ಬೆಂಗಳೂರು: ವಿದ್ಯಾರ್ಥಿನಿಯರ ಅಂಗಾಂಗಗಳನ್ನು ಮುಟ್ಟಿ ವಿಕೃತಿ, ಶಾಲಾ ಮಾಲೀಕ ಅರೆಸ್ಟ್

• ನೆಲಮಂಗಲದ ಕಿತ್ತನಹಳ್ಳಿಯ ಶಾಲಾ ಮಾಲೀಕ ಅರೆಸ್ಟ್
• ವಿದ್ಯಾರ್ಥಿನಿಯರಿಗೆ ಪದೇ ಪದೇ ಕಿರುಕುಳ ನೀಡಿದ ಆರೋಪ
• ಪೋಕ್ಸೋ ಕಾಯ್ದೆ ಅಡಿಯಲ್ಲಿ ಈರತ್ತಯ್ಯ ಬಂಧನ

ಬೆಂಗಳೂರು (Bengaluru) ಹೊರವಲಯದ ನೆಲಮಂಗಲದ ಕಿತ್ತನಹಳ್ಳಿಯ ವಿಭಾ ಇಂಟರ್​ನ್ಯಾಷನಲ್​ ಶಾಲೆಯ ಮಾಲೀಕ ಈರತ್ತಯ್ಯನ ವಿರುದ್ಧ ಲೈಂಗಿಕ ದೌರ್ಜನ್ಯ (sexual harassment) ಮಾಡಿದ ಆರೋಪ ಕೇಳಿಬರುತ್ತಿದೆ.

ವಿದ್ಯಾರ್ಥಿನಿಯರನ್ನು ತಮ್ಮ ಕ್ಯಾಬಿನ್‌ಗೆ ಕರೆಯಿಸಿಕೊಂಡು, ಅವರ ಅಂಗಾಂಗಗಳನ್ನು ಮುಟ್ಟಿ (touching) ವಿಕೃತ (distorted) ಆನಂದವನ್ನು ಪಡೆಯುತ್ತಿದ್ದ ಎಂದು ದೂರಿನಲ್ಲಿ ವಿವರಿಸಲಾಗಿದೆ.

ವಿದ್ಯಾರ್ಥಿನಿಯರ ಮೇಲೆ ಪದೇಪದೇ ಲೈಂಗಿಕ ಶೋಷಣೆ ನಡೆಸುತ್ತಲೇ ಇದ್ದ ಎಂಬ ಆರೋಪಗಳು ಕೇಳಿ ಬಂದಿದ್ದು, ಈ ಸಂಬಂಧವಾಗಿ ನೊಂದ ವಿದ್ಯಾರ್ಥಿ ಈತನ ವಿರುದ್ಧ ದೂರು (complaint) ದಾಖಲಿಸಿದ್ದಾರೆ, ಮತ್ತು ತಮ್ಮ ಅನುಭವವನ್ನು ಎಳೆಯ ಎಳೆಯಾಗಿ (in detail) ವಿವರಿಸಿದ್ದಾರೆ.

ಈ ಪ್ರಕರಣದ ಬಗ್ಗೆ ಸ್ಥಳೀಯ ಪೊಲೀಸರ ತನಿಖೆಯು ನಡೆಯುತ್ತಿದ್ದು, ಮಾದನಾಯಕನಹಳ್ಳಿ ಪೊಲೀಸ್ ಠಾಣೆಯ ಅಧಿಕಾರಿಗಳು ಈರತ್ತಯ್ಯನನ್ನು ಪೋಕ್ಸೋ (POCSO) ಕಾಯ್ದೆ ಅಡಿಯಲ್ಲಿ ಬಂಧಿಸಿದ್ದು, ಆತನನ್ನು ಈಗ ಜೈಲಿಗಟ್ಟಲಾಗಿದೆ.

ವಿದ್ಯಾರ್ಥಿನಿಯರು ತಮಗೆ ಆತ ನೀಡುತ್ತಿದ್ದ ಕಿರುಕುಳವನ್ನು (harassment) ಎಫ್​ಐಆರ್ (FIR)ನಲ್ಲಿ ವಿವರಿಸಿರುವುದರಿಂದ, ಪ್ರಕರಣವು ಈಗಾಗಲೇ ಸಾಕಷ್ಟು ಗಮನ ಸೆಳೆದಿದೆ.

School Owner Arrested In pocso case For misbehave With Students

Our Whatsapp Channel is Live Now 👇