ಸಿಬಿಲ್ ಸ್ಕೋರ್ 700 ದಾಟಿದರೆ ಏನೆಲ್ಲಾ ಪ್ರಯೋಜನ ಇದೆ ಗೊತ್ತಾ? ಬ್ಯಾಂಕ್‌ಗಳಿಂದ ವಿಶೇಷ ಸೌಲಭ್ಯ

CIBIL Score: ಇಂದಿನ ಬ್ಯಾಂಕಿಂಗ್ ಜಗತ್ತಿನಲ್ಲಿ ಸಿಬಿಲ್ ಸ್ಕೋರ್ (CIBIL Score) ಎಂಬುದು ಹಣಕಾಸಿನ ನಂಬಿಕೆ ಅಳೆಯುವ ಪ್ರಮುಖ ಅಂಶವಾಗಿದೆ. ಯಾರಾದರೂ ಸಾಲ ಅಥವಾ ಕ್ರೆಡಿಟ್ ಕಾರ್ಡ್ (Credit Card) ಪಡೆಯಲು ಬಯಸಿದರೆ, ಬ್ಯಾಂಕ್ ಮೊದಲು ಅವರ ಕ್ರೆಡಿಟ್ ಇತಿಹಾಸ ಮತ್ತು ಸಿಬಿಲ್ ಸ್ಕೋರ್ ಪರಿಶೀಲಿಸುತ್ತದೆ.

700 ಕ್ಕಿಂತ ಅಧಿಕ ಸ್ಕೋರ್ ಇರುವವರು ಆರ್ಥಿಕವಾಗಿ ನಂಬಿಕೆಗೆ ಪಾತ್ರರು ಎಂದು ಬ್ಯಾಂಕ್‌ಗಳು ಪರಿಗಣಿಸುತ್ತವೆ. ಅಂಥವರು ಸಾಲ (Loan) ಪಡೆಯುವಾಗ ಹೆಚ್ಚು ವೇಗವಾಗಿ ಅನುಮೋದನೆ ಪಡೆಯುತ್ತಾರೆ ಮತ್ತು ಕಡಿಮೆ ಬಡ್ಡಿದರದ ಸೌಲಭ್ಯವನ್ನೂ ಪಡೆಯುತ್ತಾರೆ.

ಒಳ್ಳೆಯ ಸ್ಕೋರ್‌ನ ಪ್ರಮುಖ ಲಾಭವೆಂದರೆ ಕಡಿಮೆ ಪರಿಶೀಲನಾ ಪ್ರಕ್ರಿಯೆ. ಸ್ಕೋರ್ ಉತ್ತಮವಾಗಿದ್ದರೆ ಕಡಿಮೆ ದಾಖಲೆಗಳಲ್ಲೇ ಸಾಲ ಅನುಮೋದನೆ ಆಗುತ್ತದೆ. ಆದರೆ ಸ್ಕೋರ್ ಕಡಿಮೆ ಇದ್ದರೆ ಬ್ಯಾಂಕ್‌ಗಳು ಹೆಚ್ಚುವರಿ ದಾಖಲೆಗಳನ್ನು ಕೇಳಿ, ಪ್ರಕ್ರಿಯೆ ನಿಧಾನಗೊಳಿಸುತ್ತವೆ.

700 ಪಾಯಿಂಟ್‌ಗಳಿಗಿಂತ ಹೆಚ್ಚು ಸ್ಕೋರ್ ಇದ್ದವರಿಗೆ ಕೆಲವು ಬ್ಯಾಂಕ್‌ಗಳು ಕಡಿಮೆ ಬಡ್ಡಿದರದ ಸಾಲ ನೀಡುವ ಸಾಧ್ಯತೆ ಇದೆ. ಸ್ಕೋರ್ ಸ್ಥಿರವಾಗಿ 700 ಮೇಲು ಇರಿಸಿದರೆ, ದೀರ್ಘಕಾಲಿಕ ಆರ್ಥಿಕ ವಿಶ್ವಾಸ ಮೂಡುತ್ತದೆ.

ಅದೇ ರೀತಿ, ಈ ರೀತಿಯ ಉತ್ತಮ ಸ್ಕೋರ್ ಹೊಂದಿರುವವರಿಗೆ ಹೆಚ್ಚಿನ ಸಾಲ ಮೊತ್ತ ದೊರೆಯುತ್ತದೆ. ಉದಾಹರಣೆಗೆ, 650 ಪಾಯಿಂಟ್‌ ಸ್ಕೋರ್ ಇರುವವರಿಗೆ ದೊರೆಯುವ ಸಾಲಕ್ಕಿಂತ, 700 ಮೇಲು ಸ್ಕೋರ್ ಹೊಂದಿದವರಿಗೆ ದ್ವಿಗುಣ ಮೊತ್ತ ದೊರೆಯಬಹುದು. ಜೊತೆಗೆ, ಹಳೆಯ ಸಾಲಗಳಿಗೂ ರಿಫೈನಾನ್ಸ್ ಆಯ್ಕೆ ಕಡಿಮೆ ಬಡ್ಡಿದರದಲ್ಲಿ ಸಿಗುತ್ತದೆ.

ಇದಲ್ಲದೆ, ಪ್ರೀಮಿಯಂ ಕ್ರೆಡಿಟ್ ಕಾರ್ಡ್‌ಗಳು ಸಹ ಬ್ಯಾಂಕ್‌ಗಳು ನೀಡುತ್ತವೆ. ಇವುಗಳಲ್ಲಿ ಶಾಪಿಂಗ್ ಡಿಸ್ಕೌಂಟ್, ರಿವಾರ್ಡ್ ಪಾಯಿಂಟ್, ಏರ್ ಮೈಲೇಜ್ ಮತ್ತು ಇತರ ವಿಶೇಷ ಪ್ರಯೋಜನಗಳು ಸೇರಿರುತ್ತವೆ.

ಹೀಗಾಗಿ, ಸಿಬಿಲ್ ಸ್ಕೋರ್ 700 ಮೇಲು ಇರಿಸಲು ಪ್ರಯತ್ನಿಸುವುದು ನಿಮ್ಮ ಹಣಕಾಸಿನ ಭವಿಷ್ಯವನ್ನು ಭದ್ರಗೊಳಿಸುವ ಸ್ಮಾರ್ಟ್ ಹೆಜ್ಜೆ.

Benefits of Having a CIBIL Score Above 700