ಬೆಂಗಳೂರು ಹೆಬ್ಬಾಳ ಜಂಕ್ಷನ್ ಲೂಪ್‌ನಿಂದ ಸಂಚಾರ ದಟ್ಟಣೆ 25% ಕಡಿಮೆ - Bengaluru Hebbal Junction Loop
ಹೆಬ್ಬಾಳ ಜಂಕ್ಷನ್‌ನಲ್ಲಿ ಹೊಸ ಲೂಪ್ ಆರಂಭಗೊಂಡಿದ್ದು, ಸಂಚಾರಕ್ಕೆ ಸಿಗುವ ಪರಿಹಾರದಿಂದ ವಾಹನ ದಟ್ಟಣೆ ಶೇಕಡಾ 25ರಷ್ಟು ಇಳಿಕೆಯಾಗಿದೆ. ಬೆಳಗ್ಗೆ-ಸಂಜೆ ಹೆಚ್ಚು ವಾಹನಗಳಿದ್ದರೂ, ಉಳಿದ ಸಮಯದಲ್ಲಿ ಸಂಚಾರ ಸುಗಮವಾಗಿದೆ.
- ಹೆಬ್ಬಾಳ ಜಂಕ್ಷನ್‌ನಲ್ಲಿ ಲೂಪ್ ಉದ್ಘಾಟನೆ
- ಸಂಚಾರ ದಟ್ಟಣೆ ಶೇಕಡಾ 25% ಕಡಿಮೆ
- ಬ್ಯಾಪ್ಟಿಸ್ಟ್ ಬಳಿ ಬಸ್ ನಿಲ್ದಾಣ ಸಮಸ್ಯೆ
ಬೆಂಗಳೂರು (Bengaluru): ಬೆಂಗಳೂರು ಹೆಬ್ಬಾಳ ಜಂಕ್ಷನ್‌ನಲ್ಲಿ ದಿನನಿತ್ಯ ಲಕ್ಷಾಂತರ ವಾಹನಗಳು ಸಂಚರಿಸುತ್ತವೆ. ಬೆಳಿಗ್ಗೆ ಮತ್ತು ಸಂಜೆ ಅವಧಿಯಲ್ಲಿ ಅಂದಾಜು ಐವತ್ತು ಸಾವಿರಕ್ಕೂ ಹೆಚ್ಚು ವಾಹನಗಳು ಹರಿದಾಡುತ್ತವೆ. ಇಂತಹ ಸಂದರ್ಭಗಳಲ್ಲಿ ಹೊಸ ಲೂಪ್ ಪ್ರಾರಂಭವಾಗಿರುವುದು ಸಂಚಾರ ಸಮಸ್ಯೆಗೆ ಭಾಗಶಃ ಪರಿಹಾರ ನೀಡಿದೆ.
ಹೊಸ ಪಥ ಸೋಮವಾರದಿಂದ ಸಾರ್ವಜನಿಕರಿಗೆ ಮುಕ್ತಗೊಳಿಸಲಾಯಿತು. ಆದರೆ ಉದ್ಘಾಟನೆಯ ದಿನವೇ ವಾಹನಗಳ ಸಾಲು ಹೆಚ್ಚಾದ ಕಾರಣ ಸವಾರರು ಪರದಾಡಬೇಕಾಯಿತು. ಮಂಗಳವಾರ ಬೆಳಗ್ಗೆ ಪರಿಸ್ಥಿತಿ ಸ್ವಲ್ಪ ಸುಧಾರಿಸಿತು. ಪಕ್ಕದ ರಸ್ತೆಗಳಲ್ಲಿ ಹೆಚ್ಚು ದಟ್ಟಣೆ ಕಂಡುಬರದಿದ್ದರೂ, ಲೂಪ್‌ನಲ್ಲೇ ವಾಹನಗಳು ನಿಧಾನಗತಿಯಲ್ಲಿ ಸಾಗುತ್ತಿರುವುದು ಗಮನಿಸಲಾಯಿತು.
ಇದನ್ನೂ ಓದಿ: ಗೃಹಲಕ್ಷ್ಮಿ ಬಾಕಿ ಹಣ, ಗೌರಿ-ಗಣೇಶ ಹಬ್ಬಕ್ಕೂ ಮುನ್ನವೇ 6000 ಮಹಿಳೆಯರ ಖಾತೆಗೆ
ಸರ್ವೀಸ್ ರಸ್ತೆಯಿಂದ ಬರುವ ವಾಹನಗಳು ಮೇಲ್ಸೇತುವೆ ಇಳಿಯುವ ವಾಹನಗಳ ಜೊತೆ ಸೇರಿಕೊಂಡು ಸಂಚಾರಕ್ಕೆ ತೊಂದರೆ ಉಂಟುಮಾಡುತ್ತಿದ್ದವು. ಯಲಹಂಕ, ದೇವನಹಳ್ಳಿ ಹಾಗೂ ತುಮಕೂರು ಕಡೆಯಿಂದ ಬರುವ ಬಸ್‌ಗಳು ಬ್ಯಾಪ್ಟಿಸ್ಟ್ ಆಸ್ಪತ್ರೆ ಎದುರಿನ ನಿಲ್ದಾಣದಲ್ಲಿ ನಿಲ್ಲುವುದರಿಂದ ರಸ್ತೆ ಇನ್ನಷ್ಟು ಗೋಜಿಗೆ ಒಳಗಾಗಿದೆ.
ಸ್ಥಳೀಯರು “ಬಸ್ ನಿಲ್ದಾಣವನ್ನು ಸರಿಯಾದ ಸ್ಥಳಕ್ಕೆ ಸ್ಥಳಾಂತರಿಸದಿದ್ದರೆ ಸಮಸ್ಯೆ ಹೆಚ್ಚಾಗುತ್ತದೆ” ಎಂದು ಬೇಡಿಕೆ ಇಟ್ಟಿದ್ದಾರೆ.
ಬಿಡಿಎ ಅಧಿಕಾರಿಗಳ ಪ್ರಕಾರ, ಕೊಡಿಗೇಹಳ್ಳಿ–ಸಹಕಾರ ನಗರ ಮಾರ್ಗದ ವಾಹನಗಳಿಗೆ ಅನುಕೂಲವಾಗುವಂತೆ ಎರಡು ಹೊಸ ಪಥಗಳನ್ನು ಮೇಲ್ಸೇತುವೆಯಲ್ಲಿ ನಿರ್ಮಿಸಲಾಗುತ್ತಿದೆ.
ಇದನ್ನೂ ಓದಿ: ರೈತರಿಗೆ ಉಚಿತ ಬೋರ್ವೆಲ್ ಸಬ್ಸಿಡಿ, ಗಂಗಾ ಕಲ್ಯಾಣ ಯೋಜನೆಗೆ ಅರ್ಜಿ ಆಹ್ವಾನ
ತುಮಕೂರು–ಕೆ.ಆರ್.ಪುರ ಹಾಗೂ ಕೆ.ಆರ್.ಪುರ–ವಿಮಾನ ನಿಲ್ದಾಣ ಸಂಪರ್ಕಕ್ಕಾಗಿ ಹೊಸ ಸೇತುವೆ ಕಾಮಗಾರಿ ಕೂಡ ನಡೆಯುತ್ತಿದೆ. ಇವು ಪೂರ್ಣಗೊಂಡರೆ ವಿಮಾನ ನಿಲ್ದಾಣದಿಂದ ತುಮಕೂರು ಮಾರ್ಗ ಸಂಚಾರ ಬಹುತೇಕ ಸಿಗ್ನಲ್ ಮುಕ್ತವಾಗಲಿದೆ ಎಂದು ಅವರು ತಿಳಿಸಿದ್ದಾರೆ.
ಸಂಚಾರ ಪೊಲೀಸರ ಪ್ರಕಾರ, ಲೂಪ್ ಉದ್ಘಾಟನೆಯ ನಂತರ ವಾಹನ ದಟ್ಟಣೆ ಶೇಕಡಾ 25ರಷ್ಟು ತಗ್ಗಿದೆ. ಮುಂಚೆ ಅರ್ಧ ಗಂಟೆಗೂ ಹೆಚ್ಚು ಕಾಯಬೇಕಾಗಿದ್ದರೆ, ಈಗ 10–15 ನಿಮಿಷಗಳಲ್ಲಿ ಸಂಚಾರ ಮುಗಿಯುತ್ತಿದೆ. ಆದಾಗ್ಯೂ ಬೆಳಿಗ್ಗೆ ಮತ್ತು ಸಂಜೆ ಮಾತ್ರ ಹೆಚ್ಚು ಒತ್ತಡ ಇದೆ.
Hebbal Junction Loop Eases Traffic in Bengaluru
