ಬೆಂಗಳೂರು ಜನರಿಗೆ ಬಿಗ್ ಅಲರ್ಟ್! ಕರ್ನಾಟಕದಲ್ಲಿ ಮತ್ತೆ ಕೊರೊನಾ ಭೀತಿ
ರಾಜ್ಯದಲ್ಲಿ ಮತ್ತೆ ಕೊರೋನಾ ಭೀತಿ ಮೆರೆಯುತ್ತಿದೆ. ಪಾಸಿಟಿವಿಟಿ ರೇಟ್ 24% ದಾಟಿದ್ದು, ಮೈಸೂರಿನಲ್ಲಿ 63 ವರ್ಷದ ವ್ಯಕ್ತಿ ಬಲಿಯಾಗಿದ್ದಾರೆ. ಕೇಂದ್ರ ಆರೋಗ್ಯ ಇಲಾಖೆ ಪರೀಕ್ಷೆ ಕಡ್ಡಾಯಗೊಳಿಸಿದೆ.
- ಮೈಸೂರಿನಲ್ಲಿ ಕೊರೊನಾಗೆ 63 ವರ್ಷದ ವ್ಯಕ್ತಿ ಬಲಿ
- ರಾಜ್ಯದಲ್ಲಿ ಪಾಸಿಟಿವಿಟಿ ಶೇಕಡಾ 24 ದಾಟಿದೆ
- SARI ಲಕ್ಷಣ ಇದ್ದವರಿಗೆ ಕೊರೋನಾ ಪರೀಕ್ಷೆ ಕಡ್ಡಾಯ
ಬೆಂಗಳೂರು (Bengaluru): ರಾಜ್ಯದಲ್ಲಿ (Karnataka) ಮಳೆಗಾಲದ ಮೊದಲ ದಿನಗಳಿಂದಲೇ ವಾತಾವರಣ ತಗ್ಗಿರುವುದರಿಂದ ಸೋಂಕು ಹರಡುವಿಕೆ ಹೆಚ್ಚು ತೀವ್ರವಾಗಿದೆ. ಮುಂಗಾರಿನ ತಂಪಾದ ಹವಾಮಾನವು (seasonal spread) ವೈರಸ್ ಬಲಗೊಳ್ಳಲು ಪೂರಕವಾಗಿದೆ.
ಇದೀಗ ಶಾಲೆಗಳ ಆರಂಭವೂ ಸೋಂಕು ಹೆಚ್ಚಾಗಲು ಕಾರಣವಾಗಬಹುದು ಎಂಬ ಆತಂಕದ ನಡುವೆ ಪೋಷಕರು ಹೆಚ್ಚಿನ ಎಚ್ಚರಿಕೆಯಿಂದ ಮಕ್ಕಳಿಗೆ ಅಂತರದ ನಿಯಮ ಪಾಲಿಸುವಂತೆ ಆರೋಗ್ಯ ಇಲಾಖೆ ಸೂಚಿಸಿದೆ.
ಇದನ್ನೂ ಓದಿ: ಬೆಂಗಳೂರು ಜನರಿಗೆ ಬೋಟ್ ಭಾಗ್ಯ! ಬಿಬಿಎಂಪಿ ನಡೆಗೆ ಜನಾಕ್ರೋಶ
ಕೊರೊನಾ ಸೋಂಕಿಗೆ ಮೈಸೂರಿನಲ್ಲಿ 63 ವರ್ಷದ ವ್ಯಕ್ತಿ ಮಂಗಳವಾರ (ಮೇ 25) ಮೃತಪಟ್ಟಿದ್ದಾರೆ. ಅವರು ಕಿಡ್ನಿ ವೈಫಲ್ಯದಿಂದ ಖಾಸಗಿ ಆಸ್ಪತ್ರೆಯಲ್ಲಿ ದಾಖಲಾಗಿ ಚಿಕಿತ್ಸೆ ಪಡೆಯುತ್ತಿದ್ದರು. ಬಳಿಕ ಲ್ಯಾಬ್ ವರದಿಯಲ್ಲಿ (COVID-19 Positive Report) ಕೊರೊನಾ ದೃಢಪಟ್ಟಿದ್ದು, ಸಾವಿಗೆ ವೈರಸ್ ಕಾರಣ ಎನ್ನಲಾಗಿದೆ. ಈ ಮೂಲಕ 3ನೇ ಬಲಿಯಾಗಿದ್ದಾರೆ.
ಕೊರೋನಾ ಮತ್ತೆ ರಾಜ್ಯದೊಳಗೆ ತೀವ್ರತೆ ಹೆಚ್ಚಿಸುತ್ತಿರುವ ಸಂದರ್ಭದಲ್ಲೇ, ಕೇಂದ್ರ ಆರೋಗ್ಯ ಇಲಾಖೆ ಮಹತ್ವದ ಸೂಚನೆ ಹೊರಡಿಸಿದೆ. ವಿಶೇಷವಾಗಿ SARI ಗುಣಲಕ್ಷಣ (Severe Acute Respiratory Infection) ಹೊಂದಿರುವವರಿಗೆ ತಕ್ಷಣ ಕೋವಿಡ್ ಪರೀಕ್ಷೆ ನಡೆಸಬೇಕು ಎಂದು ಆದೇಶಿಸಿದೆ. ಸ್ವ್ಯಾಬ್ ತೆಗೆದ ದಿನವೇ ಲ್ಯಾಬ್‌ಗೆ ಕಳಿಸುವಂತೆ ಕಟ್ಟುನಿಟ್ಟಾದ ಮಾರ್ಗಸೂಚಿಯು ಜಾರಿಗೆ ಬಂದಿದೆ.
ಇದನ್ನೂ ಓದಿ: ಹಸು, ಎಮ್ಮೆ, ಕುರಿ ಸಾಕಾಣಿಕೆ ಶೆಡ್‌ಗಳ ನಿರ್ಮಾಣಕ್ಕೆ ₹57,000 ಸಹಾಯಧನ!
ಇದಕ್ಕೆ ಜೊತೆಗೆ, ಕಳೆದ 24 ಗಂಟೆಗಳಲ್ಲಿ ಹೊಸದಾಗಿ 114 ಹೊಸ ಸೋಂಕು ಪ್ರಕರಣಗಳು (Corona cases in Karnataka) ವರದಿಯಾಗಿದ್ದು, ಒಟ್ಟೂ 367 ಕೇಸ್‌ಗಳಿಗೆ ಏರಿಕೆಯಾಗಿದೆ. ಈ ಮೂಲಕ ರಾಜ್ಯದ ಪಾಸಿಟಿವಿಟಿ ಶೇಕಡಾ 24 ಗಡಿ ದಾಟಿದೆ ಎಂಬುದು ಆತಂಕದ ಸಂಗತಿಯಾಗಿದೆ.
ರಾಜಧಾನಿ ಬೆಂಗಳೂರಿನಲ್ಲಿ (Bengaluru) ಕೂಡ ಈ ಪೈಕಿ ಹೆಚ್ಚಿನ ಪ್ರಕರಣಗಳು ಕಂಡುಬಂದಿದ್ದು, ನಿಯಮಿತವಾಗಿ ಪ್ರಕರಣಗಳ ಸಂಖ್ಯೆಯಲ್ಲಿ ಏರಿಕೆಯಾಗುತ್ತಿದೆ. ಇವುಗಳನ್ನು ನೋಡಿದರೆ ಸೋಂಕು ಮತ್ತೆ ಸದ್ದಿಲ್ಲದೇ ರಾಜ್ಯದಾದ್ಯಂತ ಹರಡುತ್ತಿದೆ ಎಂಬುದು ಸ್ಪಷ್ಟವಾಗುತ್ತಿದೆ.
ಕಳೆದ 20 ದಿನಗಳಲ್ಲಿ ರಾಜ್ಯದಲ್ಲಿ ಒಟ್ಟು 171 ಕ್ಕಿಂತ ಹೆಚ್ಚು ಕೊರೋನಾ ಸೋಂಕು ಪ್ರಕರಣಗಳು ದೃಢಪಟ್ಟಿದ್ದು, ದಿನಕ್ಕೆ ಸರಾಸರಿ 36 ಕ್ಕೂ ಹೆಚ್ಚು ಹೊಸ ಸೋಂಕಿತರು ಪತ್ತೆಯಾಗುತ್ತಿದ್ದಾರೆ.
ಇದೆಲ್ಲದರ ನಡುವೆಯೂ ಬೆಂಗಳೂರಿನಲ್ಲಿಯೇ ಅತ್ಯಧಿಕ ಪ್ರಮಾಣದ (active cases) ಪ್ರಕರಣಗಳು ದಾಖಲಾಗುತ್ತಿವೆ. ರಾಜ್ಯದಲ್ಲಿ ವರದಿಯಾಗುತ್ತಿರುವ ಕೊರೋನಾ ಪ್ರಕರಣಗಳ ಪೈಕಿ ಶೇಕಡಾ 75 ಕ್ಕಿಂತ ಹೆಚ್ಚು ರಾಜ್ಯದ ರಾಜಧಾನಿಯಾದ ಬೆಂಗಳೂರಿನಲ್ಲಿ ಕಾಣಿಸಿಕೊಂಡಿದ್ದು, ತಜ್ಞರು ಈ ಬಗ್ಗೆ ಗಂಭೀರ ಎಚ್ಚರಿಕೆ ನೀಡಿದ್ದಾರೆ.
ಸಕ್ರಿಯ ಪ್ರಕರಣಗಳ ಪ್ರಮಾಣದಲ್ಲಿಯೂ ಬೆಂಗಳೂರಿಗೇ ಸಿಂಹಪಾಲು ಇರುವುದರಿಂದ, ನಗರದವರು ಅತಿಯಾದ ಮುನ್ನೆಚ್ಚರಿಕೆ ವಹಿಸಲು ಆರೋಗ್ಯ ಇಲಾಖೆ ಹಾಗೂ ವೈದ್ಯಕೀಯ ತಜ್ಞರು ಸಲಹೆ ನೀಡುತ್ತಿದ್ದಾರೆ.
Corona resurges in Karnataka, Mysuru man dies
