ಡಿಟಿಎಚ್ ಗ್ರಾಹಕರಿಗೆ ಸಿಹಿ ಸುದ್ದಿ! ಇನ್ಮುಂದೆ ಸಿಗುತ್ತೆ ಅಮೆಜಾನ್ ಪ್ರೈಮ್ ಸೇವೆ ಉಚಿತ ಸಬ್ಸ್ಕ್ರಿಪ್ಷನ್
ಡಿಶ್ ಟಿವಿ (Dish TV) ಮತ್ತು ಅಮೆಜಾನ್ ಪ್ರೈಮ್ (Amazon Prime) ಕೈಜೋಡಿಸಿದ್ದು, ಡಿಟಿಎಚ್ ಬಳಕೆದಾರರಿಗೆ ಉಚಿತವಾಗಿ ಪ್ರೈಮ್ ಲೈಟ್ ಸಬ್ಸ್ಕ್ರಿಪ್ಷನ್ ನೀಡಲಾಗುತ್ತಿದೆ. ಮನರಂಜನೆ ಲೋಕದಲ್ಲಿ ಹೊಸ ಅಧ್ಯಾಯ ಪ್ರಾರಂಭವಾಗಿದೆ.
- ಡಿಟಿಎಚ್ ಗ್ರಾಹಕರಿಗೆ ಉಚಿತ ಪ್ರೈಮ್ ಲೈಟ್
- ಡಿಶ್ ಟಿವಿ–ಅಮೆಜಾನ್ ಪ್ರೈಮ್ ಒಪ್ಪಂದ
- ಹೊಸ ಮನರಂಜನೆ ಅನುಭವ ಪಡೆಯಿರಿ
Amazon Prime Video: ಭಾರತದ ಮನರಂಜನೆ ಕ್ಷೇತ್ರದಲ್ಲಿ ದೊಡ್ಡ ಬದಲಾವಣೆ ಶುರುವಾಗಿದೆ. ಈಗ ಟಿವಿ ಚಾನೆಲ್‌ಗಳು ಮತ್ತು OTT ಪ್ಲಾಟ್‌ಫಾರ್ಮ್‌ಗಳು ಕೈಜೋಡಿಸುತ್ತಿದ್ದು, ಪ್ರೇಕ್ಷಕರಿಗೆ ಹೊಸ ರೀತಿಯ ಅನುಭವವನ್ನು ನೀಡಲು ಸ್ಪರ್ಧೆ ಶುರುವಾಗಿದೆ.
ಈ ಸಾಲಿನಲ್ಲಿ ಇದೀಗ ಡಿಶ್ ಟಿವಿ ಇಂಡಿಯಾ ಲಿಮಿಟೆಡ್ ಮತ್ತು ಅಮೆಜಾನ್ ಪ್ರೈಮ್ ದೊಡ್ಡ ಒಪ್ಪಂದವೊಂದನ್ನು ಘೋಷಿಸಿವೆ.
ಈ ಹೊಸ ಪಾಲುದಾರಿಕೆಯಿಂದ ಡಿಶ್ ಟಿವಿ, D2H ಗ್ರಾಹಕರು ಹಾಗೂ ವಾಚೋ (Watcho) ಆಪ್ ಬಳಕೆದಾರರಿಗೆ ಅಮೆಜಾನ್ ಪ್ರೈಮ್ ಲೈಟ್ ಸಬ್ಸ್ಕ್ರಿಪ್ಷನ್ ಲಭ್ಯವಾಗಲಿದೆ.
ಹೊಸ VZY ಸ್ಮಾರ್ಟ್ ಟಿವಿಯನ್ನು ಖರೀದಿಸುವವರಿಗೆ ಈ ಸೌಲಭ್ಯ ಉಚಿತವಾಗಿ ದೊರೆಯಲಿದೆ. ಜೊತೆಗೆ ಇಂಟರ್ನೆಟ್ ಸೇವೆ ನೀಡುವ ಡಿಶ್ ಟಿವಿ ISP ಗ್ರಾಹಕರಿಗೂ ಈ ಪ್ರೈಮ್ ಲೈಟ್ ಪ್ಯಾಕ್ ಲಭ್ಯ.
ಇದನ್ನೂ ಓದಿ: Yamaha RX100 ಹೋಲುವ ಹೊಸ ಬೈಕ್ ಬಿಡುಗಡೆ! ಕಡಿಮೆ ಬೆಲೆ, ಆಕರ್ಷಕ ಮೈಲೇಜ್
ಅಮೆಜಾನ್ ಪ್ರೈಮ್ ಲೈಟ್ (Amazon Prime Light) ಮೂಲಕ ಗ್ರಾಹಕರು ಕೇವಲ ಮನರಂಜನೆ ಮಾತ್ರವಲ್ಲ, ಖರೀದಿ ಹಾಗೂ ಶಿಪ್ಪಿಂಗ್ ಸೌಲಭ್ಯಗಳನ್ನೂ ಅನುಭವಿಸಬಹುದು.
ಈ ಯೋಜನೆಯಡಿ ಪ್ರೈಮ್ ವೀಡಿಯೊ ಲೈಬ್ರರಿಯಲ್ಲಿ ಲಭ್ಯವಿರುವ ಭಾರತೀಯ ಹಾಗೂ ಅಂತರರಾಷ್ಟ್ರೀಯ ಸಿನಿಮಾಗಳು, ಪ್ರಶಸ್ತಿ ವಿಜೇತ ಅಮೆಜಾನ್ ಓರಿಜಿನಲ್ಸ್ ಎಲ್ಲವೂ HD ಕ್ವಾಲಿಟಿಯಲ್ಲಿ ವೀಕ್ಷಿಸಲು ಸಾಧ್ಯವಾಗುತ್ತದೆ. ಆದರೆ ಈ ಪ್ರೈಮ್ ಲೈಟ್ ಪ್ಲಾನ್‌ನಲ್ಲಿ ಕೆಲವು ವಿಡಿಯೋಗಳಲ್ಲಿ ಜಾಹೀರಾತುಗಳು ಇರಲಿವೆ.
ಡಿಶ್ ಟಿವಿ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ ಮನೋಜ್ ದೋಭಾಲ್ ಅವರು ಹೇಳುವಂತೆ, “ಇಂದಿನ ಯುಗದಲ್ಲಿ ಮನರಂಜನೆ ಎಂದರೆ ಪ್ರತಿ ವ್ಯಕ್ತಿಯ ಆಸೆ-ಇಷ್ಟಕ್ಕೆ ಅನುಗುಣವಾಗಿರುವ ವಿಷಯಗಳು. ಅಮೆಜಾನ್ ಪ್ರೈಮ್ ಜೊತೆಗಿನ ನಮ್ಮ ಸಹಕಾರವು ಈ ಕ್ಷೇತ್ರದಲ್ಲಿ ವಿಶ್ವಮಟ್ಟದ ಕಂಟೆಂಟ್ ಮತ್ತು ತಂತ್ರಜ್ಞಾನವನ್ನು ಒಂದೇ ವೇದಿಕೆಯಲ್ಲಿ ತರುವ ಪ್ರಮುಖ ಹೆಜ್ಜೆ” ಎಂದಿದ್ದಾರೆ.
ಇದನ್ನೂ ಓದಿ: ಮೋದಿಜಿಯಿಂದ ರೈತರಿಗೆ ಬಂಪರ್ ಸುದ್ದಿ, ₹3 ಲಕ್ಷ ಸಾಲ ಸೌಲಭ್ಯ! ಆನ್‌ಲೈನ್‌ನಲ್ಲೇ ಅರ್ಜಿ ಹಾಕಿ
ಇದೇ ವೇಳೆ, ಅಮೆಜಾನ್ ಪ್ರೈಮ್ ವೀಡಿಯೊ ಇಂಡಿಯಾ ನಿರ್ದೇಶಕಿ ಶಿಲಾಂಗೀ ಮುಖರ್ಜಿ ಅವರು, “ಡಿಶ್ ಟಿವಿ ಗ್ರೂಪ್ ಜೊತೆಗೆ ಕೆಲಸ ಮಾಡುವುದರಿಂದ ನಮ್ಮ ಸೇವೆಗಳು ಹೆಚ್ಚಿನ ಜನರಿಗೆ ತಲುಪುತ್ತವೆ. ಗ್ರಾಹಕರು ಈಗ ಮನರಂಜನೆಯ ಜೊತೆಗೆ ಶಾಪಿಂಗ್ ಹಾಗೂ ಶಿಪ್ಪಿಂಗ್ ಪ್ರಯೋಜನಗಳನ್ನೂ ಪಡೆಯಬಹುದು” ಎಂದು ಹೇಳಿದ್ದಾರೆ.
ಈ ಸಹಭಾಗಿತ್ವದಿಂದ ಡಿಶ್ ಟಿವಿ ತನ್ನ ಬೃಹತ್ ಗ್ರಾಹಕರ ಆಧಾರವನ್ನು ಹೆಚ್ಚಿಸಿಕೊಳ್ಳಲಿದೆ. ಮತ್ತೊಂದೆಡೆ ಅಮೆಜಾನ್ ಪ್ರೈಮ್, ಭಾರತದಲ್ಲಿ ಲಕ್ಷಾಂತರ ಹೊಸ ಸಬ್‌ಸ್ಕ್ರೈಬರ್‌ಗಳನ್ನು ಗಳಿಸಲು ಈ ಒಪ್ಪಂದವು ದೊಡ್ಡ ವೇದಿಕೆಯಾಗಲಿದೆ. ಮನರಂಜನೆ ಕ್ಷೇತ್ರದಲ್ಲಿ ಇದು ನಿಜಕ್ಕೂ ಹೊಸ ಯುಗದ ಪ್ರಾರಂಭ ಎಂದು ಹೇಳಬಹುದು!
Dish TV Users Get Free Amazon Prime Light Access
