ಅನಧಿಕೃತ ಲೇಔಟ್‌ನಲ್ಲಿ ಮನೆ ಕಟ್ಟಿದ್ದರೆ ತಕ್ಷಣ ಜಪ್ತಿ! ಸರ್ಕಾರದಿಂದ ಖಡಕ್ ಆದೇಶ

• ಸಕ್ಷಮ ಪ್ರಾಧಿಕಾರದ ಅನುಮತಿ ಇಲ್ಲದ ಲೇಔಟ್‌ಗಳಿಗೆ ಮುಟ್ಟುಗೋಲು
• ತಹಶೀಲ್ದಾರ್ ಮತ್ತು ಡಿಸಿಗೆ ನೇರ ಹೊಣೆಗಾರಿಕೆ

ಬೆಂಗಳೂರು (Bengaluru): ಕಳೆದ ಡಿಸೆಂಬರ್ ಮತ್ತು ಈ ಏಪ್ರಿಲ್‌ನಲ್ಲಿ (Supreme Court) ಸುಪ್ರೀಂ ಕೋರ್ಟ್‌ ಸರ್ಕಾರವನ್ನು ಎಚ್ಚರಿಸಿದ್ದು, ಅನಧಿಕೃತ ಬಡಾವಣೆಗಳ ಕುರಿತು ಖಡಕ್ ಸೂಚನೆ ನೀಡಿದೆ. ಈ ಹಿನ್ನೆಲೆಯಲ್ಲಿ, ಬಡಜನ ಹಾಗೂ ಮಧ್ಯಮ ವರ್ಗದ ಜನರು ಪುನಃ ಶೋಷಣೆಗೆ ಒಳಗಾಗದಂತೆ ರಾಜ್ಯ ಸರ್ಕಾರವು ಇಷ್ಟು ಗಂಭೀರ ತೀರ್ಮಾನ ತೆಗೆದುಕೊಂಡಿದೆ.

ಇನ್ನು ಮುಂದೆ ಯಾವುದೇ ಜಿಲ್ಲೆಯಲ್ಲಿ ಸಕ್ಷಮ ಪ್ರಾಧಿಕಾರದ ಅನುಮತಿ ಇಲ್ಲದೇ ಹೊಸ ಬಡಾವಣೆ ನಿರ್ಮಾಣ ಮಾಡುವುದನ್ನು ಸರ್ಕಾರ ಸಂಪೂರ್ಣವಾಗಿ ನಿಷೇಧಿಸಿದೆ.

ಈ ಸಂಬಂಧ ಜಿಲ್ಲಾಧಿಕಾರಿ ಮತ್ತು ತಹಶೀಲ್ದಾರ್‌ಗಳಿಗೆ ನೇರವಾಗಿ ಕಾನೂನುಬದ್ಧ ಹೊಣೆಗಾರಿಕೆ ನಿಗದಿಯಾಗಿದ್ದು, ಸೂಚನೆ ಮೀರಿ ನಡೆದುಕೊಂಡರೆ ಶಿಸ್ತು ಕ್ರಮ ಖಚಿತವೆಂದು ಎಚ್ಚರಿಸಲಾಗಿದೆ.

ಇದನ್ನೂ ಓದಿ: ಬೆಂಗಳೂರು: ಹೊಸ ವಿದ್ಯುತ್‌ ಸಂಪರ್ಕಕ್ಕೆ ಇನ್ಮುಂದೆ ಈ ಪ್ರಮಾಣ ಪತ್ರ ಕಡ್ಡಾಯ! ಹೊಸ ನಿಯಮ

ಗ್ರಾಮ ಪಂಚಾಯಿತಿಗಳು ಹಾಗೂ ನಗರ ಸ್ಥಳೀಯ ಸಂಸ್ಥೆಗಳ ಪಾಲಿಗೂ ಇನ್ನು ಮುಂದೆ ಪರಸ್ಪರ ಜವಾಬ್ದಾರಿ ತಳ್ಳಾಟ ಸಾಧ್ಯವಾಗದು. ಅನಧಿಕೃತ ಲೇಔಟ್‌ಗಳು ಸಾರ್ವಜನಿಕ ಜೀವನವನ್ನು ತ್ರಿಶಂಕು ಸ್ಥಿತಿಗೆ ತರುವಂತೆ ಮಾಡುತ್ತವೆ.

ನಕ್ಷೆ ಮಂಜೂರಾತಿ ಇಲ್ಲದ ಮನೆಗಳಿಗೆ (building plan approval) ಸಾಲ ಸೌಲಭ್ಯ ಅಥವಾ ಮೂಲಸೌಕರ್ಯಗಳಿಲ್ಲ, ಈ ಕಾರಣ ಜನರು ಪೂರ್ತಿ ಜೀವನ ಕಷ್ಟಪಡುವ ಸ್ಥಿತಿಗೆ ತಲುಪುತ್ತಾರೆ.

ಕಂದಾಯ ಸಚಿವ ಕೃಷ್ಣ ಬೈರೇಗೌಡ ಮಾಧ್ಯಮವೊಂದಕ್ಕೆ ನೀಡಿದ ಮಾಹಿತಿ ಪ್ರಕಾರ, “ಮೇ 30ರಂದು ಸುಪ್ರೀಂ ಕೋರ್ಟ್ ಹೊಸದಾಗಿ ಮತ್ತೊಂದು ಸೂಚನೆ ನೀಡಿದೆ. ಇದರ ಅನ್ವಯ, ರಾಜ್ಯಾದ್ಯಂತ ಎಲ್ಲರೂ ಕಾನೂನು ಪ್ರಕಾರವೇ ಲೇಔಟ್‌ಗಳನ್ನು ಅಭಿವೃದ್ಧಿಪಡಿಸಬೇಕು. ಇಲ್ಲದಿದ್ದರೆ ಆ ಆಸ್ತಿಯನ್ನು (Property) ಸರ್ಕಾರ ಸ್ವಾಧೀನಪಡಿಸಿಕೊಳ್ಳಲಿದೆ” ಎಂದಿದ್ದಾರೆ.

ಇದನ್ನೂ ಓದಿ: ಕರ್ನಾಟಕ ಸಬ್ಸಿಡಿ ಸಹಿತ ಸ್ವಉದ್ಯೋಗ ಸಾಲ ಯೋಜನೆಗೆ ಅರ್ಜಿ ಆಹ್ವಾನ!

ಅನಧಿಕೃತ ಲೇಔಟ್‌ಗಳಲ್ಲಿ ಸಿಏ ನಿವೇಶನ, ಪಾರ್ಕ್, ರಸ್ತೆ ಅಥವಾ ಸಾರ್ವಜನಿಕ ಮೂಲಸೌಕರ್ಯಗಳಿಲ್ಲ. ಜನರ ಆರೋಗ್ಯ, ಮಕ್ಕಳ ಶಿಕ್ಷಣ, ಸುರಕ್ಷತೆ ಎಲ್ಲವನ್ನೂ ದುರ್ಬಲಗೊಳಿಸುತ್ತದೆ. ಈ ಲೇಔಟ್‌ಗಳಲ್ಲಿ ಮನೆಯು ಕಟ್ಟಿದರೂ ಸಾಲ (Home Loan) ಸಿಗಲ್ಲ, ನಕ್ಷೆ ಮಂಜೂರಾತಿ ಸಿಗಲ್ಲ ಮತ್ತು ಅಧಿಕಾರಿಗಳಿಂದ ಪ್ರತಿಸಾರಿ ಹಣ ಕೀಳುವ ಸಂದರ್ಭ ಬರುತ್ತದೆ.

ಈ ಆದೇಶದ ಮೂಲಕ ಬಿಲ್ಡರ್‌ಗಳು ಮಾಡುವ ಅಕ್ರಮ ಲಾಭದ ದಂಧೆಗೆ ಕಡಿವಾಣ ಹಾಕಲಾಗಿದ್ದು, ಶಿಸ್ತು ಕ್ರಮದ ಮೂಲಕ ಎಲ್ಲಾ ಅಧಿಕಾರಿಗಳಿಗೆ (accountability) ನೇರವಾಗಿ ಮಾಹಿತಿ ನೀಡಲಾಗಿದೆ. ಬಡ ಮತ್ತು ಮಧ್ಯಮ ವರ್ಗದ ಜನರ ಕನಸುಗಳು ಶೋಷಣೆಗೆ ಗುರಿಯಾಗಬಾರದೆಂಬ ಉದ್ದೇಶ ಈ ಕ್ರಮದ ಹಿಂದೆ ಇದೆ ಎಂದು ಕಂದಾಯ ಇಲಾಖೆ ಅಧಿಕಾರಿಗಳು ಸ್ಪಷ್ಟಪಡಿಸಿದ್ದಾರೆ.

Illegal Layouts Face Seizure Threat in Karnataka

English Summary▼

The Karnataka government has issued strict orders to prevent unauthorized residential layouts across the state. Moving forward, any construction without approval from the competent authority will be seized. District collectors and tahsildars have been made directly accountable, with disciplinary actions warned for negligence.

This decision follows repeated Supreme Court directions to curb the rise of illegal layouts, which are often developed by builders targeting the poor and middle-class. These layouts typically lack basic infrastructure and legal approvals, leaving homebuyers in permanent limbo without access to loans, amenities, or legal protection.