ಯಾರ್ ಬೇಕಾದ್ರೂ ಹೆಲಿಕಾಪ್ಟರ್ ಖರೀದಿ ಮಾಡಬಹುದಾ? ಹಾಗಾದ್ರೆ ಬೆಲೆ ಎಷ್ಟು

• ಹೆಲಿಕಾಪ್ಟರ್ ಯಾರು ಬೇಕಾದರೂ ಖರೀದಿ ಮಾಡಬಹುದು
• ಆದರೆ ಅನುಮತಿಯಿಲ್ಲದೆ ಸಾಧ್ಯವಿಲ್ಲ
• ನಿರ್ವಹಣೆ ವೆಚ್ಚ – ವರ್ಷಕ್ಕೆ ಕೋಟಿ ರೂ. ವರೆಗೂ!

Buy a Helicopter : ಒಂದು ಹೆಲಿಕಾಪ್ಟರ್ ಹೊಂದುವ ಕನಸು ಕೆಲವರಿಗೆ ಅತಿರೇಕವಾಗಿ ಕಾಣಿಸಬಹುದಾದರೂ, ಇತ್ತೀಚಿನ ದಿನಗಳಲ್ಲಿ ಈ ಕನಸು ಸಾಕಾರಗೊಳ್ಳುತ್ತಿರುವವರ ಸಂಖ್ಯೆ ಇಳಿಯುತ್ತಿಲ್ಲ. ಬಹುತೇಕ ಸಿನಿತಾರಗಳು, ರಾಜಕಾರಣಿಗಳು, ಉದ್ಯಮಿಗಳು ಈಗಾಗಲೇ ತಮ್ಮ ಖಾಸಗಿ (private) ಹೆಲಿಕಾಪ್ಟರ್‌ಗಳಲ್ಲಿ ಪ್ರಯಾಣ ಮಾಡುತ್ತಿದ್ದಾರೆ.

ಆದರೆ ಒಂದು ಸಾಮಾನ್ಯ ನಾಗರಿಕನಿಗೆ ಇದು ಸಾಧ್ಯವೇ ಎಂಬುದರ ಬಗ್ಗೆ ಬಹುತೇಕ ಜನರು ಗೊತ್ತಿಲ್ಲದಿರಬಹುದು.

ಹೆಲಿಕಾಪ್ಟರ್ ಖರೀದಿಗೆ ಸರಿ ಸುಮಾರು ₹15 ಕೋಟಿಯಿಂದ ಆರಂಭವಾಗಿ ₹40 ಕೋಟಿ ಮೇಲ್ಪಟ್ಟ ಬೆಲೆ ಬರುವಂತಹ ಬೆಲ್ಲ್ (Bell 505), ಏರ್‌ಬಸ್ (Airbus H145), ಅಗಸ್ಟಾ ವೆಸ್ಟ್‌ಲ್ಯಾಂಡ್ (AgustaWestland) ಮುಂತಾದ ಮಾದರಿಗಳು ಮಾರುಕಟ್ಟೆಯಲ್ಲಿ ಲಭ್ಯವಿವೆ. ಹೀಗೇ, 4 ಸೀಟರ್ ನಿಂದ VIP ಎಡಿಷನ್‌ಗಳವರೆಗೆ ಆಯ್ಕೆ ಸಿಗುತ್ತದೆ.

ಇದನ್ನೂ ಓದಿ: ಚಿನ್ನದ ಬೆಲೆ ಏಕ್‌ದಮ್ ₹6,000 ಇಳಿಕೆ! ಬೆಂಗಳೂರು ಮಳಿಗೆಗಳು ಫುಲ್ ರಶ್

ಹೆಲಿಕಾಪ್ಟರ್ ನಿರ್ವಹಣೆ ಸಾಧಾರಣ ಬಂಡವಾಳವಲ್ಲ. ಒಂದು ಗಂಟೆ ಹಾರಾಟಕ್ಕೆ 200-300 ಲೀಟರ್ ಇಂಧನ ಬೇಕಾಗುತ್ತದೆ. ವರ್ಷಕ್ಕೆ ₹1 ರಿಂದ ₹2 ಕೋಟಿ ತನಕ ನಿರ್ವಹಣಾ ವೆಚ್ಚ ಬರುತ್ತದೆ. ಇದರೊಳಗೆ ಫ್ಯೂಯೆಲ್ (fuel), ಪೈಲಟ್ ಸಂಬಳ, ಹ್ಯಾಂಗರ್ ಬಾಡಿಗೆ (hangar rent), ಇಂಜಿನ್ ಸರ್ವಿಸ್, ಡಿಜೆಸಿಎ ಲೈಸೆನ್ಸ್ (DGCA licence) ಮೊದಲಾದವು ಸೇರಿವೆ.

ಹೆಲಿಕಾಪ್ಟರ್ ಓಡಿಸಲು ನೀವು ಖಾಸಗಿ ಪೈಲಟ್ (commercial pilot) ಲೈಸೆನ್ಸ್ ಹೊಂದಿದ್ದರೆ ಸಾಕು, ಆದರೆ ಇದನ್ನು ಪಡೆಯಲು ಕನಿಷ್ಠ 150 ಗಂಟೆಗಳ ತರಬೇತಿ ಅಗತ್ಯವಿದ್ದು, ಇದರ ವೆಚ್ಚ ₹30 ಲಕ್ಷದವರೆಗೆ ಏರುತ್ತದೆ. ಅಥವಾ ಮಾಸಿಕ ₹2 ರಿಂದ ₹5 ಲಕ್ಷದವರೆಗೆ ಸಂಬಳದ ಪೈಲಟ್ ಅನ್ನು ನೇಮಕ ಮಾಡಬಹುದು.

ಇದನ್ನೂ ಓದಿ: ಈ 3 ತಳಿಯ ಮೇಕೆ ಸಾಕಾಣಿಕೆ ಮಾಡಿದ್ರೆ ಬಂಪರ್ ಲಾಭ! ನಷ್ಟದ ಮಾತೇ ಇಲ್ಲ

ಇದಲ್ಲದೆ, ಹೆಲಿಕಾಪ್ಟರ್‌ಗೆ ವಿಮೆ (Insurance) ಮಾಡುವುದು ಕಡ್ಡಾಯ. ವಾರ್ಷಿಕ ಪ್ರೀಮಿಯಂ ₹10 ಲಕ್ಷದಿಂದ ₹50 ಲಕ್ಷವರೆಗೆ ಬರುವ ಸಾಧ್ಯತೆ ಇದೆ. ಹೀಗೇ, ಖರೀದಿಯ ಸಮಯದಲ್ಲಿ 18% ಜಿಎಸ್‌ಟಿ (GST) ಕೂಡ ವಿಧಿಸಲಾಗುತ್ತದೆ. ₹20 ಕೋಟಿ ಬೆಲೆಯ ಹೆಲಿಕಾಪ್ಟರ್‌ಗೆ ₹3.6 ಕೋಟಿ ಪೂರಕ ತೆರಿಗೆ ಆಗುತ್ತದೆ.

ಇದನ್ನೂ ಓದಿ: ಹಸು ಸಾಕಾಣಿಕೆಯಲ್ಲಿ ಒನ್ ಟು ಡಬಲ್ ಆದಾಯಕ್ಕೆ ಇಲ್ಲಿದೆ ಸರಳ ಸೂತ್ರಗಳು!

ಹೆಲಿಕಾಪ್ಟರ್ ಖರೀದಿಗೆ ಮುಂದಾಗುವ ಮೊದಲು ಎಲ್ಲ ನಿಯಮ, ಅನುಮತಿ ಹಾಗೂ ದೀರ್ಘಕಾಲೀನ ನಿರ್ವಹಣಾ ಲೆಕ್ಕಾಚಾರಗಳನ್ನು ಸರಿಯಾಗಿ ವಿಶ್ಲೇಷಿಸಬೇಕು. ಸಿವಿಲ್ ಏವಿಯೇಷನ್ ಸಚಿವಾಲಯ ಹಾಗೂ ಡಿಜೆಸಿಎ ನಿಯಮಾವಳಿಗಳನ್ನು ತಪ್ಪದೆ ಪಾಲನೆ ಮಾಡಬೇಕು.

ಹೆಲಿಕಾಪ್ಟರ್ ಖರೀದಿಸಲು ಯಾರಿಗೂ ನಿರ್ಬಂಧವಿಲ್ಲ. ಆದರೆ ಪಟ್ಟಿ ಮಾಡಿದ ಎಲ್ಲಾ ಅಂಶಗಳನ್ನು ಗಮನದಲ್ಲಿಟ್ಟುಕೊಂಡರೆ, ಇದು ಕೇವಲ ದುಬಾರಿ ಖರೀದೆ ಅಷ್ಟೇ ಅಲ್ಲದೆ, ನಿತ್ಯ ನಿರ್ವಹಣೆಯ ಹೊಣೆಗಾರಿಕೆಯೂ ಹೌದು.

Can You Buy a Helicopter in India