ಬೆಂಗಳೂರು ನಗರದಲ್ಲಿ ಡೆಂಗ್ಯೂ ಆತಂಕ, ತುರ್ತು ಕ್ರಮಗಳಿಗೆ ಚಾಲನೆ - Dengue cases in Bengaluru

ಬೆಂಗಳೂರು (Bengaluru) ನಗರದಲ್ಲಿ ಡೆಂಗ್ಯೂ ಜ್ವರ ದಿನದಿಂದ ದಿನಕ್ಕೆ ತೀವ್ರವಾಗುತ್ತಿದೆ. ಜುಲೈ ತಿಂಗಳಲ್ಲೇ 442 ಪ್ರಕರಣಗಳು ದಾಖಲಾಗಿದ್ದು, ಈ ವರ್ಷದ ಜನವರಿಯಿಂದ ಒಟ್ಟಾರೆ 1,685 ಜನರು ಡೆಂಗ್ಯೂಗೆ ತುತ್ತಾಗಿದ್ದಾರೆ ಎಂಬುದಾಗಿ ಬಿಬಿಎಂಪಿ ಆಯುಕ್ತರು ಮಾಹಿತಿ ನೀಡಿದ್ದಾರೆ.

ಬಿಬಿಎಂಪಿ ಆಯುಕ್ತರು ನಗರದಲ್ಲಿ ಡೆಂಗ್ಯೂ ನಿಯಂತ್ರಣಕ್ಕಾಗಿ ತುರ್ತು ಸಭೆ ಕರೆದಿದ್ದರು. ಸಭೆಯಲ್ಲಿ ಸೊಳ್ಳೆಗಳ ನಿರ್ಮೂಲನೆ, ಮನೆಮನೆ ಜಾಗೃತಿ, ಮತ್ತು ನಗರ ಸ್ವಚ್ಛತೆ ಪ್ರಮುಖ ಅಜಂಡಾಗಳಾಗಿದ್ದವು.

ಆಯುಕ್ತರು ಅಧಿಕಾರಿಗಳಿಗೆ ರಸ್ತೆಗಳಲ್ಲಿ ಇರುವ ಗುಂಡಿಗಳನ್ನು ಕೂಡಲೇ ಮುಚ್ಚಲು, ಡ್ರೆನೇಜ್‌ಗಳು ತಡೆಯಿಲ್ಲದೇ ಹರಿದುಹೋಗುವಂತೆ ಶುದ್ಧಗೊಳಿಸಲು ಸೂಚನೆ ನೀಡಿದ್ದಾರೆ.

ಇದನ್ನೂ ಓದಿ: ಆಸ್ತಿ ತೆರಿಗೆ ಕಟ್ಟದ ಬೆಂಗಳೂರು ಆಸ್ತಿ ಮಾಲೀಕರ ವಿರುದ್ಧ ಬಿಬಿಎಂಪಿ ದಿಟ್ಟ ಕ್ರಮ

ಬೆಂಗಳೂರು ಬಿಬಿಎಂಪಿ ಅಭಿಯಾನ

ಡೆಂಗ್ಯೂ ನಿಯಂತ್ರಣದ ಭಾಗವಾಗಿ ಹೆಚ್ಚು ಸೊಳ್ಳೆಗಳ ಪ್ರದೇಶಗಳನ್ನು ಗುರುತಿಸಿ, ಔಷಧಿ ಸಿಂಪಡಿಸುವ ಮೂಲಕ ಸೊಳ್ಳೆ ನಿರ್ಮೂಲನೆ ಪ್ರಾರಂಭವಾಗಿದೆ. ಅಲ್ಲದೇ ಮನೆ ಮನೆಗೆ ಡೆಂಗ್ಯೂ ಕುರಿತು ಜಾಗೃತಿ ಮೂಡಿಸಲು ಬಿಬಿಎಂಪಿ ಅಭಿಯಾನ ಹಮ್ಮಿಕೊಂಡಿದೆ.

“Each home a trap” ಎಂಬ ಘೋಷಣೆಯಡಿ, ಸೊಳ್ಳೆಗಳನ್ನು ತಡೆಗಟ್ಟಲು ಮನೆಯವರಿಗೆ ತಾವು ಮಾಡಬೇಕಾದ ಕ್ರಮಗಳ ಬಗ್ಗೆ ಮಾಹಿತಿ ನೀಡಲಾಗುತ್ತಿದೆ.

ಅಧಿಕಾರಿಗಳು ಸಾರ್ವಜನಿಕರಿಗೆ ಈ ಕುರಿತಾಗಿ ಎಚ್ಚರಿಕೆಯನ್ನು ನೀಡಿದ್ದು, ಡೆಂಗ್ಯೂ ಸೋಂಕು ತಡೆಗಟ್ಟಲು ಎಲ್ಲರೂ ಸಹಕರಿಸಬೇಕೆಂದು ಮನವಿ ಮಾಡಲಾಗಿದೆ.

Dengue Threat Rises in Bengaluru, BBMP Orders Urgent Action