Baja Chetak Vs TVS iQube: ಯಾವ ಎಲೆಕ್ಟ್ರಿಕ್ ಸ್ಕೂಟರ್ ಬೆಸ್ಟ್? ಇಲ್ಲಿದೆ ಮೈಲೇಜ್, ರೇಂಜ್ ಹೋಲಿಕೆ
Baja Chetak Vs TVS iQube: ದಿನನಿತ್ಯ ಪ್ರಯಾಣಕ್ಕೆ ಯಾವ ಎಲೆಕ್ಟ್ರಿಕ್ ಸ್ಕೂಟರ್ ಒಳ್ಳೆಯದು ಎಂಬ ಪ್ರಶ್ನೆಗೆ ಉತ್ತರ ಹುಡುಕುತ್ತಿರುವವರಿಗೆ ಬಜಾಜ್ ಚೇತಕ್ ಮತ್ತು ಟಿವಿಎಸ್ ಐಕ್ಯೂಬ್ ನಡುವಿನ ಪ್ರಮುಖ ವೈಶಿಷ್ಟ್ಯಗಳ ಹೋಲಿಕೆ ಇಲ್ಲಿದೆ.
Baja Chetak Vs TVS iQube: ನಗರಗಳಲ್ಲಿ ಎಲೆಕ್ಟ್ರಿಕ್ ಸ್ಕೂಟರ್‌ಗಳ ಬಳಕೆ ಹೆಚ್ಚುತ್ತಿರುವಂತೆಯೇ, ತಯಾರಕರು ಹೊಸ ಫೀಚರ್‌ಗಳು ಹಾಗೂ ಆಕರ್ಷಕ ಬೆಲೆಗಳಲ್ಲಿ ವಾಹನಗಳನ್ನು ಪರಿಚಯಿಸುತ್ತಿದ್ದಾರೆ.
ಈ ಪೈಕಿ ಬಜಾಜ್ ಚೇತಕ್ 3001 ಮತ್ತು ಟಿವಿಎಸ್ ಐಕ್ಯೂಬ್ 2.2 kWh ಮಾದರಿಗಳು ಪ್ರಸ್ತುತ ಮಾರುಕಟ್ಟೆಯಲ್ಲಿ ಹೆಚ್ಚಿನ ಬೇಡಿಕೆ ಪಡೆದಿವೆ. ಸ್ಟೈಲಿಷ್ ಡಿಸೈನ್, ಡಿಜಿಟಲ್ ಫೀಚರ್‌ಗಳು ಮತ್ತು ವಿಶ್ವಾಸಾರ್ಹ ಬ್ಯಾಟರಿ ಸಾಮರ್ಥ್ಯದೊಂದಿಗೆ ಎರಡೂ ಸ್ಕೂಟರ್‌ಗಳು (Electric Scooter) ಗ್ರಾಹಕರನ್ನು ಸೆಳೆಯುತ್ತಿವೆ.
ಬ್ಯಾಟರಿ ಸಾಮರ್ಥ್ಯವನ್ನು ಹೋಲಿಸಿದರೆ ಚೇತಕ್ 3001 ನಲ್ಲಿ 3.2 kWh ಪ್ಯಾಕ್ ನೀಡಲಾಗಿದ್ದು, ಐಕ್ಯೂಬ್‌ನಲ್ಲಿ 2.2 kWh ಬ್ಯಾಟರಿ ಲಭ್ಯವಿದೆ. ಈ ಕಾರಣಕ್ಕೆ ದೀರ್ಘ ಪ್ರಯಾಣಕ್ಕೆ ಚೇತಕ್ ಉತ್ತಮ ಆಯ್ಕೆಯಾಗಿದೆ. ಫಾಸ್ಟ್ ಚಾರ್ಜಿಂಗ್‌ಗೂ ಸಪೋರ್ಟ್ ಇದ್ದು 3.5 ಗಂಟೆಗಳಲ್ಲಿ ಫುಲ್ ಚಾರ್ಜ್ ಆಗುತ್ತದೆ. ಅದೇ ವೇಳೆ ಐಕ್ಯೂಬ್ 2.5 ಗಂಟೆಗಳಲ್ಲಿ ಪೂರ್ಣ ಚಾರ್ಜ್ ಆಗುವ ಸಾಮರ್ಥ್ಯ ಹೊಂದಿದೆ.
ಇದನ್ನೂ ಓದಿ: ಭಾರತದ ಟಾಪ್ 5 ಫ್ಯಾಮಿಲಿ ಸ್ಕೂಟರ್‌ಗಳು ಇವು! ಬಜೆಟ್ ಸೆಗ್ಮೆಂಟ್‌ನಲ್ಲಿ ಖರೀದಿಗೆ ಬೆಸ್ಟ್ ಆಯ್ಕೆ
ರೇಂಜ್ ವಿಷಯದಲ್ಲೂ ಚೇತಕ್ ಮುನ್ನಡೆ ಸಾಧಿಸಿದೆ. ಒಮ್ಮೆ ಚಾರ್ಜ್ ಮಾಡಿದರೆ ಸುಮಾರು 127 ಕಿಮೀ ಓಡಿಸಬಹುದು. ನಗರ ಬಳಕೆಗೆ ಸೂಕ್ತವಾಗಿರುವ ಐಕ್ಯೂಬ್ 100 ಕಿಮೀ ರೇಂಜ್ ನೀಡುತ್ತದೆ. ಆದರೆ ಪಿಕಪ್ ವಿಚಾರದಲ್ಲಿ ಐಕ್ಯೂಬ್ ಚೇತಕ್ ಅನ್ನು ಮೀರಿ 33 Nm ಟಾರ್ಕ್ ನೀಡುತ್ತದೆ. ಚೇತಕ್ 20 Nm ಟಾರ್ಕ್ ಮಾತ್ರ ಉತ್ಪಾದಿಸುತ್ತದೆ.
ಡಿಸೈನ್ ಕಡೆ ನೋಡಿದರೆ, ಚೇತಕ್ ತನ್ನ ನಿಯೋ-ರೆಟ್ರೋ ಲುಕ್ ಮತ್ತು ಮೆಟಲ್ ಬಾಡಿ ಮೂಲಕ ಕ್ಲಾಸಿಕ್ ಲುಕ್ ನೀಡುತ್ತದೆ. ಮತ್ತೊಂದೆಡೆ, ಟಿವಿಎಸ್ ಐಕ್ಯೂಬ್ ಮಾರುಕಟ್ಟೆಗೆ ಹೆಚ್ಚು ಆಧುನಿಕ, ಕಾನ್ಟೆಂಪರರಿ ಡಿಸೈನ್‌ನಲ್ಲಿ ಬರುತ್ತದೆ.
ಫೀಚರ್‌ಗಳಲ್ಲೂ ಎರಡೂ ಸ್ಕೂಟರ್‌ಗಳು ಗ್ರಾಹಕರಿಗೆ ಸಮಾನ ಅನುಭವವನ್ನು ನೀಡುತ್ತವೆ. 5 ಇಂಚಿನ TFT ಡಿಸ್‌ಪ್ಲೇ ಚೇತಕ್ ನಲ್ಲಿ ಲಭ್ಯವಾಗಿದ್ದು, ಐಕ್ಯೂಬ್ 5 ಅಥವಾ 7 ಇಂಚಿನ ಸ್ಕ್ರೀನ್‌ ಅನ್ನು ನೀಡುತ್ತದೆ. ಬ್ಲೂಟೂತ್ ಕನೆಕ್ಟಿವಿಟಿ, ಅಂಡರ್‌ಸೀಟ್ ಸ್ಟೋರೇಜ್ ಎರಡರಲ್ಲೂ ಇದೆ.
ಇದನ್ನೂ ಓದಿ: ಹೊಸ ಕಾರು ಖರೀದಿಸುವವರಿಗೆ ಭಾರೀ ಡಿಸ್ಕೌಂಟ್! ಬರೋಬ್ಬರಿ 4 ಲಕ್ಷದವರೆಗೆ ಆಫರ್!
ಬೆಲೆ ವಿಚಾರದಲ್ಲಿ ಟಿವಿಎಸ್ ಐಕ್ಯೂಬ್ ಸ್ವಲ್ಪ ಅಗ್ಗ. 94,434 ರೂ. ಆರಂಭಿಕ ಬೆಲೆ ಹೊಂದಿರುವ ಐಕ್ಯೂಬ್, 5.3 kWh ಟಾಪ್ ಮಾದರಿಯಲ್ಲಿ 1.62 ಲಕ್ಷ ರೂ. ವರೆಗೆ ವೈವಿಧ್ಯತೆ ಹೊಂದಿದೆ. ಚೇತಕ್ ಗೆ 99,990 ರೂ. ಆರಂಭಿಕ ಬೆಲೆ ನಿಗದಿಯಾಗಿದೆ ಮತ್ತು ಪ್ರೀಮಿಯಂ ವೇರಿಯೆಂಟ್ ಗಳು 1.34 ಲಕ್ಷ ರೂ.ದಿಂದ ಪ್ರಾರಂಭವಾಗುತ್ತವೆ.
ದಿನನಿತ್ಯ ಪ್ರಯಾಣ ಜಾಸ್ತಿ ಮಾಡುವವರು, ಲಾಂಗ್ ರೇಂಜ್ ಹುಡುಕುವವರು ಬಜಾಜ್ ಚೇತಕ್ ಆಯ್ಕೆ ಮಾಡಬಹುದು. ನಗರ ಮಿತಿಯಲ್ಲಿನ ಪ್ರಯಾಣಗಳಿಗೆ, ಉತ್ತಮ ಪಿಕಪ್ ಬೇಕಾದವರಿಗೆ ಟಿವಿಎಸ್ ಐಕ್ಯೂಬ್ ಒಳ್ಳೆಯ ಆಯ್ಕೆ ಆಗಲಿದೆ.
Bajaj Chetak vs TVS iQube, Which EV Scooter to Buy?
