Best Cars: ಬೆಲೆ ಕೇವಲ 3.50 ಲಕ್ಷದಿಂದ ಆರಂಭ! ಭಾರತದಲ್ಲಿ ಇವೇ ಅಗ್ಗದ ಹೊಸ ಕಾರುಗಳು
Affordable Cars : ಹೊಸ ಜಿಎಸ್‌ಟಿ ದರ ಬದಲಾವಣೆಯ ಬಳಿಕ ಕಾರುಗಳ ಬೆಲೆಗಳು ಕುಸಿದಿವೆ. ಈಗ ಭಾರತದಲ್ಲಿ ಅಗ್ಗದ ಕಾರುಗಳ ಪಟ್ಟಿಯು ಬದಲಾಗಿದೆ. ಕೇವಲ ₹3.50 ಲಕ್ಷದಿಂದ ಆರಂಭ, ಬಜೆಟ್ ಗ್ರಾಹಕರ ಮೆಚ್ಚುಗೆ..
Best Cars: ಭಾರತದಲ್ಲಿ ಹೊಸ ಜಿಎಸ್‌ಟಿ ಜಾರಿಗೆ ಬಂದ ನಂತರ ಕಾರುಗಳ ಬೆಲೆಗಳಲ್ಲಿ ಗಮನಾರ್ಹ ಇಳಿಕೆ ಕಂಡುಬಂದಿದೆ. ಬದಲಾದ ತೆರಿಗೆ ರಚನೆಯ ಪರಿಣಾಮವಾಗಿ ಅಗ್ಗದ ಕಾರುಗಳ ಪಟ್ಟಿ ಸಂಪೂರ್ಣವಾಗಿ ಬದಲಾಗಿದೆ.
ಹಿಂದೆ ಅಗ್ಗದ ಕಾರು ಎಂದು ಗುರುತಿಸಲ್ಪಟ್ಟಿದ್ದ ಮಾರತಿ ಆಲ್ಟೋ K10 ಇದೀಗ ಎರಡನೇ ಸ್ಥಾನಕ್ಕಿಳಿದಿದ್ದು, ಹೊಸ ಅಗ್ಗದ ಕಿರೀಟವನ್ನು ಮಾರತಿ ಎಸ್-ಪ್ರೆಸ್ಸೋ ಪಡೆದುಕೊಂಡಿದೆ.
ಮಾರತಿ ಎಸ್-ಪ್ರೆಸ್ಸೋ ಈಗ ದೇಶದ ಅತ್ಯಂತ ಅಗ್ಗದ ಕಾರಾಗಿದ್ದು, ಇದರ ಪ್ರಾರಂಭಿಕ ಬೆಲೆ ₹3.49 ಲಕ್ಷಕ್ಕೆ ಇಳಿಕೆಯಾಗಿದೆ. ಹಿಂದಿನ ₹4.26 ಲಕ್ಷದ ಬೆಲೆಯೊಂದಿಗೆ ಹೋಲಿಸಿದರೆ ಸುಮಾರು ₹76,600 ಕಡಿಮೆಯಾಗಿದೆ. 18% ರಷ್ಟು ಬೆಲೆ ಇಳಿಕೆಯು ಬಜೆಟ್ ಕಾರು ಹುಡುಕುವ ಗ್ರಾಹಕರಿಗೆ ಸಂತೋಷ ತಂದಿದೆ.
ಇದನ್ನೂ ಓದಿ: ಸದ್ದು ಮಾಡುತ್ತಿದೆ ಹೊಸ ಸ್ಟೈಲಿಶ್ ಎಲೆಕ್ಟ್ರಿಕ್ ಬೈಕ್! 30 ಸಾವಿರ ಭರ್ಜರಿ ರಿಯಾಯಿತಿ
ಇದೇ ವೇಳೆ ಮಾರತಿ ಆಲ್ಟೋ K10 ಒಂದು ಕಾಲದಲ್ಲಿ ದೇಶದ ಅಗ್ಗದ ಕಾರು ಎಂಬ ಖ್ಯಾತಿಯನ್ನು ಹೊಂದಿತ್ತು. ಈಗ ಇದರ STD(O) ಮಾದರಿಯ ಬೆಲೆ ₹3.69 ಲಕ್ಷದಿಂದ ಆರಂಭವಾಗುತ್ತಿದ್ದು, ಗ್ರಾಹಕರು ಸುಮಾರು ₹53,100 ಉಳಿತಾಯ ಪಡೆಯುತ್ತಿದ್ದಾರೆ. ಕಡಿಮೆ ಬೆಲೆಯ ಜೊತೆಗೆ ವಿಶ್ವಾಸಾರ್ಹ ಕಾರ್ಯಕ್ಷಮತೆಯಿಂದ ಈ ಕಾರು ಇನ್ನೂ ಜನಪ್ರಿಯವಾಗಿದೆ.
ರೆನಾಲ್ಟ್ ಕ್ವಿಡ್ ಇದೀಗ ಮೂರನೇ ಅಗ್ಗದ ಕಾರಾಗಿದ್ದು, ಇದರ RXE ವೇರಿಯಂಟ್ ಬೆಲೆ ₹4.69 ಲಕ್ಷದಿಂದ ₹4.29 ಲಕ್ಷಕ್ಕೆ ಇಳಿಕೆಯಾಗಿದೆ. SUV ಶೈಲಿಯ ವಿನ್ಯಾಸ ಮತ್ತು ಬಜೆಟ್ ಫ್ರೆಂಡ್ಲಿ ಬೆಲೆಯಿಂದ ಇದು ಪ್ರಾರಂಭಿಕ ಕಾರು ಖರೀದಿದಾರರಿಗೆ ಉತ್ತಮ ಆಯ್ಕೆಯಾಗಿದೆ.
ಇದನ್ನೂ ಓದಿ: Pension: ದಿನಕ್ಕೆ ಕೇವಲ 7 ರೂಪಾಯಿ ಉಳಿತಾಯ ಮಾಡಿದ್ರೆ ಮಾಸಿಕ 5,000 ಪಿಂಚಣಿ ಸಿಗುತ್ತೆ
ಟಾಟಾ ಟಿಯಾಗೋ ದೇಶದ ನಾಲ್ಕನೇ ಅಗ್ಗದ ಕಾರು. ಹಿಂದಿನ XE ವೇರಿಯಂಟ್ ಬೆಲೆ ₹4.99 ಲಕ್ಷ ಇದ್ದು, ಈಗ ₹4.57 ಲಕ್ಷಕ್ಕೆ ಇಳಿಕೆಯಾಗಿದೆ. ಸುಮಾರು ₹42,500 ಉಳಿತಾಯ ಸಾಧ್ಯವಾಗಿದ್ದು, ಅದರ ಬಲವಾದ ನಿರ್ಮಾಣ ಗುಣಮಟ್ಟ ಮತ್ತು ಆಕರ್ಷಕ ವಿನ್ಯಾಸದಿಂದ ಟಿಯಾಗೋ ಉತ್ತಮ ಮೌಲ್ಯ ನೀಡುತ್ತದೆ.
ಇದಲ್ಲದೆ ಮಾರತಿ ಸೆಲೆರಿಯೋ ಕೂಡ ಅಗ್ಗದ ಕಾರುಗಳ ಪಟ್ಟಿಗೆ ಸೇರಿದೆ. ಹಿಂದಿನ ₹5.64 ಲಕ್ಷ ಬೆಲೆ ಈಗ ₹4.69 ಲಕ್ಷಕ್ಕೆ ಇಳಿಕೆಯಾಗಿದೆ. ಇದು ಸುಮಾರು ₹94,100 ಉಳಿತಾಯವನ್ನು ಸೂಚಿಸುತ್ತದೆ, ಗ್ರಾಹಕರಿಗೆ ಹೊಸದಾಗಿ ಅಗ್ಗದ ಆಯ್ಕೆಯನ್ನು ನೀಡುತ್ತದೆ.
Cheapest Cars in India, Starts from 3.50 Lakh
