ನಿಮ್ಮ ಆಧಾರ್ ಕಾರ್ಡ್ ಕಳೆದುಹೋಗಿದ್ಯಾ? ನಂಬರ್ ಪತ್ತೆ ಹಚ್ಚೋದು ಹೇಗೆ ಗೊತ್ತಾ
ಆಧಾರ್ ಕಾರ್ಡ್ ಕಳೆದುಹೋದರೂ ಚಿಂತೆ ಬೇಡ. ಮೊಬೈಲ್ ಲಿಂಕ್ ಆಗಿದ್ದರೂ ಅಥವಾ ಇಲ್ಲದಿದ್ದರೂ UIDAI ನ ವೆಬ್‌ಸೈಟ್ ಅಥವಾ ಸೆಂಟರ್‌ನಲ್ಲಿ ನಿಮ್ಮ ನಂಬರ್ ಸುಲಭವಾಗಿ ಪಡೆಯಬಹುದು.
- ಆಧಾರ್ ನಂಬರ್ ನೆನಪಿಲ್ಲದವರಿಗೂ ಹುಡುಕುವ ಸೌಲಭ್ಯ
- UIDAI ವೆಬ್‌ಸೈಟ್ ಮೂಲಕ ಕೂಡ ನಂಬರ್ ಲಭ್ಯ
- ಸೆಂಟರ್‌ನಲ್ಲಿ ಬಯೋಮೆಟ್ರಿಕ್ ಮೂಲಕ ಇ-ಆಧಾರ್ ಪ್ರಿಂಟ್ ಸಿಗುತ್ತದೆ
ಸಿಮ್ ಕಾರ್ಡ್ (SIM card) ಪಡೆಯುವುದರಿಂದ ಹಿಡಿದು ಸರ್ಕಾರಿ ಸೌಲಭ್ಯಗಳ ತನಕ ಇಂದು ಆಧಾರ್ ಕಾರ್ಡ್ (Aadhaar Card) ಅನಿವಾರ್ಯವಾಗಿದೆ. ಆದರೆ ಈ ಮಹತ್ವದ ಡಾಕ್ಯುಮೆಂಟ್ ಕಳೆದುಹೋದರೆ ಏನು ಮಾಡಬೇಕು ಎಂಬ ಆತಂಕ ಇರುವುದು ಸಾಮಾನ್ಯ. ಈಗ UIDAI ನೀಡಿರುವ ಸೌಲಭ್ಯಗಳಿಂದ, ಆಧಾರ್ ನಂಬರ್ ಅನ್ನು ಸುಲಭವಾಗಿ ಮರುಪಡೆಯಬಹುದು.
ನಿಮ್ಮ ಮೊಬೈಲ್ ನಂಬರ್ ಆಧಾರ್ ಕಾರ್ಡ್‌ಗೆ ಲಿಂಕ್ (linked mobile number) ಆಗಿದ್ದರೆ, ಇದನ್ನು ಆನ್‌ಲೈನ್ ಮೂಲಕಲೇ ಪಡೆಯಬಹುದು. ಮೊದಲಿಗೆ UIDAI ನ ಅಧಿಕೃತ ವೆಬ್‌ಸೈಟ್ https://myaadhaar.uidai.gov.in/retrieve-eid-uid ಗೆ ಭೇಟಿ ನೀಡಬೇಕು.
ಇದನ್ನೂ ಓದಿ: 7 ಲಕ್ಷಕ್ಕೂ ಹೆಚ್ಚು ಕರ್ನಾಟಕ ರೈತರ ಪಿಎಂ ಕಿಸಾನ್ ಹಣ ರದ್ದು! ಇಲ್ಲಿದೆ ಪಟ್ಟಿ
ನಂತರ ನಿಮ್ಮ ಹೆಸರು, ಮೊಬೈಲ್ ನಂಬರ್ ಅಥವಾ ಇಮೇಲ್ ಐಡಿ ವಿವರಗಳನ್ನು ನಮೂದಿಸಿ, ಕ್ಯಾಪ್ಚಾ ಫಿಲ್ ಮಾಡಿ OTP ರಿಕ್ವೆಸ್ಟ್ ಮಾಡಬಹುದು.
ಮೊಬೈಲ್ ಅಥವಾ ಇಮೇಲ್‌ಗೆ ಬಂದ OTP ಅನ್ನು ಎಂಟರ್ ಮಾಡಿದ ನಂತರ, ನಿಮ್ಮ UID ಅಥವಾ EID ನಂಬರ್ ಅನ್ನು ನಿಮ್ಮ ಫೋನ್‌ಗೆ ಅಥವಾ ಇಮೇಲ್‌ಗೆ ಸಂದೇಶದ (SMS) ಮುಖಾಂತರ ಕಳುಹಿಸಲಾಗುತ್ತದೆ. ಇದರಿಂದ ನೀವು ಆಧಾರ್ ನಂಬರ್ ತಿಳಿದುಕೊಳ್ಳಬಹುದು.
ಇದನ್ನೂ ಓದಿ: ಸರ್ವರಿಗೂ ವಸತಿ ಯೋಜನೆ, ಮನೆ ಇಲ್ಲದ ಬಡವರಿಗೆ ಮನೆ ಭಾಗ್ಯ! ಅರ್ಜಿ ಹಾಕಿದ್ರಾ?
ಅದೇ, ನಿಮ್ಮ ಮೊಬೈಲ್ ನಂಬರ್ ಲಿಂಕ್ ಆಗಿಲ್ಲದಿದ್ದರೆ ಈ ಪ್ರಕ್ರಿಯೆ ಸ್ವಲ್ಪ ವಿಭಿನ್ನವಾಗಿರುತ್ತದೆ. ಈ ಸಂದರ್ಭ, ನಿಮ್ಮ ಹತ್ತಿರದ ಆಧಾರ್ ಸೇವಾ ಕೇಂದ್ರಕ್ಕೆ ಭೇಟಿ ನೀಡಿ.
ಅಲ್ಲಿ ನಿಮ್ಮ ಹೆಸರು, ಲಿಂಗ, ಜಿಲ್ಲೆ ಅಥವಾ ಪಿನ್ ಕೋಡ್‌ ಸೇರಿದಂತೆ ಕೆಲವು ವಿವರಗಳನ್ನು ಕೊಟ್ಟು, ಬಯೋಮೆಟ್ರಿಕ್ ಪರಿಶೀಲನೆ (biometric verification) ಮಾಡಿಸಬೇಕು.
ಇದನ್ನೂ ಓದಿ: ಸುಳ್ಳು ಐಟಿಆರ್‌ ಸಲ್ಲಿಸಿದರೆ ಭಾರೀ ದಂಡ, ಜೈಲು ಶಿಕ್ಷೆ! ಇನ್ಮುಂದೆ ಹೊಸ ರೂಲ್ಸ್
ಹೆಬ್ಬೆರಳು ಅಥವಾ ಐರಿಸ್ ಸ್ಕ್ಯಾನ್ ಮೂಲಕ ದೃಢೀಕರಣವಾದ ನಂತರ, ನಿಮ್ಮ ವಿವರಗಳು ಸರಿಯಾಗಿದ್ದರೆ, ಸಿಬ್ಬಂದಿ ನಿಮಗೆ ಇ-ಆಧಾರ್ ಪ್ರಿಂಟ್ (e-Aadhaar print) ಅನ್ನು ನೀಡುತ್ತಾರೆ. ಈ ಮೂಲಕ ಮತ್ತೆ ಆಧಾರ್ ನಂಬರ್ ನಿಮ್ಮ ಕೈಗೆ ಬರುತ್ತದೆ.
Here’s How to Retrieve Your Lost Aadhaar Number Easily
