ಬೆಂಗಳೂರು ಜನತೆ ರಣಭೀಕರ ಚಳಿಗೆ ಇನ್ನೂ ಒಂದು ವಾರ ನಡುಗಬೇಕಿದೆ! ಹವಾಮಾನ ವರದಿ
Bengaluru Weather: ರಾಜಧಾನಿ ಬೆಂಗಳೂರಿನಲ್ಲಿ ಮುಂದಿನ ಒಂದು ವಾರ ತೀವ್ರ ಚಳಿ ಮುಂದುವರಿಯಲಿದ್ದು ಕನಿಷ್ಠ ತಾಪಮಾನ 12 ರಿಂದ 14 ಡಿಗ್ರಿಗೆ ಇಳಿಕೆ ಆಗಲಿದೆ. ಮಂಜು ಶೀತಗಾಳಿ ಹಾಗೂ ಗಾಳಿಯ ಗುಣಮಟ್ಟ ಕುಸಿತ ಆರೋಗ್ಯ ಸಮಸ್ಯೆ ಸೃಷಿಸಲಿದೆ ಎಂದು ಎಚ್ಚರಿಕೆ ನೀಡಲಾಗಿದೆ.
- ಬೆಂಗಳೂರು ತಾಪಮಾನ 12–14 ಡಿಗ್ರಿ ಸೆಲ್ಸಿಯಸ್‌ಗೆ ಇಳಿಕೆ
- ಗಾಳಿಯ ಗುಣಮಟ್ಟ: ಎಕ್ಯೂಐ ಮಟ್ಟ 150ರ, ಉಸಿರಾಟ ಸಮಸ್ಯೆ ಭೀತಿ
- ಹವಾಮಾನ ಮುನ್ಸೂಚನೆ: ಇನ್ನೂ ಒಂದು ವಾರ ಶೀತಗಾಳಿಯ ಪ್ರಭಾವ
ಬೆಂಗಳೂರು (Bengaluru): ರಾಜಧಾನಿ ಬೆಂಗಳೂರಿನಲ್ಲಿ ಚಳಿಯ ಪ್ರಮಾಣ ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಿದ್ದು (Bengaluru Weather), ಮುಂದಿನ ಒಂದು ವಾರವೂ ಇದೇ ವಾತಾವರಣ ಮುಂದುವರಿಯಲಿದೆ ಎಂದು ಹವಾಮಾನ ಇಲಾಖೆ ಸ್ಪಷ್ಟಪಡಿಸಿದೆ. ರಾತ್ರಿ ಹಾಗೂ ಬೆಳಗಿನ ಜಾವದಲ್ಲಿ ಮಂಜು ಆವರಿಸುತ್ತಿದ್ದು, ಚಳಿ ಜನಜೀವನದ ಮೇಲೆ ಸ್ಪಷ್ಟ ಪರಿಣಾಮ ಬೀರುತ್ತಿದೆ.
ನಗರದಲ್ಲಿ ಕನಿಷ್ಠ ತಾಪಮಾನವು 12ರಿಂದ 14 ಡಿಗ್ರಿ ಸೆಲ್ಸಿಯಸ್‌ ನಡುವೆಯೇ ಇರಲಿದ್ದು, ಗರಿಷ್ಠ ತಾಪಮಾನ 27–28 ಡಿಗ್ರಿಯವರೆಗೆ ತಲುಪುವ ಸಾಧ್ಯತೆ ಇದೆ. ಕೆಂಪೇಗೌಡ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣ ಪ್ರದೇಶದಲ್ಲಿ ನಗರಕ್ಕಿಂತ ಹೆಚ್ಚು ಚಳಿ ಅನುಭವವಾಗುತ್ತಿದೆ.
ಈಶಾನ್ಯ ಮಾರುತಗಳ ಪರಿಣಾಮ
ಹವಾಮಾನ ತಜ್ಞರ ಪ್ರಕಾರ, ಈಶಾನ್ಯ ಮಾರುತಗಳಿಂದಾಗಿ ಉತ್ತರ ಹಾಗೂ ಒಳನಾಡು ಭಾಗಗಳಿಂದ ಶೀತ ಮತ್ತು ಶುಷ್ಕ ಗಾಳಿ ದಕ್ಷಿಣದ ಕಡೆ ಹರಿಯುತ್ತಿದೆ. ಇದರ ಪರಿಣಾಮವಾಗಿ ರಾತ್ರಿ ಚಳಿ ತೀವ್ರವಾಗುತ್ತಿದ್ದು, ಬೆಳಗ್ಗೆಯವರೆಗೂ ಚಳಿ ಕಡಿಮೆಯಾಗುತ್ತಿಲ್ಲ. ಡಿಸೆಂಬರ್ ತಿಂಗಳ ದೀರ್ಘಾವಧಿ ಸರಾಸರಿಗಿಂತ ಈ ಬಾರಿ ತಾಪಮಾನ ಗಣನೀಯವಾಗಿ ಕಡಿಮೆಯಾಗಿದೆ.
ಇದನ್ನೂ ಓದಿ: ಗೃಹಲಕ್ಷ್ಮಿ ಯೋಜನೆ ಫಲಾನುಭವಿಗಳಿಗೆ ಗುಡ್ ನ್ಯೂಸ್! ಮಹಿಳೆಯರಿಗೆ ಬಿಗ್ ಅಪ್‌ಡೇಟ್
ಗಾಳಿಯ ಗುಣಮಟ್ಟದಲ್ಲಿ ಆತಂಕಕಾರಿ ಕುಸಿತ
ಚಳಿಯ ಜೊತೆಗೆ ಗಾಳಿಯ ಗುಣಮಟ್ಟವೂ ಕುಸಿತ ಕಂಡಿದೆ. ಕಳೆದ ಒಂದು ವಾರದಲ್ಲಿ ಬೆಂಗಳೂರಿನ ಎಕ್ಯೂಐ ಮಟ್ಟ 91ರಿಂದ 172ರ ನಡುವೆ ದಾಖಲಾಗಿದ್ದು, ಸರಾಸರಿ 150ರ ಸುತ್ತಿನಲ್ಲಿ ಇದೆ. ಇದು \ಮಕ್ಕಳು ಹಾಗೂ ವೃದ್ಧರಲ್ಲಿ ಉಸಿರಾಟ ಸಮಸ್ಯೆ ಹೆಚ್ಚಾಗುವ ಸಾಧ್ಯತೆಯನ್ನು ಉಂಟುಮಾಡಿದೆ.
ಉತ್ತರ ಕರ್ನಾಟಕದಲ್ಲೂ ಶೀತಗಾಳಿ ಪ್ರಭಾವ
ಉತ್ತರ ಕರ್ನಾಟಕದ ಕೆಲ ಜಿಲ್ಲೆಗಳಲ್ಲೂ ತಾಪಮಾನ ತೀವ್ರವಾಗಿ ಇಳಿಕೆಯಾಗಿದ್ದು, ಕಲಬುರಗಿಯಲ್ಲಿ 13 ಡಿಗ್ರಿ ಸೆಲ್ಸಿಯಸ್‌ವರೆಗೆ ಕನಿಷ್ಠ ತಾಪಮಾನ ದಾಖಲಾಗಿದೆ. ಹಠಾತ್ ತಾಪಮಾನ ಇಳಿಕೆಯಿಂದ ಜನರು ಚಳಿಗೆ ಹೆಚ್ಚು ತತ್ತರಿಸುತ್ತಿದ್ದಾರೆ. ಬೆಳಗ್ಗೆಯ ಹೊತ್ತಿನಲ್ಲಿ ಹೊರಗಡೆ ಸಂಚಾರ ಮಾಡುವವರ ಸಂಖ್ಯೆ ಕೂಡ ಕಡಿಮೆಯಾಗಿದೆ.
ಇದನ್ನೂ ಓದಿ: ಬಿಪಿಎಲ್ ಕಾರ್ಡ್ ವಿತರಣೆ, ಅರ್ಹರಿಗೆ ಶೀಘ್ರವೇ ಹೊಸ ಪಡಿತರ ಚೀಟಿ: ಸಚಿವ ಮುನಿಯಪ್ಪ
ಚಳಿಯಿಂದ ರಕ್ಷಣೆಗೆ ಜನರ ಜಾಗ್ರತೆ
ಚಳಿ ತೀವ್ರವಾಗಿರುವುದರಿಂದ ಜನರು ಸ್ವೆಟರ್‌, ದಪ್ಪ ಬಟ್ಟೆ, ಮಫ್ಲರ್‌, ಗ್ಲೌಸ್‌ಗಳನ್ನು ಧರಿಸುತ್ತಿದ್ದಾರೆ. ಬಿಸಿ ನೀರು ಸೇವನೆ ಹೆಚ್ಚಾಗಿದ್ದು, ಬೆಳಗಿನ ಜಾಗಿಂಗ್‌ ಹಾಗೂ ವಾಕಿಂಗ್‌ಗೆ ಜನರು ದೂರ ಉಳಿಯುತ್ತಿದ್ದಾರೆ. ಗ್ರಾಮೀಣ ಭಾಗಗಳಲ್ಲಿ ಬೆಂಕಿ ಕಾಯಿಸಿಕೊಂಡು ಚಳಿ ತಗ್ಗಿಸುವ ದೃಶ್ಯಗಳು ಸಾಮಾನ್ಯವಾಗಿವೆ.
ಮಳೆ ಜೊತೆ ಮೈ ನಡುಗಿಸುವ ಚಳಿ! ಬೆಂಗಳೂರು ಸೇರಿ 2 ದಿನಗಳ ಕರ್ನಾಟಕ ಹವಾಮಾನ ಮುನ್ಸೂಚನೆ ಹೀಗಿದೆ
Read the story
ಕರ್ನಾಟಕ ಮಹಿಳೆಯರಿಗೆ ₹2 ಲಕ್ಷದವರೆಗೆ ಸಾಲ ಸೌಲಭ್ಯ; ಸ್ವಂತ ಉದ್ಯಮ ಆರಂಭಿಸಲು ಆರ್ಥಿಕ ನೆರವು
Read the story
ಇನ್ನು ಮೂರೇ ದಿನ ಗಡುವು! ನವೆಂಬರ್ 1ರಿಂದ ಗ್ಯಾಸ್ ಸಿಲಿಂಡರ್ ಹೊಸ ನಿಯಮ
Read the story
ರೈತರಿಗೆ ಅನುಗ್ರಹ ಯೋಜನೆ ಹಣ ಬಿಡುಗಡೆ! ಬಾಕಿ ಉಳಿದಿದ್ದ ಪರಿಹಾರ ಮೊತ್ತ ಖಾತೆಗೆ ಜಮಾ
Read the story
ಇನ್ನು 2 ದಿನಗಳಲ್ಲಿ ರೈತರ ಖಾತೆಗೆ 2 ಸಾವಿರ ಜಮಾ; ಗುಡ್ ನ್ಯೂಸ್ ಕೊಟ್ಟ ಮೋದಿಜಿ
Read the story
