Gold Price: ಚಿನ್ನದ ಬೆಲೆ ಇಳಿದಿದೆ! ಬಂಗಾರ ಕೊಳ್ಳೋರಿಗೆ ಸಿಹಿ ಸುದ್ದಿ, ಇಂದಿನ ಗೋಲ್ಡ್ ರೇಟ್ ಇಲ್ಲಿದೆ

Gold Price Today: ಭಾರತದಲ್ಲಿ ಬಂಗಾರ ಎಂದರೆ ಕೇವಲ ಆಭರಣವಲ್ಲ, ಅದು ಆರ್ಥಿಕ ಭದ್ರತೆಯ ಸಂಕೇತವೂ ಆಗಿದೆ. ಮದುವೆ, ಹಬ್ಬ ಅಥವಾ ಯಾವುದೇ ಶುಭಕಾರ್ಯವಾಗಿದ್ದರೂ ಬಂಗಾರ ಖರೀದಿ ಮಾಡುವುದು ಹಲವರ ಪರಂಪರೆಯಾಗಿದೆ.

ಇತ್ತೀಚಿನ ದಿನಗಳಲ್ಲಿ ಏರಿಳಿತ ಕಂಡುಬರುತ್ತಿದ್ದ ಬಂಗಾರದ ಬೆಲೆಯಲ್ಲಿ ಇಂದು ಸ್ವಲ್ಪ ಇಳಿಕೆ ಕಂಡುಬಂದಿದ್ದು ಖರೀದಿದಾರರಿಗೆ ಸಣ್ಣ ಮಟ್ಟದ ನೆಮ್ಮದಿ ನೀಡಿದೆ.

ಬೆಂಗಳೂರು ಮಾರುಕಟ್ಟೆಯಲ್ಲಿ ಇಂದು 24 ಕ್ಯಾರೆಟ್ ಚಿನ್ನದ ಬೆಲೆ ಸ್ವಲ್ಪ ಇಳಿಕೆಯಾಗಿದೆ. ನಿನ್ನೆಗಿಂತ 10 ಗ್ರಾಂ ಬಂಗಾರದ ಮೇಲೆ ₹10 ರೂಪಾಯಿ ಕಡಿಮೆಯಾಗಿದೆ. ಇದರೊಂದಿಗೆ 10 ಗ್ರಾಂ 24 ಕ್ಯಾರೆಟ್ ಬಂಗಾರದ ದರ ಇಂದು ಸುಮಾರು ₹1,57,410 ಆಗಿದೆ. ನಿನ್ನೆ ಈ ದರ ₹1,57,420 ಆಗಿತ್ತು.

ಮಧ್ಯಮ ವರ್ಗದ ಜನರು ಹೆಚ್ಚು ಖರೀದಿಸುವ 22 ಕ್ಯಾರೆಟ್ ಬಂಗಾರದ ದರದಲ್ಲೂ ಸಣ್ಣ ಇಳಿಕೆ ಕಂಡುಬಂದಿದೆ. ಇಂದು 10 ಗ್ರಾಂ 22 ಕ್ಯಾರೆಟ್ ಬಂಗಾರದ ಬೆಲೆ ಸುಮಾರು ₹1,44,290 ಆಗಿದೆ. ನಿನ್ನೆಗಿಂತ ₹10 ರೂಪಾಯಿ ಕಡಿಮೆಯಾಗಿದೆ.

ಗ್ರಾಂ ಮಟ್ಟದಲ್ಲಿ ನೋಡಿದರೆ ಬೆಂಗಳೂರಿನಲ್ಲಿ 24 ಕ್ಯಾರೆಟ್ ಬಂಗಾರದ ದರ ಪ್ರತಿ ಗ್ರಾಂಗೆ ಸುಮಾರು ₹15,741 ಆಗಿದೆ. ಅದೇ ರೀತಿ 22 ಕ್ಯಾರೆಟ್ ಬಂಗಾರದ ದರ ಪ್ರತಿ ಗ್ರಾಂಗೆ ಸುಮಾರು ₹14,429 ಆಗಿದೆ. ಇವು ನಿನ್ನೆಗಿಂತ ಪ್ರತಿ ಗ್ರಾಂಗೆ ₹1 ರೂ ಇಳಿಕೆಯಾಗಿದೆ.

ಬೆಳ್ಳಿ ದರದಲ್ಲೂ ಸ್ವಲ್ಪ ಇಳಿಕೆ ಕಂಡುಬಂದಿದೆ. ಕೆಲ ಪ್ರಮುಖ ಮಾರುಕಟ್ಟೆಗಳಲ್ಲಿ ಒಂದು ಕಿಲೋ ಬೆಳ್ಳಿಯ ಬೆಲೆ ಸುಮಾರು ₹100 ಕಡಿಮೆಯಾಗಿದೆ. ಇದರಿಂದ ಬೆಳ್ಳಿ ಖರೀದಿಸುವವರಿಗೂ ಸ್ವಲ್ಪ ಅನುಕೂಲವಾಗಿದೆ.

ಇನ್ನೂ ದೇಶದ ಇತರ ನಗರಗಳಾದ ದೆಹಲಿ ಹಾಗೂ ಚೆನ್ನೈ ಮಾರುಕಟ್ಟೆಗಳಲ್ಲಿಯೂ ಇದೇ ರೀತಿಯ ಸಣ್ಣ ಮಟ್ಟದ ಇಳಿಕೆ ದಾಖಲಾಗಿದೆ. ಅಂತಾರಾಷ್ಟ್ರೀಯ ಮಾರುಕಟ್ಟೆಯ ಬೆಳವಣಿಗೆಗಳು ಹಾಗೂ ಕರೆನ್ಸಿ ಬದಲಾವಣೆಗಳು ಈ ಬೆಲೆಗಳ ಮೇಲೆ ಪರಿಣಾಮ ಬೀರುತ್ತವೆ ಎಂದು ತಜ್ಞರು ಹೇಳುತ್ತಾರೆ.

ಮದುವೆ ಮತ್ತು ಹಬ್ಬಗಳ ಸೀಸನ್ ಸಮೀಪಿಸುತ್ತಿರುವ ಹಿನ್ನೆಲೆಯಲ್ಲಿ ಬಂಗಾರದ ಬೆಲೆಯಲ್ಲಿ ದೊಡ್ಡ ಏರಿಕೆ ಕಾಣಿಸದಿರುವುದು ಮಧ್ಯಮ ವರ್ಗದ ಜನರಿಗೆ ಸ್ವಲ್ಪ ನೆಮ್ಮದಿ ತಂದಿದೆ.