ಇಂದು ಡಿಸೆಂಬರ್ 13ರಂದು ಚಿನ್ನದ ಬೆಲೆ ಸ್ವಲ್ಪ ಇಳಿಕೆ, ಬೆಳ್ಳಿ ಮಾತ್ರ ಭಾರೀ ಕುಸಿತ
ಇತ್ತೀಚಿನ ದಿನಗಳಲ್ಲಿ ನಿರಂತರ ಏರಿಕೆ ಕಂಡಿದ್ದ ಚಿನ್ನದ ಬೆಲೆ ಇಂದು ಸ್ವಲ್ಪ ಇಳಿಕೆ ಕಂಡುಬಂದಿದೆ. ಜೊತೆಗೆ ಬೆಳ್ಳಿ ದರದಲ್ಲಿ ಏಕಾಏಕಿ ಭಾರಿ ಕುಸಿತ ದಾಖಲಾಗಿದ್ದು ಹೂಡಿಕೆದಾರರ ಗಮನ ಸೆಳೆದಿದೆ.
- ಚಿನ್ನದ ಬೆಲೆ ಇಳಿಕೆ: 24 ಕ್ಯಾರಟ್ ಬಂಗಾರದಲ್ಲಿ ₹270 ಇಳಿಕೆ
- ಬೆಳ್ಳಿ ದರ ಕುಸಿತ: ಕಿಲೋ ಬೆಳ್ಳಿಯಲ್ಲಿ ₹6,000ವರೆಗೆ ಇಳಿಕೆ
- ನಿರಂತರ ಏರಿಕೆ ಕಂಡಿದ್ದ ಚಿನ್ನ, ಖರೀದಿಗೆ ಬಿಗ್ ರಿಲೀಫ್
Gold Price Today: ಕಳೆದ ಕೆಲವು ದಿನಗಳಿಂದ ನಿರಂತರವಾಗಿ ಏರಿಕೆಯಾಗುತ್ತಿದ್ದ ಚಿನ್ನದ ಬೆಲೆ ಇಂದು ಸ್ವಲ್ಪ ತಣ್ಣನೆಯ ವಾತಾವರಣ ಸೃಷ್ಟಿಸಿದೆ. ಡಿಸೆಂಬರ್ 13ರಂದು 10 ಗ್ರಾಂ 24 ಕ್ಯಾರಟ್ ಬಂಗಾರದ ಬೆಲೆ ₹270 ಇಳಿಕೆಯಾಗಿದ್ದು, ಹೂಡಿಕೆದಾರರು ಮತ್ತು ಗ್ರಾಹಕರ ಗಮನ ಸೆಳೆದಿದೆ.
ಇತ್ತೀಚೆಗೆ ಒಂದೇ ವಾರದಲ್ಲಿ ತುಲಾ ಬಂಗಾರದ ದರವು ₹3,000ಕ್ಕೂ ಹೆಚ್ಚು ಏರಿಕೆಯಾದ ಹಿನ್ನೆಲೆಯಲ್ಲಿ, ಇಂತಹ ಸಣ್ಣ ಇಳಿಕೆ ಸಹ ಅಚ್ಚರಿ ಮೂಡಿಸಿದೆ. ನಿನ್ನೆ ಮಾತ್ರವೇ ಬಂಗಾರದ ಬೆಲೆ ₹870 ಹೆಚ್ಚಾಗಿತ್ತು ಎಂಬುದು ಗಮನಾರ್ಹ.
ಇದನ್ನೂ ಓದಿ: ಸಿಹಿ ಸುದ್ದಿ, 50 ಸಾವಿರದಿಂದ 1 ಲಕ್ಷ ವರೆಗೆ ಸರಳ ಸಾಲ ಸೌಲಭ್ಯ! ಅರ್ಜಿ ಪ್ರಕ್ರಿಯೆ ಬಹಳ ಸರಳ
ಪ್ರಸ್ತುತ ಚಿನ್ನದ ಬೆಲೆ ಹೇಗಿದೆ?
ಬೆಲೆ ಅಪ್‌ಡೇಟ್ ಪ್ರಕಾರ, ಇಂದು ಬೆಳಿಗ್ಗೆ 10 ಗಂಟೆಯ ವೇಳೆಗೆ 10 ಗ್ರಾಂ 24 ಕ್ಯಾರಟ್ ಬಂಗಾರದ ದರ ₹1,33,910ಕ್ಕೆ ಸ್ಥಿರವಾಗಿದೆ. ಅದೇ ವೇಳೆ 22 ಕ್ಯಾರಟ್ ಬಂಗಾರದ 10 ಗ್ರಾಂ ದರ ₹1,22,750ರ ಮಟ್ಟದಲ್ಲಿ ವಹಿವಾಟು ನಡೆಸುತ್ತಿದೆ.
ಬೆಳ್ಳಿ ಮಾತ್ರ ಭಾರಿ ಶಾಕ್
ಬಂಗಾರಕ್ಕೆ ಹೋಲಿಸಿದರೆ ಬೆಳ್ಳಿಯಲ್ಲಿ ಇಳಿಕೆ ಹೆಚ್ಚು ತೀವ್ರವಾಗಿದೆ. ಕಿಲೋ ಬೆಳ್ಳಿ ದರದಲ್ಲಿ ಏಕಾಏಕಿ ₹6,000ವರೆಗೆ ಕುಸಿತ ಕಂಡುಬಂದಿದ್ದು, ಪ್ರಸ್ತುತ ಕಿಲೋ ಬೆಳ್ಳಿ ₹1,98,000ರ ಮಟ್ಟದಲ್ಲಿದೆ. ಆದರೆ ಬೆಂಗಳೂರು, ಹೈದರಾಬಾದ್, ಚೆನ್ನೈ ಮತ್ತು ಕೇರಳದಲ್ಲಿ ಬೆಳ್ಳಿ ದರ ಇನ್ನೂ ಹೆಚ್ಚಿನ ಮಟ್ಟದಲ್ಲಿದ್ದು, ಕಿಲೋಗೆ ಸುಮಾರು ₹2,10,000ರ ವಹಿವಾಟು ನಡೆಯುತ್ತಿದೆ.
