ಬೆಂಗಳೂರು ಪೊಲೀಸರ ದಾಳಿ: ನಕಲಿ ಸಿಗರೇಟ್ ಮಾರಾಟ ಜಾಲ ಪತ್ತೆ
ಬೆಂಗಳೂರಿನ ವಿಲ್ಸನ್ ಗಾರ್ಡನ್ ಪ್ರದೇಶದಲ್ಲಿ ನಕಲಿ ಸಿಗರೇಟ್ ಜಾಲ ಪತ್ತೆ, ಕೇರಳ ಮೂಲದ ಆರೋಪಿ ಬಂಧನ, ಸಾಗಣೆಗೆ ಬಳಸಿದ್ದ ವಾಹನ ಮತ್ತು ಕಾರು ವಶ
- ಬೆಂಗಳೂರಿಗೆ ದೆಹಲಿಯಿಂದ ನಕಲಿ ಸಿಗರೇಟ್ (Cigarette) ಸಾಗಣೆ
- ವಿಲ್ಸನ್ ಗಾರ್ಡನ್ ಪೊಲೀಸರು ₹27 ಲಕ್ಷ ಮೌಲ್ಯದ ವಸ್ತು ಸೀಜ್
- ಐಟಿಸಿ ಕಂಪನಿಗೆ ಭಾರಿ ನಷ್ಟ, ಪೊಲೀಸರಿಂದ ಮುಂದುವರೆದ ತನಿಖೆ
ಬೆಂಗಳೂರು (Bengaluru): ನಕಲಿ ಉತ್ಪನ್ನಗಳ (Fake Products) ಹಾವಳಿ ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಿದ್ದು, ಇದೀಗ ಬೆಂಗಳೂರಿನ ವಿಲ್ಸನ್ ಗಾರ್ಡನ್ ಪೊಲೀಸ್ ಇಲಾಖೆ ನಕಲಿ ಸಿಗರೇಟ್ ಮಾರಾಟ ಜಾಲವನ್ನು ಭೇದಿಸಿದೆ. ದೆಹಲಿಯಿಂದ ನಕಲಿ ಸಿಗರೇಟ್ ಲಾರಿ ಮೂಲಕ ನಗರಕ್ಕೆ ಸಾಗಿಸಲಾಗುತ್ತಿತ್ತು. ಈ ಜಾಲದಲ್ಲಿ ಕಾರ್ಯನಿರ್ವಹಿಸುತ್ತಿದ್ದ ತಂಡ ಪೊಲೀಸರ ಬಲೆಗೆ ಸಿಕ್ಕಿದೆ.
ಈ ಜಾಲ ದೇಶದಾದ್ಯಂತ ಹಬ್ಬಿರುವ ಭಾರೀ ನಕಲಿ ವ್ಯಾಪಾರದ ಭಾಗವಾಗಿದ್ದು, ಐಟಿಸಿ (ITC) ಕಂಪನಿಯ ಸಿಗರೇಟ್ ಮಾದರಿಯಲ್ಲಿಯೇ ನಕಲಿ ಉತ್ಪನ್ನಗಳನ್ನು ತಯಾರಿಸಲಾಗುತ್ತಿತ್ತು. ಪ್ಯಾಕಿಂಗ್ ಮತ್ತು ಬ್ರ್ಯಾಂಡಿಂಗ್ ಸಹ ಅಸಲಿಗೆ ಹೋಲುವಂತೆ ಮಾಡಿದ್ದು, ಗ್ರಾಹಕರಿಗೆ ನಕಲಿ ಮತ್ತು ಅಸಲಿನ ನಡುವಿನ ವ್ಯತ್ಯಾಸ ಗುರುತಿಸಲು ಕಷ್ಟವಾಗುತ್ತಿದೆ.
ರಾಜಧಾನಿ ದೆಹಲಿಯಿಂದ ನಕಲಿ ಸಿಗರೇಟ್ ಸ್ಮಗ್ಲಿಂಗ್ (Smuggling) ಮಾಡಲಾಗುತ್ತಿದ್ದು, ಐಟಿಸಿ ಕಂಪನಿಯ ಮಾದರಿಯ ನಕಲಿ ಉತ್ಪನ್ನಗಳು ಮಾರಾಟಕ್ಕೆ ಬರುತ್ತಿದ್ದವು. ಜ್ಯೂಸ್ ಪ್ಯಾಕೆಟ್ ಬಾಕ್ಸ್ ಎಂದು, ಬೆಂಗಳೂರುಗೆ ನಕಲಿ ಸಿಗರೇಟ್ ಸರಬರಾಜು ಮಾಡಲಾಗುತ್ತಿತ್ತು. ಈ ವಂಚನೆಯಿಂದ ಐಟಿಸಿ (ITC) ಕಂಪನಿಗೆ ಲಕ್ಷಾಂತರ ರೂಪಾಯಿ ನಷ್ಟ ಉಂಟಾಗಿತ್ತು.
ಬೈಕ್‌ನಿಂದ ಬಿದ್ದ ಮಹಿಳೆ ಮೇಲೆ BMTC ಬಸ್ ಹರಿದು ಸ್ಥಳದಲ್ಲೇ ದುರ್ಮರಣ
ನಕಲಿ ವಸ್ತುಗಳ ಹಾವಳಿ ನಿಯಂತ್ರಣಕ್ಕೆ ಹಲವಾರು ಬಾರಿ ಪೊಲೀಸರು ದಾಳಿ ನಡೆಸಿದ್ದರೂ, ಮಾರಾಟದ ದಂಧೆ ತಗ್ಗಿಲ್ಲ. ನಕಲಿ ಉತ್ಪನ್ನಗಳ (Counterfeit Goods) ಬಳಕೆಯಿಂದ ಜನರ ಆರೋಗ್ಯಕ್ಕೂ ಹಾನಿಯುಂಟಾಗುವ ಸಾಧ್ಯತೆ ಇದ್ದು, ಇದರ ವಿರುದ್ಧ ಕಟ್ಟುನಿಟ್ಟಾದ ಕ್ರಮ ಕೈಗೊಳ್ಳಬೇಕಾಗಿದೆ.
ಪೊಲೀಸರು ನಡೆಸಿದ ಕಾರ್ಯಾಚರಣೆಯಲ್ಲಿ ಕೇರಳ ಮೂಲದ ಯೂಸಫ್ ಎಂಬಾತನನ್ನು ಬಂಧಿಸಲಾಗಿದ್ದು, ಸುಮಾರು ₹27 ಲಕ್ಷ ಮೌಲ್ಯದ ನಕಲಿ ಸಿಗರೇಟ್ ವಶಪಡಿಸಿಕೊಂಡಿದ್ದಾರೆ. ಈ ಜಾಲದ ಹಿಂದೆ ಇನ್ನಷ್ಟು ಮಂದಿ ಇರಬಹುದೆಂದು ಅನುಮಾನಿಸಿ, ಹೆಚ್ಚಿನ ತನಿಖೆ ಮುಂದುವರಿಸಲಾಗಿದೆ. ಜೊತೆಗೆ, ನಕಲಿ ಸಿಗರೇಟ್ ಸಾಗಣೆಗೆ ಬಳಸಿದ್ದ ವಾಹನ ಮತ್ತು ಕಾರನ್ನು ಪೊಲೀಸರು ವಶಪಡಿಸಿಕೊಂಡಿದ್ದಾರೆ.
ಈ ಘಟನೆಯು ನಕಲಿ ಉತ್ಪನ್ನಗಳ ಮಾರುಕಟ್ಟೆಯ ಬಗ್ಗೆ ಗಂಭೀರ ಚಿಂತನೆ ಮೂಡಿಸಿದ್ದು, ಗ್ರಾಹಕರು ತಮ್ಮ ಸ್ವಾಸ್ಥ್ಯ ಕಾಪಾಡಿಕೊಳ್ಳಲು ಎಚ್ಚರಿಕೆಯಿಂದ ಇರಬೇಕು.
Fake Cigarette Smuggling Racket Busted in Bengaluru
