ಬೆಂಗಳೂರು ನಗರದಲ್ಲಿ ಮತ್ತೆ ಟೋಯಿಂಗ್, 21 ದಿನಗಳಲ್ಲಿ ವಾಹನ ಹರಾಜು
ಬೆಂಗಳೂರು ನಗರದ ವಿಕಾಸ ಯೋಜನೆಗಳ ಕುರಿತು ಉಪಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ್ ಮಾಹಿತಿ ನೀಡಿದ್ದು, ಟೋಯಿಂಗ್ ಪುನರಾರಂಭ, ಬೀದಿ ವ್ಯಾಪಾರ ನಿಯಂತ್ರಣ ಮತ್ತು ಇ-ಖಾತಾ ಜಾರಿ ಹಂತದಲ್ಲಿವೆ.
ಬೆಂಗಳೂರು (Bengaluru): ಬೆಂಗಳೂರು ನಗರವನ್ನು ಸುಧಾರಣೆಯ ಮಾರ್ಗದಲ್ಲಿ ಸಾಗಿಸಲು ಹಲವು ಮಹತ್ವದ ನಿರ್ಧಾರಗಳನ್ನು ಡಿಸಿಎಂ ಡಿ.ಕೆ. ಶಿವಕುಮಾರ್ (DK Shivakumar) ಪ್ರಕಟಿಸಿದ್ದಾರೆ.
ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ರಸ್ತೆ ಮೇಲೆ ನಿರ್ದಿಷ್ಟ ಸ್ಥಳವಲ್ಲದೆ ನಿಲ್ಲಿಸಿದ ವಾಹನಗಳನ್ನು (towing) ಟೋಯಿಂಗ್ ಮಾಡಲಾಗುವುದು ಎಂದು ಖಡಕ್ ಎಚ್ಚರಿಕೆ ನೀಡಿದ್ದಾರೆ. ಟೋಯಿಂಗ್ ಮಾಡಿದ ವಾಹನಗಳನ್ನು 21 ದಿನಗಳಲ್ಲಿ ಹರಾಜು ಮಾಡುವುದಾಗಿ ಅವರು ತಿಳಿಸಿದರು.
ಈ ಹಿಂದೆ ಸಾರ್ವಜನಿಕ ವಿರೋಧದ ಕಾರಣದಿಂದ 2022ರ ಫೆಬ್ರವರಿಯಲ್ಲಿ ಟೋಯಿಂಗ್ ಸ್ಥಗಿತಗೊಂಡಿತ್ತು. ಆದರೆ ಈಗ, ಹೊಸ ಮಾರ್ಗಸೂಚಿ (new guidelines) ಜಾರಿಯೊಂದಿಗೆ ಮತ್ತೆ ಟೋಯಿಂಗ್ ಪುನರಾರಂಭವಾಗುತ್ತಿದೆ. ಇದರಿಂದ ರಸ್ತೆ ತುಂಬಿರುವ ವಾಹನಗಳು ಕಮ್ಮಿಯಾಗುವ ನಿರೀಕ್ಷೆ ಇದೆ.
ಇದನ್ನೂ ಓದಿ: ಮೈಸೂರು ಸ್ಯಾಂಡಲ್ ಸೋಪ್ ಓನರ್ ಯಾರು? ಇದು ಸರ್ಕಾರದ್ದ! ಇಲ್ಲಿದೆ ಮಾಹಿತಿ
ಬೆಂಗಳೂರಿನಲ್ಲಿ ವಾಹನ ಹಾಗೂ ಜನಸಂದಣಿಯ ಸಮಸ್ಯೆ ಇರುವ ಸ್ಥಳಗಳಲ್ಲಿ ಸರ್ವಿಸ್‌ ರಸ್ತೆ ನಿರ್ಮಾಣ ಕಾರ್ಯ ಮುಂದುವರಿಯಲಿದೆ. ಮೆಟ್ರೋ ಕಾಮಗಾರಿಗಳ ಪಕ್ಕದಲ್ಲೇ ಈ ರಸ್ತೆಗಳನ್ನು ನಿರ್ಮಿಸಲು ಯೋಜನೆ ರೂಪಿಸಲಾಗಿದೆ. ಇದರಿಂದ ಟ್ರಾಫಿಕ್ ಸಮಸ್ಯೆಗೊಂದು ಕಡಿವಾಣ ಬೀಳಲಿದೆ.
ಫುಟ್‌ಪಾತ್‌ ಮೇಲೆ ವ್ಯಾಪಾರ ಮಾಡುವವರಿಗೊಂದು ಖಚಿತವಾದ ಪರ್ಯಾಯ ವ್ಯವಸ್ಥೆಯನ್ನೂ ಸರ್ಕಾರ ನೀಡಲಿದೆ. ತಳ್ಳುವ ಗಾಡಿಗೆ (push carts) ಹೊಸ ಮಾದರಿಗಳನ್ನು ರೂಪಿಸಲಾಗಿದ್ದು, ಸುಮಾರು 3000ಕ್ಕೂ ಹೆಚ್ಚು ವ್ಯಾಪಾರಿಗಳಿಗೆ ಈ ಗಾಡಿಗಳನ್ನು ವಿತರಿಸಲಾಗುವುದು. ಬೀದಿ ವ್ಯಾಪಾರಿಗಳಿಗೆ ನಿರ್ದಿಷ್ಟ ಸ್ಥಳಗಳಲ್ಲಿ ವ್ಯಾಪಾರದ ಅವಕಾಶ ನೀಡಲಾಗುವುದು.
ಇದಕ್ಕೂ ಪೂರಕವಾಗಿ ಬೆಂಗಳೂರಿನ ಎಲ್ಲ ಆಸ್ತಿಗಳಿಗೆ ಇ-ಖಾತಾ (e-Khata) ಜಾರಿಗೆ ಪ್ರಕ್ರಿಯೆ ಚುರುಕುಗೊಂಡಿದೆ. ಆಸ್ತಿ ಸಂಬಂಧಿತ ತೆರಿಗೆ ಪಾವತಿಯು ಈಗಿನಿಂದ ಡಿಜಿಟಲ್ ಆಗಿ ನಡೆಯಲಿದ್ದು, ಪಾರದರ್ಶಕತೆ ಹೆಚ್ಚಾಗಲಿದೆ. ಇದರಿಂದ ನಾಗರಿಕರಿಗೆ ನೆರವಾಗಲಿದೆ ಎಂಬ ನಂಬಿಕೆ ಇದೆ.
ಇದನ್ನೂ ಓದಿ: ಇಂತಹವರ ಬಿಪಿಎಲ್ ಕಾರ್ಡ್ ಕ್ಯಾನ್ಸಲ್! ಗೃಹಲಕ್ಷ್ಮಿ ಹಣಕ್ಕೂ ಕಂಟಕ
ಮಳೆಯಿಂದ ಹಾನಿಗೊಳಗಾದವರಿಗೆ ತಕ್ಷಣದ ಪರಿಹಾರವಾಗಿ 10 ಸಾವಿರ ರೂ. ಹಣ ನೀಡಲಾಗುವುದು. ಕೆಳಮಟ್ಟದ ಬೇಸ್ಮೆಂಟ್‌ (low-level basement) ನಿಷೇಧಕ್ಕೆ ಕ್ರಮ ಜರುಗಿಸಲಿದ್ದು, ಆಪ್ಟಿಕಲ್ ಫೈಬರ್‌ ಕೇಬಲ್‌ ಅಕ್ರಮವಾಗಿ ಹಾಕಿದವರ ವಿರುದ್ಧ ಕಠಿಣ ಕ್ರಮ ಕೈಗೊಳ್ಳಲಾಗುತ್ತದೆ.
ಇದೆ ವೇಳೆ, ಮೇ 15 ರಂದು ಪ್ರಕಟವಾದ ಗ್ರೇಟರ್ ಬೆಂಗಳೂರು ನೋಟಿಫಿಕೇಷನ್‌ಗೆ ಅನುಗುಣವಾಗಿ BBMP ವಿಭಜನೆ ಪ್ರಕ್ರಿಯೆ ಸೆಪ್ಟೆಂಬರ್ ಒಳಗಾಗಿ ಪೂರ್ಣಗೊಳ್ಳಲಿದೆ. ಅಲ್ಲಿ ಪ್ರಾಧಿಕಾರ ರಚನೆಯಾಗಲಿದ್ದು, ಬಜೆಟ್ ಜಾರಿ ಸೇರಿದಂತೆ ಅಧಿಕಾರಿಗಳನ್ನು ನೇಮಿಸಲಾಗಿದೆ.
ಬೆಂಗಳೂರು ನಗರದ ಭವಿಷ್ಯದ ಕುರಿತು ಸರ್ಕಾರ ಪ್ಲಾನ್ ಆಫ್‌ ಆ್ಯಕ್ಷನ್ ರೂಪಿಸಿದ್ದು, ರಸ್ತೆ ಅಗಲೀಕರಣ, ರಾಜಕಾಲುವೆ ಪಕ್ಕದ ರಸ್ತೆ ನಿರ್ಮಾಣ, ನೀರಿನ ಸಮಸ್ಯೆಗೆ ತಾತ್ಕಾಲಿಕ ಹಾಗೂ ಶಾಶ್ವತ ಪರಿಹಾರಗಳ ನಿರ್ಧಾರಗಳನ್ನು ತೆಗೆದುಕೊಳ್ಳಲಾಗಿದೆ.
Towing Resumes in Bengaluru, E-Khata and Street Vendor Reforms
