ಸತತ 4 ದಿನಗಳಿಂದ ಚಿನ್ನದ ಬೆಲೆ ಇಳಿಕೆ! 22 ಕ್ಯಾರೆಟ್ ಚಿನ್ನದ ದರ ಈಗ ಎಷ್ಟಾಗಿದೆ ಗೊತ್ತಾ?

• ನಾಲ್ಕು ದಿನಗಳಿಂದ ಚಿನ್ನದ ದರ ಇಳಿಕೆಯಲ್ಲಿ
• ಬೆಂಗಳೂರಿನಲ್ಲಿ 22 ಕ್ಯಾರಟ್ ಚಿನ್ನದ ಬೆಲೆ ಕುಸಿತ
• ಬೆಳ್ಳಿ ದರದಲ್ಲೂ ಗಮನಾರ್ಹ ಕುಸಿತ ದಾಖಲೆ

ಬೆಂಗಳೂರು (Bengaluru): ಮದುವೆ ಸೀಸನ್ ಮತ್ತು ಹಬ್ಬಗಳ ನಡುವೆಯೇ ಚಿನ್ನ ಖರೀದಿಸಲು (Buy Gold) ಕಾಯುತ್ತಿದ್ದವರಿಗೆ ಈಗ ಸ್ವಲ್ಪ ನೆಮ್ಮದಿ ಸಿಕ್ಕಿದೆ. ಕಳೆದ ನಾಲ್ಕು ದಿನಗಳಿಂದ ಚಿನ್ನ ಮತ್ತು ಬೆಳ್ಳಿ ದರ ನಿರಂತರವಾಗಿ ಇಳಿಕೆಯಾಗುತ್ತಿದ್ದು, ಬೆಂಗಳೂರು ಸೇರಿದಂತೆ ದೇಶದ ಪ್ರಮುಖ ನಗರಗಳಲ್ಲಿ ಗೋಲ್ಡ್ ರೇಟ್ ಕಡಿಮೆಯಾಗಿದೆ.

ಜಾಗತಿಕ ರಾಜಕೀಯ ಬೆಳವಣಿಗೆಗಳು, ರೂಪಾಯಿ ಮೌಲ್ಯದ ಬದಲಾವಣೆ ಮತ್ತು ಹೂಡಿಕೆದಾರರ ಮನೋಭಾವದ ಪರಿಣಾಮ ಚಿನ್ನದ ಮಾರುಕಟ್ಟೆಯಲ್ಲಿ ಏರಿಳಿತ ಮುಂದುವರಿದಿದೆ. ಇತ್ತೀಚಿನ ಕೆಲವು ಬೆಳವಣಿಗೆಗಳ ಬಳಿಕ ಗೋಲ್ಡ್ ಷೇರುಗಳ ಮೇಲೂ ಪರಿಣಾಮ ಕಂಡುಬಂದಿದ್ದು, ಅದರ ಪ್ರಭಾವ ಬೆಲೆಯಲ್ಲೂ ಗೋಚರಿಸುತ್ತಿದೆ.

ದೇಶೀಯ ಮಾರುಕಟ್ಟೆಯಲ್ಲಿ 24 ಕ್ಯಾರಟ್ 10 ಗ್ರಾಂ ಚಿನ್ನದ ಬೆಲೆ ₹1,52,120ಕ್ಕೆ ಇಳಿದಿದೆ. 22 ಕ್ಯಾರಟ್ 10 ಗ್ರಾಂ ಚಿನ್ನದ ದರ ₹1,39,440 ಆಗಿದೆ. ಬೆಳ್ಳಿ ದರ ಕೂಡ ಕುಸಿತ ಕಂಡಿದ್ದು, ಒಂದು ಕೆಜಿ ಬೆಳ್ಳಿ ₹2,74,800ಕ್ಕೆ ವ್ಯಾಪಾರವಾಗುತ್ತಿದೆ.

ಬೆಂಗಳೂರು ನಗರದಲ್ಲಿ 24 ಕ್ಯಾರಟ್ ಚಿನ್ನದ ದರ ₹1,52,120 ಇದ್ದು, 22 ಕ್ಯಾರಟ್ ಚಿನ್ನ ₹1,39,440ಕ್ಕೆ ಲಭ್ಯವಾಗಿದೆ. ಚಿನ್ನದ ದರ ಇಳಿಕೆಯಿಂದ ನಗರದ ಜುವೆಲ್ಲರಿ ಮಾರುಕಟ್ಟೆಯಲ್ಲಿ ಗ್ರಾಹಕರ ಓಡಾಟ ಹೆಚ್ಚಾಗಿದೆ.

ಹೈದರಾಬಾದ್‌ನಲ್ಲಿ 24 ಕ್ಯಾರಟ್ ಚಿನ್ನ ₹1,52,120 ಮತ್ತು 22 ಕ್ಯಾರಟ್ ಚಿನ್ನ ₹1,39,640 ದರದಲ್ಲಿದೆ. ವಿಜಯವಾಡ ಮತ್ತು ವಿಶಾಖಪಟ್ಟಣದಲ್ಲಿ 24 ಕ್ಯಾರಟ್ ಚಿನ್ನ ₹1,52,120 ಇದ್ದು, 22 ಕ್ಯಾರಟ್ ಚಿನ್ನ ₹1,39,440ಕ್ಕೆ ಮಾರಾಟವಾಗುತ್ತಿದೆ.

ಮುಂಬೈ ಹಾಗೂ ಕೊಲ್ಕತ್ತಾದಲ್ಲಿ ಕೂಡ ಇದೇ ದರ ಮುಂದುವರಿದಿದೆ. ಚೆನ್ನೈನಲ್ಲಿ 24 ಕ್ಯಾರಟ್ ಚಿನ್ನ ₹1,53,810 ಹಾಗೂ 22 ಕ್ಯಾರಟ್ ಚಿನ್ನ ₹1,40,990ಕ್ಕೆ ತಲುಪಿದೆ. ದೆಹಲಿಯಲ್ಲಿ 24 ಕ್ಯಾರಟ್ ಚಿನ್ನ ₹1,52,270 ಮತ್ತು 22 ಕ್ಯಾರಟ್ ಚಿನ್ನ ₹1,39,590 ಆಗಿದೆ.

ಬೆಳ್ಳಿ ದರದ ವಿಚಾರದಲ್ಲಿ ಹೈದರಾಬಾದ್ ಮಾರುಕಟ್ಟೆಯಲ್ಲಿ ಒಂದು ಕೆಜಿ ಬೆಳ್ಳಿ ₹2,85,100ಕ್ಕೆ ಮಾರಾಟವಾಗುತ್ತಿದ್ದು, ದೇಶೀಯ ಮಾರುಕಟ್ಟೆಯಲ್ಲಿ ₹2,74,800 ದರ ದಾಖಲಾಗಿದೆ.