ಬೆಂಗಳೂರಿನಲ್ಲಿ ಕಟ್ಟಡ ಅನುಮತಿಗೆ ಇನ್ಮುಂದೆ ಈ ದಾಖಲೆ ಕಡ್ಡಾಯ! ಹೊಸ ನಿಯಮ
ಬೆಂಗಳೂರು limits ಒಳಗಿನ ಕಟ್ಟಡ ನಕ್ಷೆ ಮಂಜೂರಿಗೆ ಜುಲೈ 1ರಿಂದ ಇ-ಖಾತಾ ಕಡ್ಡಾಯವಾಗಿದೆ. ಬಿಬಿಎಂಪಿ ಹೊಸ ನಿಯಮ ಜಾರಿಗೊಳಿಸಿದ್ದು, ನಕ್ಷೆ ಅನುಮತಿ ಪಡೆಯಲು ಇದು ಅಗತ್ಯವಾಗಲಿದೆ.
- ಜುಲೈ 1ರಿಂದ ಕಟ್ಟಡ ನಕ್ಷೆಗಳಿಗೆ ಇ-ಖಾತಾ ಕಡ್ಡಾಯ
- Trust & Verify ವಿಧಾನದಲ್ಲಿ ತಾತ್ಕಾಲಿಕ ನಕ್ಷೆ ಮಂಜೂರಾತಿ
- NOC ಇಲ್ಲದೆ ಮಂಜೂರಾತಿ ಕೊಡುವ ಅಧಿಕಾರಿಗಳಿಗೆ ಶಿಸ್ತು ಕ್ರಮ
ಬೆಂಗಳೂರು (Bengaluru): ಜುಲೈ 1, 2025 ರಿಂದ ಬೆಂಗಳೂರು ಪಾಲಿಕೆ ವ್ಯಾಪ್ತಿಯಲ್ಲಿ ಕಟ್ಟಡ ನಕ್ಷೆ ಅನುಮತಿ ಪಡೆಯಲು ಇ-ಖಾತಾ ಸಲ್ಲಿಕೆ ಕಡ್ಡಾಯವಾಗಿದೆ. ಇದರಿಂದ ನಗರದಲ್ಲಿನ ಎಲ್ಲ ಆಸ್ತಿ ಮಾಲೀಕರಿಗೆ (property owners) ಹೊಸ ನಿಯಮಗಳನ್ನು ಪಾಲಿಸಬೇಕಾಗಿದೆ.
ಈ ನಿರ್ಧಾರದಿಂದ ಕಟ್ಟಡ ನಿರ್ಮಾಣ ಪ್ರಕ್ರಿಯೆ ಇನ್ನಷ್ಟು ಸ್ಪಷ್ಟತೆ ಹೊಂದಲಿದೆ.
ಈಗಾಗಲೇ ಪಾಲಿಕೆಯ ಕಂದಾಯ ವಿಭಾಗ ಇ-ಆಸ್ತಿ ತಂತ್ರಾಂಶದ (e-Aasthi software) ಮೂಲಕ ಆಸ್ತಿ ವಿವರಗಳನ್ನು ನಿರ್ವಹಿಸುತ್ತಿದ್ದು, ಈಗ ಈ ವ್ಯವಸ್ಥೆಯನ್ನು ಇಒಡಿಬಿ-ಒಬಿಪಿಎಸ್ (OBPS) ತಂತ್ರಾಂಶದೊಂದಿಗೆ ಸಂಯೋಜಿಸಲು ಕ್ರಮ ಜರುಗಿಸಲಾಗಿದೆ.
ಇದನ್ನೂ ಓದಿ: ಕರ್ನಾಟಕ SSLC ಪೂರಕ ಪರೀಕ್ಷೆ ಫಲಿತಾಂಶ ಪ್ರಕಟಣೆ: ಮಹತ್ವದ ಅಪ್ಡೇಟ್ ಇಲ್ಲಿದೆ
ಇದರಿಂದ ನಕ್ಷೆ ಮಂಜೂರಾತಿ ಕೋರಿ ಸಲ್ಲಿಸುವ ಪ್ರಸ್ತಾವನೆಗಳ ಸ್ವತ್ತಿನ ದಾಖಲೆಗಳನ್ನು ತಂತ್ರಾಂಶದಲ್ಲೇ ತಯಾರಾಗುವಂತೆ ಮಾಡಲಾಗಿದೆ.
ಬಿಬಿಎಂಪಿ ಆಯುಕ್ತ ತುಷಾರ್ ಗಿರಿನಾಥ್ ಅವರ ಪ್ರಕಟಣೆಯ ಪ್ರಕಾರ, ಸ್ವತ್ತಿನ ಇ-ಖಾತಾ ಅಥವಾ ಇಪಿಐಡಿ ಸಂಖ್ಯೆಯನ್ನು ಆನ್‌ಲೈನ್‌ನಲ್ಲಿ ನಮೂದಿಸುವುದು ಹಾಗೂ ಇ-ಖಾತಾ ಸಲ್ಲಿಸುವುದು ಅನಿವಾರ್ಯವಾಗಲಿದೆ. ಈ ಮೂಲಕ ಸಲ್ಲಿಕೆಯಾಗುವ ನಕ್ಷೆ ಅರ್ಜಿಗಳಿಗೆ ಸಂಬಂಧಪಟ್ಟ ದಾಖಲೆ ಪರಿಶೀಲನೆ ಪ್ರಕ್ರಿಯೆ ಸ್ವಯಂಚಾಲಿತವಾಗಲಿದೆ.
ಹೆಚ್ಚು ಪಾರದರ್ಶಕತೆಗೆ ಈ ಕ್ರಮದಿಂದ ನಕ್ಷೆ ಮಂಜೂರಾತಿಯ ನಿರ್ಧಾರವನ್ನು ನಗರ ಯೋಜನಾ ವಿಭಾಗದ ಸಹಾಯಕ ನಿರ್ದೇಶಕರು ‘Trust & Verify’ ವಿಧಾನದಲ್ಲಿ ತೆಗೆದುಕೊಳ್ಳಲಿದ್ದಾರೆ. ನಿರ್ಧಿಷ್ಟ ಅವಧಿಯಲ್ಲಿ ನಿರಾಕರಣೆ ಅಥವಾ ಅನುಮೋದನೆ ನೀಡದಿದ್ದಲ್ಲಿ, ತಂತ್ರಾಂಶದಲ್ಲಿಯೇ ನಕ್ಷೆ ಅನುಮೋದನೆ ಸ್ವಯಂಚಾಲಿತವಾಗಿ (Deemed Approval) ಸಿಗಲಿದೆ.
ಇದನ್ನೂ ಓದಿ: ಕರ್ನಾಟಕ ರೈತರಿಗೆ ಜೀವಜಲ ಯೋಜನೆ, ಬೋರ್ವೆಲ್ ಕೊರೆಸಲು ₹4.25 ಲಕ್ಷ ಸಬ್ಸಿಡಿ
ಅದರ ಜತೆಗೆ, ತಪ್ಪಾದ ಸ್ವಯಂ ಅನುಮೋದನೆಗೆ ಕಾರಣರಾದ ಅಧಿಕಾರಿಗಳ ವಿರುದ್ಧ ಕ್ರಮಕೈಗೊಳ್ಳಲಾಗುತ್ತದೆ. ಈ ಸಂಬಂಧ ಜಂಟಿ ನಿರ್ದೇಶಕರು ವರದಿ ಸಲ್ಲಿಸಬೇಕಾಗುತ್ತದೆ ಎಂದು ಆದೇಶಿಸಲಾಗಿದೆ. ಈ ಮೂಲಕ ಸಂಬಂಧಪಟ್ಟ ವಲಯ ಕಛೇರಿಗಳಿಗೆ ಮತ್ತಷ್ಟು ಜವಾಬ್ದಾರಿಯನ್ನು ಒಪ್ಪಿಸಲಾಗಿದೆ.
ಇನ್ನು ಇತ್ತೀಚೆಗೆ ಬಿಬಿಎಂಪಿಯು ಆಸ್ತಿ ಖರೀದಿ ಮತ್ತು ಮಾರಾಟಕ್ಕೂ ಇ-ಖಾತಾ ಕಡ್ಡಾಯಗೊಳಿಸಿದ್ದನ್ನು ಗಮನಿಸಬೇಕು. ಈಗ ಈ ನಿಯಮ ಕಟ್ಟಡ ನಕ್ಷೆಗಳಿಗೂ ವ್ಯಾಪಿಸಿ ಬಿಬಿಎಂಪಿ ಸೇವೆಗಳ ಪಾರದರ್ಶಕತೆಯತ್ತ ಮತ್ತೊಂದು ಹೆಜ್ಜೆ ಇಟ್ಟಂತಾಗಿದೆ.
e-Khata Mandatory from July 1 for Building Plan Approval in Bengaluru
