ನಿಮ್ಮ ಕ್ರೆಡಿಟ್ ಸ್ಕೋರ್ 750 ಆಗಬೇಕಾ? ಈ ಸುಲಭ ವಿಧಾನಗಳನ್ನು ಈಗಲೇ ಪ್ರಯತ್ನಿಸಿ!
Credit Score: ಕಡಿಮೆ ಕ್ರೆಡಿಟ್ ಸ್ಕೋರ್ ಇರುವವರಿಗೆ ಸಾಲ, ಕ್ರೆಡಿಟ್ ಕಾರ್ಡ್ ಮಂಜೂರು ಕಷ್ಟವಾಗುತ್ತದೆ. ಕೆಲವು ಸರಳ ಹಣಕಾಸು ಅಭ್ಯಾಸಗಳು ಪಾಲಿಸಿದರೆ ಸ್ಕೋರ್‌ನ್ನು 650ರಿಂದ 750ದಾಟಿಸಲು ಸಾಧ್ಯ.
Credit Score: ಇಂದಿನ ಬ್ಯಾಂಕಿಂಗ್ ವ್ಯವಸ್ಥೆಯಲ್ಲಿ ಸಿಬಿಲ್ ಸ್ಕೋರ್ ಎಂದರೆ ಸಾಲ ಮಂಜೂರಿಗೆ ಮೊದಲ ಆದ್ಯತೆ. ವಿಶೇಷವಾಗಿ 650 ಸುತ್ತ ಸ್ಕೋರ್ ಇದ್ದರೆ ಬ್ಯಾಂಕ್‌ಗಳು ಅದನ್ನು ಮಧ್ಯಮ ಅಪಾಯ ಎಂದು ಪರಿಗಣಿಸುತ್ತವೆ.
ಇದರಿಂದ ಸಾಲ ಮಂಜೂರು ವಿಳಂಬವಾಗುವುದು, ಹೆಚ್ಚು ಬಡ್ಡಿ ರೇಟ್‌ ವಿಧಿಸುವುದು ಸಾಮಾನ್ಯ. ಆದರೆ ಹಣಕಾಸು ತಜ್ಞರ ಪ್ರಕಾರ, ಸರಿಯಾದ ಕ್ರಮಗಳನ್ನು ಅನುಸರಿಸಿದರೆ 650 ಸ್ಕೋರ್‌ನ್ನೇ ಕೆಲವು ತಿಂಗಳಲ್ಲಿ 700–750ಕ್ಕೆ ಏರಿಸಬಹುದು.
ಕ್ರೆಡಿಟ್ ಕಾರ್ಡ್ ಬಿಲ್ ಅಥವಾ ಇಎಂಐ ಪಾವತಿಗಳನ್ನು ಒಂದು ದಿನವೂ ಮುಂದೂಡಬಾರದು. 30 ದಿನಗಳ ವಿಳಂಬವು ಸ್ಕೋರ್‌ಗೆ ದೊಡ್ಡ ಹೊಡೆತ ನೀಡುತ್ತದೆ. ಅದಕ್ಕಾಗಿ ಆಟೋಪೇ ಸಕ್ರಿಯಗೊಳಿಸುವುದು ಅತ್ಯುತ್ತಮ ಕ್ರಮ.
ಕ್ರೆಡಿಟ್ ಕಾರ್ಡಿನ ಲಿಮಿಟ್ ಬಳಕೆ ಕೂಡ 30% ಮೀರಬಾರದು. ಉದಾಹರಣೆಗೆ, ₹1 ಲಕ್ಷ ಲಿಮಿಟ್ ಇದ್ದರೆ ₹30,000 ಗಿಂತ ಹೆಚ್ಚು ಬಳಸಬೇಡಿ. ಹೆಚ್ಚು ಬಳಕೆ ಮಾಡಿದರೆ ನೀವು ಸಾಲಗಳ ಮೇಲೆ ಅವಲಂಬಿತರಾಗಿರುವಿರಿ ಎಂದು ಬ್ಯಾಂಕ್‌ಗಳು ಭಾವಿಸುತ್ತವೆ.
ಇದನ್ನೂ ಓದಿ: ಆಧಾರ್ ಕಾರ್ಡ್ ಇದ್ರೆ ಸಾಕು! ಸಣ್ಣ ವ್ಯಾಪಾರಿಗಳಿಗೆ ಸಿಗುತ್ತೆ ₹90,000 ವರೆಗೆ ಸಾಲ ಸೌಲಭ್ಯ
ಬಹಳಷ್ಟು ಜನ ಕೆಲವು ತಿಂಗಳುಗಳಲ್ಲಿ ಹಲವು ಸಾಲಗಳು ಅಥವಾ ಕ್ರೆಡಿಟ್ ಕಾರ್ಡ್‌ಗಳಿಗೆ ಅರ್ಜಿ ಸಲ್ಲಿಸುತ್ತಾರೆ. ಇದು “ಹಾರ್ಡ್ inquiry” ಹೆಚ್ಚಿಸುವುದರಿಂದ ಸ್ಕೋರ್ ತಾತ್ಕಾಲಿಕವಾಗಿ ಕುಸಿತ ಕಾಣುತ್ತದೆ.
ಅಗತ್ಯವಿಲ್ಲದಿದ್ದರೆ ಹೊಸ ಸಾಲಗಳಿಗಾಗಿ ಆಸಕ್ತಿ ತೋರಬೇಡಿ. ಮೂರು ತಿಂಗಳಿಗೊಮ್ಮೆ ನಿಮ್ಮ ಕ್ರೆಡಿಟ್ ರಿಪೋರ್ಟ್ ಪರಿಶೀಲಿಸಿ ತಪ್ಪು ಮಾಹಿತಿ ಇದ್ದರೆ ತಕ್ಷಣ ಬ್ಯುರೋಗೆ ದೂರು ಕೊಡಿ. ಇಂತಹ ದೋಷಗಳು ಸ್ಕೋರ್‌ಗೆ ಅನಗತ್ಯ ಹಾನಿ ಮಾಡುತ್ತವೆ.
ದೀರ್ಘಕಾಲದ ಕ್ರೆಡಿಟ್ ಇತಿಹಾಸವು ಸ್ಕೋರ್ ಸುಧಾರಣೆಗೆ ಮಹತ್ತರ ಬಲ. ನೀವು ಹೊಂದಿರುವ ಹಳೆಯ ಕ್ರೆಡಿಟ್ ಕಾರ್ಡುಗಳು ಅಥವಾ ಸಾಲಗಳನ್ನು ಸಮಯಕ್ಕೆ ಸರಿಯಾಗಿ ಪಾವತಿಸಿ ಉತ್ತಮ ಸ್ಥಿತಿಯಲ್ಲಿ ಉಳಿಸಿದ್ದರೆ ಸಿಬಿಲ್ ಸ್ಕೋರ್ ಚುರುಕಾಗಿ ಏರಿಕೆಯಾಗುತ್ತದೆ. ಹಣಕಾಸು ಶಿಸ್ತನ್ನು ಪಾಲಿಸಿದವರು 650 ಸ್ಕೋರ್‌ನನ್ನೇ ಕೆಲ ತಿಂಗಳಲ್ಲಿ 750 ಮೀರಿಸುವುದು ಸಾಮಾನ್ಯ.
ಅಂತಿಮವಾಗಿ, ಸಿಬಿಲ್ ಸ್ಕೋರ್ ಹೆಚ್ಚಿಸುವುದು ಕಷ್ಟಕರ ಪ್ರಕ್ರಿಯೆಯೇನಲ್ಲ; ಸಮಯಕ್ಕೆ ಸರಿಯಾದ ಪಾವತಿ, ಕಡಿಮೆ ಬಳಸುವಿಕೆ ಮತ್ತು ನಿಖರ ದಾಖಲೆ ನಿರ್ವಹಣೆ ಸಾಕು.
How to Boost Your Credit Score from 650 to 750 Fast
