ATM Card: ಎಟಿಎಂ ಕಾರ್ಡ್ ಹೊಂದಿರುವ ಪ್ರತಿಯೊಬ್ಬರಿಗೂ 10 ಲಕ್ಷ ಲಾಭ! ಉಚಿತ ಸೌಲಭ್ಯ

• ಎಟಿಎಂ ಕಾರ್ಡ್ ಹೊಂದಿದವರಿಗೆ ಉಚಿತ ವಿಮೆ ಸೌಲಭ್ಯ
• ಪ್ರೀಮಿಯಂ ಡೆಬಿಟ್ ಕಾರ್ಡ್‌ಗಳಿಗೆ 10 ಲಕ್ಷವರೆಗೆ ಲಾಭ
• ನಿರಂತರ ಬಳಕೆ ಶರತ್ತು ಪೂರೈಸಿದರೆ ಮಾತ್ರ ವಿಮೆ

Debit Card Insurance: ಎಟಿಎಂ ಕಾರ್ಡ್ ಅಂದರೆ ಕೇವಲ ಹಣ ತೆಗೆಯಲು ಮಾತ್ರ ಎನ್ನುವುದು ಬಹುತೇಕ ಜನರ ಭಾವನೆ. ಆದರೆ ವಾಸ್ತವದಲ್ಲಿ ಅನೇಕ ಬ್ಯಾಂಕ್‌ಗಳು ತಮ್ಮ ಡೆಬಿಟ್ ಕಾರ್ಡ್‌ಗಳೊಂದಿಗೆ ಉಚಿತ ವೈಯಕ್ತಿಕ ಅಪಘಾತ ವಿಮೆ ಸೌಲಭ್ಯವನ್ನು ನೀಡುತ್ತಿವೆ. ಈ ವಿಷಯ ಬಹಳ ಮಂದಿಗೆ ತಿಳಿದಿಲ್ಲ. ಮುಖ್ಯವಾಗಿ, ಈ ವಿಮೆ ಸ್ವಯಂಚಾಲಿತವಾಗಿ ಸಕ್ರಿಯವಾಗುವುದಿಲ್ಲ ಎಂಬುದು ಗಮನಿಸಬೇಕಾದ ಸಂಗತಿ.

ದೇಶದ ಪ್ರಮುಖ ಬ್ಯಾಂಕ್‌ಗಳು, HDFC Bank, ICICI Bank, State Bank of India ಮತ್ತು Kotak Mahindra Bank — ತಮ್ಮ ಗ್ರಾಹಕರಿಗೆ ಡೆಬಿಟ್ ಕಾರ್ಡ್ ಆಧಾರಿತ ವಿಮೆ ಸೌಲಭ್ಯ ಒದಗಿಸುತ್ತಿವೆ. ಇದು ಸಾಮಾನ್ಯವಾಗಿ ‘ಗ್ರೂಪ್ ಇನ್ಶುರನ್ಸ್ ಪಾಲಿಸಿ’ ರೂಪದಲ್ಲಿದ್ದು, ಪ್ರತ್ಯೇಕ ಪಾಲಿಸಿ ನಂಬರ್ ನೀಡಲಾಗುವುದಿಲ್ಲ.

ಅಪಘಾತ ಮರಣ ಕವರ್, ವಿಮಾನ ಅಪಘಾತ ರಕ್ಷಣೆ, ಖರೀದಿ ರಕ್ಷಣೆ ಹಾಗೂ ಕಾರ್ಡ್ ವಂಚನೆ ರಕ್ಷಣೆ ಸೇರಿದಂತೆ ವಿವಿಧ ಲಾಭಗಳು ಇದರಲ್ಲಿ ಇರಬಹುದು.

ಆದರೆ ಈ ಸೌಲಭ್ಯ ಪಡೆಯಲು ಅತ್ಯಂತ ಪ್ರಮುಖ ಅಂಶ, ಕಾರ್ಡ್‌ನ ನಿಯಮಿತ ಬಳಕೆ. ಬಹುತೇಕ ಬ್ಯಾಂಕ್‌ಗಳು ಕಳೆದ 60 ರಿಂದ 90 ದಿನಗಳೊಳಗೆ ಕಾರ್ಡ್ ಮೂಲಕ ನಿರ್ದಿಷ್ಟ ಸಂಖ್ಯೆಯ POS ಅಥವಾ ಆನ್‌ಲೈನ್ ವ್ಯವಹಾರಗಳನ್ನು ಮಾಡಿರಬೇಕು ಎಂಬ ಶರತ್ತು ವಿಧಿಸುತ್ತವೆ. ಈ ಷರತ್ತು ಪೂರೈಸದಿದ್ದರೆ ವಿಮೆ ಜಾರಿಯಾಗುವುದಿಲ್ಲ.

ಆದ್ದರಿಂದ ತಜ್ಞರ ಸಲಹೆ ಏನೆಂದರೆ, ಪ್ರತಿಮಾಸ ವಿದ್ಯುತ್ ಬಿಲ್, ಮೊಬೈಲ್ ರೀಚಾರ್ಜ್, ಪೆಟ್ರೋಲ್ ಪಾವತಿ ಮುಂತಾದ ಸಣ್ಣ ಖರ್ಚುಗಳನ್ನು ಡೆಬಿಟ್ ಕಾರ್ಡ್ ಮೂಲಕವೇ ಪಾವತಿಸುವುದು ಉತ್ತಮ.

ಸಾಮಾನ್ಯ ಕಾರ್ಡ್‌ಗಳಿಗೆ ಸುಮಾರು ₹50,000ರಿಂದ ₹1 ಲಕ್ಷವರೆಗೆ ಕವರ್ ದೊರಕಬಹುದು. ಪ್ಲಾಟಿನಂ ಅಥವಾ ಪ್ರೀಮಿಯಂ ಕಾರ್ಡ್‌ಗಳಿಗೆ ₹2 ಲಕ್ಷದಿಂದ ₹10 ಲಕ್ಷವರೆಗೆ ವಿಮೆ ಲಾಭ ಸಿಗುವ ಸಾಧ್ಯತೆ ಇದೆ. ವಿಶೇಷವಾಗಿ RuPay ಕಾರ್ಡ್‌ಗಳಿಗೆ ಸಾಮಾನ್ಯವಾಗಿ ₹2 ಲಕ್ಷವರೆಗೆ ರಕ್ಷಣೆ ನೀಡಲಾಗುತ್ತದೆ.

ಕ್ಲೇಮ್ ಪ್ರಕ್ರಿಯೆಯಲ್ಲೂ ಕೆಲವು ನಿಯಮಗಳಿವೆ. ಇದು ಗುಂಪು ವಿಮೆಯಾಗಿರುವುದರಿಂದ, ನಾಮಿನಿ ಬ್ಯಾಂಕ್ ಅನ್ನು ನಿಗದಿತ ಅವಧಿಯಲ್ಲಿ ಸಂಪರ್ಕಿಸಿ ಅಗತ್ಯ ದಾಖಲೆಗಳನ್ನು.. ಕ್ಲೇಮ್ ಫಾರ್ಮ್, ಮರಣ ಪ್ರಮಾಣಪತ್ರ, KYC ದಾಖಲೆಗಳು ಹಾಗೂ ಅಗತ್ಯವಿದ್ದರೆ FIR ಅಥವಾ ಪೋಸ್ಟ್‌ಮಾರ್ಟಂ ವರದಿ ಸಲ್ಲಿಸಬೇಕು. ಆದ್ದರಿಂದ ನಿಮ್ಮ ಎಟಿಎಂ ಅಥವಾ ಡೆಬಿಟ್ ಕಾರ್ಡ್‌ಗೆ ವಿಮೆ ಸೌಲಭ್ಯ ಇದೆಯೇ? ಇದ್ದರೆ ಅದರ ಷರತ್ತುಗಳೇನು? ಎಂಬುದನ್ನು ನಿಮ್ಮ ಬ್ಯಾಂಕ್‌ನಿಂದ ಮುಂಚಿತವಾಗಿ ತಿಳಿದುಕೊಳ್ಳುವುದು ಬಹಳ ಮುಖ್ಯ.