ಬೆಂಗಳೂರು ಕಾರು ಮಾಲೀಕರಿಗೆ ಆತಂಕ! ಬೆಳಗಾಗುವಷ್ಟರಲ್ಲಿ ಚಕ್ರಗಳೇ ಮಾಯ
ಬೆಂಗಳೂರಿನ ಕೆಲವು ಪ್ರದೇಶಗಳಲ್ಲಿ ಕಾರ್‌ ಮಾಲೀಕರಿಗೆ ಆತಂಕ ಹೆಚ್ಚಾಗಿದೆ. ರಾತ್ರಿ ಗಾಡಿಯನ್ನು ನಿಲ್ಲಿಸಿದರೆ ಬೆಳಿಗ್ಗೆ ಅದೇ ಸ್ಥಿತಿಯಲ್ಲಿರುತ್ತದೋ ಇಲ್ಲವೋ ಎಂಬುದೇ ದೊಡ್ಡ ಪ್ರಶ್ನೆ. ದರೋಡೆಕೋರರು ಈಗ ಸ್ಪೇರ್ ಪಾರ್ಟ್ಸ್ (Spare Parts) ಕದ್ದೊಯ್ಯುವುದು ನೂತನ ತಂತ್ರವಾಗಿದೆ.
ಬೆಂಗಳೂರು (Bengaluru): ಬೆಂಗಳೂರಿನ ಗಾಂಧೀನಗರದಲ್ಲಿ ಇತ್ತೀಚೆಗೆ ನಡೆದ ಘಟನೆಯು ಸ್ಥಳೀಯರ ಆತಂಕವನ್ನು ಹೆಚ್ಚಿಸಿದೆ. ಕೆಲಸದ ನಿಮಿತ್ತ ಆಗಮಿಸಿದ್ದ ಹುಬ್ಬಳ್ಳಿಯ ಗೋಪಾಲಗೌಡ ಎಂಬುವವರು, ಹೋಟೆಲ್ ಮುಂದೆ ತಮ್ಮ ಕಾರನ್ನು ನಿಲ್ಲಿಸಿದ್ದರು.
ಬೆಳಿಗ್ಗೆ ಬಂದು ನೋಡಿದರೆ, ಅವರ ಕಾರಿನ ನಾಲ್ಕೂ ಚಕ್ರಗಳು ಮಾಯವಾಗಿ ಹೋಗಿದ್ದವು! ಈ ದೃಶ್ಯಗಳು ಹೋಟೆಲ್ ಸುತ್ತಲಿನ ಸಿಸಿಟಿವಿಯಲ್ಲಿ ಸೆರೆಯಾಗಿವೆ.
ಇದನ್ನು ಗಮನಿಸಿದ ತಕ್ಷಣ ಅವರು ಪೊಲೀಸ್ ಠಾಣೆಗೆ ದೂರು ನೀಡಿದ್ದಾರೆ. ಸ್ಥಳಕ್ಕೆ ಭೇಟಿ ನೀಡಿದ ಪೊಲೀಸರು, ಸಿಸಿಟಿವಿ ದೃಶ್ಯಾವಳಿಗಳನ್ನು ಪರಿಶೀಲಿಸಿದ್ದಾರೆ. ಈ ದರೋಡೆಕೋರರು ಕಾರಿನ ಪಾರ್ಕಿಂಗ್ ಸ್ಥಳದಲ್ಲಿಯೇ ವಿಶಿಷ್ಟ ವಿಧಾನದಲ್ಲಿ ಕಾರ್ಯನಿರ್ವಹಿಸುತ್ತಿರುವುದು ಇದರಿಂದ ಅರ್ಥವಾಗುತ್ತದೆ.
ಹಿಂದೆ ಕಾರಿನಿಂದ ಪೆಟ್ರೋಲ್ (Petrol), ಡೀಸೆಲ್ (Diesel) ಕದಿಯುತ್ತಿದ್ದರು, ಆದರೆ ಈಗ ಹೊಸ ಮಾದರಿಯ ಕಳ್ಳತನ ಪ್ರಾರಂಭವಾಗಿದ್ದು, ಕಾರಿನ ಸ್ಪೇರ್ ಪಾರ್ಟ್ಸ್‌ಗೂ (Spare Parts) ಕನ್ನ ಹಾಕುತ್ತಿದ್ದಾರೆ. ಇದು ವಿಶೇಷವಾಗಿ ಬೃಹತ್ ವಾಹನಗಳು ಮತ್ತು ದುಬಾರಿ ಕಾರುಗಳ ಮಾಲೀಕರಿಗೆ ದೊಡ್ಡ ತಲೆನೋವಾಗಿದೆ.
ಸಿಸಿಟಿವಿಯ ಅಸ್ತ್ರ ಬಳಸಿ ಪೊಲೀಸರು ಕಳ್ಳರ ಪತ್ತೆ!
ಸದ್ಯ, ಸಿಸಿಟಿವಿಯಲ್ಲಿರುವ ಚಿತ್ರಣದ ಆಧಾರದಲ್ಲಿ ಆರೋಪಿಗಳ ಗುರುತು ಪತ್ತೆ ಹಚ್ಚಲು ಪ್ರಯತ್ನ ನಡೆದಿದೆ. ಈ ರೀತಿಯ ಕಳ್ಳತನಗಳು ತಡೆಯಲು, ಸಾರ್ವಜನಿಕರು ತಮ್ಮ ವಾಹನಗಳನ್ನು ಸುರಕ್ಷಿತ ಸ್ಥಳದಲ್ಲಿ ಪಾರ್ಕ್ (Park) ಮಾಡಬೇಕೆಂದು ಪೊಲೀಸರು ಸಲಹೆ ನೀಡಿದ್ದಾರೆ.
Bengaluru vehicle thefts on the rise
Our Whatsapp Channel is Live Now 👇
