ಜಸ್ಟ್ ವಾಟ್ಸಪ್‌ನಲ್ಲಿ ಒಂದೇ ಮೆಸೇಜ್ ಸಾಕು! ಸೆಕೆಂಡುಗಳಲ್ಲಿ ಗ್ಯಾಸ್ ಬುಕಿಂಗ್ ಆಗುತ್ತೆ

• ವಾಟ್ಸಪ್ ಗ್ಯಾಸ್ ಬುಕ್ಕಿಂಗ್
• ಇಂಡೇನ್ ಗ್ಯಾಸ್ ಸೇವೆ
• ಗ್ಯಾಸ್ ಬುಕ್ಕಿಂಗ್ ಹೊಸ ವಿಧಾನ

Book Gas Cylinder: ದೇಶದಲ್ಲಿ ಗ್ಯಾಸ್ ಸಿಲಿಂಡರ್‌ಗಳ ಬೇಡಿಕೆ ಹೆಚ್ಚುತ್ತಿರುವ ಹಿನ್ನೆಲೆಯಲ್ಲಿ ಗ್ರಾಹಕರಿಗೆ ಹಲವು ಬುಕ್ಕಿಂಗ್ ವಿಧಾನಗಳನ್ನು ಕಂಪನಿಗಳು ನೀಡಿವೆ. ಈಗ ಮೊಬೈಲ್‌ನಲ್ಲಿ ವಾಟ್ಸಪ್ ಬಳಸಿ ಕೂಡ ಗ್ಯಾಸ್ ಸಿಲಿಂಡರ್ ಬುಕ್ ಮಾಡುವ ಅವಕಾಶ ಲಭ್ಯವಾಗಿದೆ.

ಹಿಂದೆ ಗ್ಯಾಸ್ ಬುಕ್ ಮಾಡಲು ಏಜೆನ್ಸಿಗೆ ಕರೆ ಮಾಡುವುದು, ಮಿಸ್ಡ್ ಕಾಲ್ ನೀಡುವುದು ಅಥವಾ ಮೊಬೈಲ್ ಆಪ್ ಬಳಸುವುದು ಅನಿವಾರ್ಯವಾಗಿತ್ತು. ಆದರೆ ಇದೀಗ ಕೇವಲ ಒಂದು ವಾಟ್ಸಪ್ ಮೆಸೇಜ್ ಕಳುಹಿಸಿದರೆ ಸಾಕು, ಕೆಲವೇ ಕ್ಷಣಗಳಲ್ಲಿ ಗ್ಯಾಸ್ ಬುಕ್ಕಿಂಗ್ ಪ್ರಕ್ರಿಯೆ ಪೂರ್ಣಗೊಳ್ಳುತ್ತದೆ.

ಇಂಡೇನ್ ಗ್ರಾಹಕರಿಗೆ ಸೌಲಭ್ಯ

ಇಂಡೇನ್ ಗ್ಯಾಸ್ ಬಳಕೆದಾರರಿಗೆ ಈ ಸೇವೆ ವಿಶೇಷವಾಗಿ ಲಭ್ಯವಿದೆ. ಡಿಸ್ಟ್ರಿಬ್ಯೂಟರ್‌ಗೆ ಕರೆ ಮಾಡುವ ಅಗತ್ಯವಿಲ್ಲದೆ, ಮನೆಯಲ್ಲೇ ಕುಳಿತು ವಾಟ್ಸಪ್ ಮೂಲಕ ಗ್ಯಾಸ್ ಸಿಲಿಂಡರ್ ರಿಫಿಲ್ ಬುಕ್ ಮಾಡಬಹುದು.

ಈ ವಿಧಾನ ಬಳಕೆದಾರರಿಗೆ ಸಮಯ ಉಳಿಸುವುದರ ಜೊತೆಗೆ ಸುಲಭ ಸೇವೆಯನ್ನೂ ಒದಗಿಸುತ್ತದೆ ಎಂದು ಕಂಪನಿ ತಿಳಿಸಿದೆ.

ವಾಟ್ಸಪ್‌ನಲ್ಲಿ ಗ್ಯಾಸ್ ಬುಕ್ ಮಾಡುವುದು ಹೇಗೆ?

ವಾಟ್ಸಪ್ ಮೂಲಕ ಗ್ಯಾಸ್ ಬುಕ್ ಮಾಡಲು ಈ ಕ್ರಮ ಅನುಸರಿಸಬಹುದು:

ಮೊದಲು ನಿಮ್ಮ ಮೊಬೈಲ್‌ನಲ್ಲಿ 7588888824 ಎಂಬ ಇಂಡೇನ್ ವಾಟ್ಸಪ್ ಬುಕ್ಕಿಂಗ್ ಸಂಖ್ಯೆಯನ್ನು ಸೇವ್ ಮಾಡಿಕೊಳ್ಳಿ.
ನಂತರ ವಾಟ್ಸಪ್ ತೆರೆದು ಆ ಸಂಖ್ಯೆಗೆ “REFILL” ಎಂದು ಮೆಸೇಜ್ ಕಳುಹಿಸಿ.
ಸಿಸ್ಟಮ್ ನಿಮ್ಮ ವಿವರಗಳನ್ನು ಪರಿಶೀಲಿಸಿ ಸ್ವಯಂಚಾಲಿತವಾಗಿ ಗ್ಯಾಸ್ ಬುಕ್ಕಿಂಗ್ ಪ್ರಕ್ರಿಯೆ ಆರಂಭಿಸುತ್ತದೆ.
ಬುಕ್ಕಿಂಗ್ ಪೂರ್ಣಗೊಂಡ ನಂತರ ಕನ್ಫರ್ಮೇಶನ್ ಸಂದೇಶ ನಿಮಗೆ ಬರುತ್ತದೆ.

ಈ ಪ್ರಕ್ರಿಯೆ ಕೆಲವೇ ಸೆಕೆಂಡುಗಳಲ್ಲಿ ಪೂರ್ಣಗೊಳ್ಳುತ್ತದೆ.

ಸೇವೆ ಬಳಸಲು ಅಗತ್ಯವಿರುವುದು

ವಾಟ್ಸಪ್ ಮೂಲಕ ಗ್ಯಾಸ್ ಬುಕ್ ಮಾಡಲು ನಿಮ್ಮ ಮೊಬೈಲ್ ಸಂಖ್ಯೆ ಗ್ಯಾಸ್ ಕನೆಕ್ಷನ್ ಜೊತೆ ನೋಂದಾಯಿತವಾಗಿರಬೇಕು. ಸಂಖ್ಯೆ ನೋಂದಾಯಿತವಾಗಿಲ್ಲದಿದ್ದರೆ ಮೊದಲು ನಿಮ್ಮ ಗ್ಯಾಸ್ ಏಜೆನ್ಸಿಯಲ್ಲಿ ಅದನ್ನು ಅಪ್ಡೇಟ್ ಮಾಡಿಸಬೇಕು.

ಈ ವಿಧಾನದಿಂದ ಬಳಕೆದಾರರು ಯಾವಾಗ ಬೇಕಾದರೂ ಮನೆಯಲ್ಲೇ ಕುಳಿತು ಸುಲಭವಾಗಿ ಗ್ಯಾಸ್ ಬುಕ್ಕಿಂಗ್ ಮಾಡಬಹುದು.