ಹೊಸ ವಿದ್ಯುತ್ ಸಂಪರ್ಕ ಈಗ ಸುಲಭ, ಆನ್‌ಲೈನ್‌ನಲ್ಲೇ ಎಲ್ಲಾ ಪ್ರಕ್ರಿಯೆ! ಬೆಂಗಳೂರು ವಾಸಿಗಳಿಗೆ ಬಿಗ್ ರಿಲೀಫ್

• ಬೆಸ್ಕಾಂ (BESCOM) ಹೊಸ ಶಾಶ್ವತ ವಿದ್ಯುತ್ ಸಂಪರ್ಕ ಸುಲಭ
• ಆನ್‌ಲೈನ್ ಅರ್ಜಿ ಪ್ರಕ್ರಿಯೆಯಿಂದ ಸಮಯ ಉಳಿತಾಯ
• ಮನೆ ವಿಳಾಸ, ಗುರುತುಪತ್ರ ಸಲ್ಲಿಕೆ ಕಡ್ಡಾಯ

ಬೆಂಗಳೂರು (Bengaluru): ವಿದ್ಯುತ್ ಸಂಪರ್ಕ ಪಡೆಯುವುದು ಹಿಂದೆ ಹೆಚ್ಚು ತೊಂದರೆಗೊಳಿಸುತ್ತಿದ್ದ ವಿಷಯವಾಗಿತ್ತು. ಗುತ್ತಿಗೆದಾರರ ಮೂಲಕ ಅರ್ಜಿ ಸಲ್ಲಿಸುವುದು, ಮನೆ ದಾಖಲೆಗಳು, Completion Certificate (CC) ಇಲ್ಲದೇ ಪ್ರಕ್ರಿಯೆ ಮುಕ್ತಾಯವಾಗದ ಸಮಸ್ಯೆ ಸೇರಿದಂತೆ ಇದರಿಂದ ಜನರಿಗೆ ಕಷ್ಟವಿತ್ತು.

ಆದರೆ ಇದೀಗ ಬೆಸ್ಕಾಂ (BESCOM) ಪ್ರಕ್ರಿಯೆಯನ್ನು ಸುಧಾರಿಸಿದ್ದು, ನೇರವಾಗಿ ಆನ್‌ಲೈನ್‌ನಲ್ಲಿ ಅರ್ಜಿ ಸಲ್ಲಿಸಿ ಶಾಶ್ವತ ವಿದ್ಯುತ್ ಸಂಪರ್ಕ ಪಡೆಯಲು ಅವಕಾಶ ಮಾಡಿಕೊಟ್ಟಿದೆ. ಈ ಮೂಲಕ ಗುತ್ತಿಗೆದಾರರ ಅವಲಂಬನೆ ಕಡಿಮೆಯಾಗಿದೆ.

ಇತ್ತೀಚೆಗೆ ಒಬ್ಬ ಅರ್ಜಿದಾರರು ತಾತ್ಕಾಲಿಕ ಸಂಪರ್ಕ ಪಡೆದಿದ್ದನ್ನು ಶಾಶ್ವತ ಕನೆಕ್ಷನ್ ಆಗಿ ಪರಿವರ್ತಿಸಲು ಆನ್‌ಲೈನ್ ಮೂಲಕ ಅರ್ಜಿ ಸಲ್ಲಿಸಿದ್ದರು. ಅವರಿಗೆ ಬೆಸ್ಕಾಂ ಅಧಿಕೃತವಾಗಿ ಶಾಶ್ವತ ಸೇವೆ ಒದಗಿಸಿ ದಾಖಲೆ ನೀಡಿರುವುದು ಈಗ ಸಕಾರಾತ್ಮಕ ಬೆಳವಣಿಗೆ ಎಂದು ಪರಿಗಣಿಸಲಾಗಿದೆ.

ಇದನ್ನೂ ಓದಿ: ಅರಣ್ಯ ಇಲಾಖೆಯಲ್ಲಿ 540 ಅರಣ್ಯ ರಕ್ಷಕರ ನೇಮಕಾತಿ ಪ್ರಕ್ರಿಯೆ! ಇಲ್ಲಿದೆ ಮಾಹಿತಿ

ಅರ್ಜಿಯನ್ನು ಸಲ್ಲಿಸಲು ಮೊದಲು ನೀವು ಅಧಿಕೃತ ವೆಬ್‌ಸೈಟ್ https://www.bescom.co.in/bescom/main/new-connection-forms ಭೇಟಿ ನೀಡಬೇಕು. ಅಲ್ಲಿ ತಾತ್ಕಾಲಿಕ ಸಂಪರ್ಕ ಸಂಖ್ಯೆ ನಮೂದಿಸಿ ಮುಂದಿನ ಹಂತಕ್ಕೆ ಸಾಗಬೇಕು.

ಅರ್ಜಿದಾರರ ಹೆಸರು, ಇಮೇಲ್ ಐಡಿ, ಮೊಬೈಲ್ ಸಂಖ್ಯೆ ಹಾಗೂ ಗುರುತಿನ ಚೀಟಿಯ ವಿವರ (ಆಧಾರ್, ಪಾನ್, ಪಾಸ್‌ಪೋರ್ಟ್ ಅಥವಾ ಡಿಎಲ್) ಕಡ್ಡಾಯವಾಗಿ ನಮೂದಿಸಬೇಕು. ಜೊತೆಗೆ ಮನೆಯ ವಿಳಾಸ, ಚ.ಅಡಿ ಅಥವಾ ಚ.ಮೀ. ಅಳತೆಯ ವಿವರವನ್ನು ಸಹ ಸಲ್ಲಿಸಬೇಕು.

ಇದನ್ನೂ ಓದಿ: ರೈತರಿಗೆ ಉಚಿತ ಬೋರ್ವೆಲ್ ಸಬ್ಸಿಡಿ, ಗಂಗಾ ಕಲ್ಯಾಣ ಯೋಜನೆಗೆ ಅರ್ಜಿ ಆಹ್ವಾನ

ಸಂಪರ್ಕವು ಯಾವ ಉಪವಿಭಾಗದ ವ್ಯಾಪ್ತಿಗೆ ಬರುವುದೋ ಅದನ್ನು ಸಹ ನಮೂದಿಸಬೇಕು. ವಸತಿ ಮನೆ, ವಾಣಿಜ್ಯ ಉದ್ದೇಶ ಅಥವಾ ಬೃಹತ್ ಕಟ್ಟಡ ಎಂಬ ಕ್ಯಾಟಗರಿಯನ್ನು ಸಹ ಗುರುತಿಸಬೇಕು.

ಕೊನೆಗೆ, ಗುರುತಿನ ಚೀಟಿಗಳ ಸ್ಕ್ಯಾನ್ ಪ್ರತಿಗಳನ್ನು ಅಪ್ಲೋಡ್ ಮಾಡುವುದು ಕಡ್ಡಾಯ. Completion Certificate (CC) ವಿವರವನ್ನು ಸೇರಿಸುವುದು ಐಚ್ಛಿಕ, ಆದರೆ ಬೇರೆ ಅಗತ್ಯ ದಾಖಲೆಗಳನ್ನು ಸರಿಯಾಗಿ ಸೇರಿಸಬೇಕು.

ಈ ಕ್ರಮದಲ್ಲಿ ಅರ್ಜಿ ಸಲ್ಲಿಸಿದವರಿಗೆ ಬೆಸ್ಕಾಂ ಶಾಶ್ವತ ವಿದ್ಯುತ್ ಸಂಪರ್ಕ ಒದಗಿಸಲು ಪ್ರಾರಂಭಿಸಿದ್ದು, ಇದು ಗ್ರಾಹಕರಿಗೆ ಹೆಚ್ಚು ಸುಗಮ ಅನುಭವ ಒದಗಿಸಿದೆ.

BESCOM Makes New Electricity Connection Easier in Bengaluru