗಳೇ ನಿರ್ಣಯಗಳನ್ನು ತೆಗೆದುಕೊಂಡಿರುವುದು ವಾಸ್ತವ.
ಈ ಹಿಂದೆ ಬಿಜೆಪಿ ಮತ್ತು ಕಾಂಗ್ರೆಸ್ ಎರಡೂ ಪಕ್ಷಗಳು ಕೋವಿಡ್ (Covid) ಅಥವಾ ವ್ಯಾಪ್ತಿವಿಸ್ತಾರ ಇನ್ನಿತರ ಕಾರಣಗಳನ್ನು ಹೈಲೈಟ್ ಮಾಡುತ್ತಾ ಚುನಾವಣೆ ಮುಂದೂಡುತ್ತಲೇ ಬಂದಿದ್ದವು. ಆದರೆ ಇದೀಗ, ಕಾನೂನು ಮಧ್ಯಪ್ರವೇಶದಿಂದಲೇ ಈ ಚುನಾವಣೆಗೆ ತಯಾರಿ ಆರಂಭವಾಗಿದೆ.
ಆರು ವರ್ಷಗಳ ಹಿಂದೆ ನಡೆದಿದ್ದ ಕೊನೆಯ ಬಿಬಿಎಂಪಿ (BBMP) ಚುನಾವಣೆ ನಂತರ, ಮತ್ತೆ ನಗರ ಚುನಾವಣೆಯೇ ನಡೆದಿರಲಿಲ್ಲ. ಈ ಗ್ಯಾಪ್ ಪೂರೈಸಲು ಈ ಬಾರಿ 198 ವಾರ್ಡ್ಗಳ ಮಟ್ಟಿಗೆ ಚುನಾವಣೆ ನಡೆಯಲಿದೆ. ಹೊಸ ಪಾಲಿಕೆಗಳ ವ್ಯಾಪ್ತಿಯನ್ನು ‘ಗ್ರೇಟರ್ ಬೆಂಗಳೂರು ಪ್ರದೇಶ (Greater Bengaluru Area)’ ಎಂದು ಗುರುತಿಸಲಾಗಿದೆ.
ಇದನ್ನೂ ಓದಿ: ಬೆಂಗಳೂರು ಸೇರಿ ಕರ್ನಾಟಕ ಕರಾವಳಿ-ಮಲೆನಾಡಿಗೆ ಭಾರೀ ಮಳೆ ಎಚ್ಚರಿಕೆ
ಇದೀಗ ಪಾಲಿಕೆ ಚುನಾವಣೆ ಮುಂದೂಡಲು ಮತ್ತೆ ಅವಕಾಶವೇ ಇಲ್ಲದಂತಾಗಿದೆ. ಡಿಸೆಂಬರ್ನಲ್ಲಿ ನಡೆಯಲಿರುವ ಚುನಾವಣೆಗೆ ಶಾಸಕರ ಒತ್ತಡವೂ ಕಾರಣವಾಗಿದೆ. ಜನಪ್ರತಿನಿಧಿಗಳಿಲ್ಲದ ನಗರದಲ್ಲಿ ಸಾರ್ವಜನಿಕ ಸಮಸ್ಯೆಗಳು ಇನ್ನು ಬಗೆಹರಿಯದಂತಾಗಿವೆ ಎಂಬ ಆರೋಪಗಳು ಹೆಚ್ಚಾಗಿವೆ.
ಇದೀಗ ಇದೇ ಮೊದಲ ಬಾರಿ ಬೆಂಗಳೂರಿನಲ್ಲಿ ಐದು ವಿಭಜಿತ ಪಾಲಿಕೆಗಳಾದ – ಪೂರ್ವ, ಪಶ್ಚಿಮ, ಉತ್ತರ, ದಕ್ಷಿಣ ಹಾಗೂ ಕೆಂದ್ರೀಯ ಬೆಂಗಳೂರಿನಲ್ಲಿ ಪ್ರತ್ಯೇಕವಾಗಿ ಆದರೆ ಒಂದೇ ವೇಳೆಗೆ ಚುನಾವಣೆ ನಡೆಯಲಿದೆ.
ಇದೆ ರೀತಿಯ ಮಾಹಿತಿ ಇನ್ನಷ್ಟು ಪಡೆಯಲು Kannada News Today ವೆಬ್ಸೈಟ್ ವೀಕ್ಷಿಸಿ.
Bengaluru to Hold Civic Elections for 5 New Municipalities
