ನಾಟಿ ಕೋಳಿ ಸಾಕಾಣಿಕೆ! ಕಡಿಮೆ ಹೂಡಿಕೆಯೊಂದಿಗೆ ಅಧಿಕ ಲಾಭ, ಇಲ್ಲಿದೆ ಡೀಟೇಲ್ಸ್

Desi Chicken Farming: ಹೆಚ್ಚು ಬಂಡವಾಳದ ಅವಶ್ಯಕತೆ ಇಲ್ಲದೆ ಉತ್ತಮ ಆದಾಯವನ್ನು ನೀಡಬಲ್ಲ ವ್ಯವಹಾರವೆಂದರೆ (Business Idea) ನಾಟಿ ಕೋಳಿ ಸಾಕಾಣಿಕೆ. ಇಂದಿನ ಮಾರುಕಟ್ಟೆಯಲ್ಲಿ ನಾಟಿ ಕೋಳಿ ಮಾಂಸ ಹಾಗೂ ಮೊಟ್ಟೆಗೆ ಹೆಚ್ಚಿನ ಬೇಡಿಕೆ ಇದೆ.

ಬ್ರಾಯ್ಲರ್ ಕೋಳಿಗಳಿಗಿಂತ ಹೆಚ್ಚು ಆರೋಗ್ಯಕರವಾಗಿದ್ದು, ರುಚಿಯಲ್ಲೂ ವಿಶಿಷ್ಟವಾಗಿರುವುದರಿಂದ ಜನರು ಇದಕ್ಕೆ ಹೆಚ್ಚು ಆದ್ಯತೆ ಕೊಡುತ್ತಾರೆ.

ನಾಟಿ ಕೋಳಿ ಸಾಕಾಣಿಕೆಗೆ 3 ರಿಂದ 4 ಲಕ್ಷ ರೂಪಾಯಿ ಹೂಡಿಕೆ ಮಾಡಿದರೆ ಸಾಕು. ಸ್ವಲ್ಪ ಜಾಗ ಅಥವಾ ಶೆಡ್ ಇದ್ದರೆ ಸುಲಭವಾಗಿ ಸಾಕಣೆ ಪ್ರಾರಂಭಿಸಬಹುದು.

ಮಾರುಕಟ್ಟೆಯಲ್ಲಿ ಒಂದು ನಾಟಿ ಕೋಳಿಯ ಬೆಲೆ ₹700ರಿಂದ ₹1000ರವರೆಗೆ ಇದೆ. ತಿಂಗಳಿಗೆ ನೂರು ಕೋಳಿಗಳನ್ನು ಮಾರಾಟ ಮಾಡಿದರೆ ಒಂದು ಲಕ್ಷ ರೂಪಾಯಿವರೆಗೆ ಲಾಭ ಕಾಣಬಹುದು.

ಆದರೆ ನಾಟಿ ಕೋಳಿಗಳು ಬೆಳೆದು ದೊಡ್ಡದಾಗಲು ಆರು ತಿಂಗಳಿಗಿಂತ ಹೆಚ್ಚು ಕಾಲ ಬೇಕಾಗುತ್ತದೆ. ಇವುಗಳಿಗೆ ಸಜ್ಜೆ, ಜೋಳ, ರಾಗಿ ಮುಂತಾದ ಉತ್ತಮ ಆಹಾರ ನೀಡಬೇಕಾಗುತ್ತದೆ. ಆರೋಗ್ಯದ ಕಾಳಜಿ ಕೂಡ ಮುಖ್ಯ. ತಳಿಗಳ ಪ್ರಕಾರ ಬೆಲೆ ಬದಲಾಗುತ್ತದೆ. ವನರಾಜಾ, ಗಿರಿ ರಾಜಾ, ರಾಜಶ್ರೀ, ಕಡಕನಾಥ್, ಸ್ವರ್ಣದ್ವಾರ, ಸೋನಾಲಿ ಮುಂತಾದ ಹಲವು ತಳಿಗಳು ಹೆಚ್ಚು ಜನಪ್ರಿಯ.

ಮಾಂಸದಷ್ಟೇ ನಾಟಿ ಕೋಳಿ ಮೊಟ್ಟೆಗೂ ಮಾರುಕಟ್ಟೆಯಲ್ಲಿ ಹೆಚ್ಚಿನ ಬೇಡಿಕೆ ಇದೆ. ಈ ಮೊಟ್ಟೆಗಳಲ್ಲಿ ಪ್ರೋಟೀನ್ ಹಾಗೂ ವಿಟಮಿನ್‌ಗಳು ಸಮೃದ್ಧವಾಗಿದ್ದು, ದರ ಕೂಡ ಹೆಚ್ಚಾಗಿದೆ.

ಹೀಗಾಗಿ ಸಾಕಾಣಿಕೆ ಮಾಡುವವರು ಮಾಂಸದ ಜೊತೆಗೆ ಮೊಟ್ಟೆಗಳ ಮಾರಾಟದಿಂದಲೂ ಲಾಭ ಗಳಿಸಬಹುದು. ಕೇರಳ, ತಮಿಳುನಾಡು ಹಾಗೂ ಬೆಂಗಳೂರು ಮಾರುಕಟ್ಟೆಗಳಿಗೆ ಈ ಕೋಳಿಗಳನ್ನು ಪೂರೈಸುವವರೂ ಸಾಕಷ್ಟು ಜನರಿದ್ದಾರೆ.

Desi Chicken Farming: Low Investment, High Profits