ಕಿಸಾನ್ ಟ್ರ್ಯಾಕ್ಟರ್ ಯೋಜನೆ: ರೈತರು ಟ್ರ್ಯಾಕ್ಟರ್ ಖರೀದಿಗೆ 50% ಸಬ್ಸಿಡಿ ಸುವರ್ಣಾವಕಾಶ!
ಕೇಂದ್ರ ಸರ್ಕಾರ ಜಾರಿಗೆ ತಂದಿರುವ ಕಿಸಾನ್ ಟ್ರ್ಯಾಕ್ಟರ್ ಯೋಜನೆಯಡಿ ರೈತರಿಗೆ ಟ್ರ್ಯಾಕ್ಟರ್ ಖರೀದಿಗೆ ಶೇಕಡಾ 50ರಷ್ಟು ಸಹಾಯಧನ ಲಭ್ಯ. ಯಾರು ಅರ್ಹರು, ಅರ್ಜಿ ಹೇಗೆ ಸಲ್ಲಿಸಬೇಕು ಎಂಬ ಮಾಹಿತಿ ಇಲ್ಲಿ ವಿವರಿಸಲಾಗಿದೆ.
Kisan Tractor Subsidy: ಕೇಂದ್ರ ಸರ್ಕಾರವು ಕೃಷಿಯಲ್ಲಿ ಯಾಂತ್ರೀಕರಣವನ್ನು ಉತ್ತೇಜಿಸುವ ನಿಟ್ಟಿನಲ್ಲಿ ಹಲವು ಉಪಕ್ರಮಗಳನ್ನು ಜಾರಿಗೆ ತರ್ತಿದೆ. ಅದರಲ್ಲೂ ಕಿಸಾನ್ ಟ್ರ್ಯಾಕ್ಟರ್ ಯೋಜನೆ ರೈತರಿಗೆ ಆಧುನಿಕ ಯಂತ್ರೋಪಕರಣ ಹಕ್ಕು-ಹೆಗ್ಗಳಿಕೆಯಿಂದ ದೊರಕಲು ಸಹಕಾರಿಯಾಗುತ್ತಿದೆ.
ಟ್ರ್ಯಾಕ್ಟರ್ ಮತ್ತು ಕೃಷಿ ಯಂತ್ರೋಪಕರಣಗಳ ಬೆಲೆ ಹೆಚ್ಚಿರುವುದರಿಂದ ಬರುವ ಆರ್ಥಿಕ ಭಾರವನ್ನು ಕಡಿಮೆ ಮಾಡಲು ಸಹಾಯಧನ ರೂಪದಲ್ಲಿ ಬೆಂಬಲ ನೀಡಲಾಗುತ್ತಿದೆ.
ಈ ಯೋಜನೆಯು ಕೃಷಿ ಯಾಂತ್ರೀಕರಣದ ಉಪ–ಮಿಷನ್ (SMAM) ಅಡಿಯಲ್ಲಿ ಅನ್ವಯವಾಗುತ್ತದೆ. ರೈತರು ಹೊಸ ಟ್ರ್ಯಾಕ್ಟರ್‌ನ ಆನ್-ರೋಡ್ ಬೆಲೆಯ ಮೇಲೆ ಗರಿಷ್ಠ 50% ಸಬ್ಸಿಡಿ ಪಡೆಯಬಹುದು. ಸಣ್ಣ ಮತ್ತು ಅತಿ ಸಣ್ಣ ರೈತರು ಹಾಗೂ ಮಹಿಳಾ ರೈತರಿಗೆ ವಿಶೇಷ ಆದ್ಯತೆ ನೀಡಲಾಗುತ್ತದೆ ಎಂಬುದು ಪ್ರಮುಖ ಅಂಶ.
ಇದನ್ನೂ ಓದಿ: ಆಧಾರ್ ಕಾರ್ಡ್ ಇದ್ರೆ ಸಾಕು! ಸಣ್ಣ ವ್ಯಾಪಾರಿಗಳಿಗೆ ಸಿಗುತ್ತೆ ₹90,000 ವರೆಗೆ ಸಾಲ ಸೌಲಭ್ಯ
ಟ್ರ್ಯಾಕ್ಟರ್ ಖರೀದಿಯ ಬಲವನ್ನು ಹೆಚ್ಚಿಸುವ ಜೊತೆಗೆ, ಸರ್ಕಾರ ನೀಡುವ ‘ಬಿಡುಗಡೆ ಆದೇಶ’ ವ್ಯವಸ್ಥೆ ಪಾರದರ್ಶಕತೆ ಮತ್ತು ವೇಗವನ್ನು ಹೆಚ್ಚಿಸುತ್ತದೆ. ಇತರ ವೆಚ್ಚಗಳನ್ನು ಪೂರೈಸಲು ಬ್ಯಾಂಕ್ ಸಾಲದ (Bank Loan) ನೆರವು ಕೂಡ ಲಭ್ಯವಾಗುತ್ತದೆ. ಆಧುನಿಕ ಟ್ರ್ಯಾಕ್ಟರ್ ಬಳಕೆಯಿಂದ ಉಳುಮೆ, ಬಿತ್ತನೆ, ಕೊಯ್ಲು ಮತ್ತಿತರ ಕೆಲಸಗಳು ವೇಗವಾಗಿ ಮುಗಿಯುವುದರಿಂದ ಉತ್ಪಾದಕತೆ ಸ್ವಯಂ ಹೆಚ್ಚುತ್ತದೆ.
ಅರ್ಹತಾ ನಿಯಮಗಳಲ್ಲಿ ಮೊದಲ ಷರತ್ತು.. ಅರ್ಜಿದಾರರು ಭಾರತೀಯ ರೈತರಾಗಿರಬೇಕು. ವಾರ್ಷಿಕ ಆದಾಯ ₹2 ಲಕ್ಷಕ್ಕಿಂತ ಕಡಿಮೆ ಇರಬೇಕು. ಇದಕ್ಕೂ ಮುನ್ನ ಟ್ರ್ಯಾಕ್ಟರ್ ಸಬ್ಸಿಡಿ ಪಡೆದಿರಬಾರದು ಮತ್ತು ಒಂದು ಕುಟುಂಬಕ್ಕೆ ಒಂದು ಬಾರಿ ಮಾತ್ರ ಸಬ್ಸಿಡಿ ಅನ್ವಯವಾಗುತ್ತದೆ. ಜೊತೆಗೆ, ಭೂ ಮಾಲೀಕತ್ವ ಪುರಾವೆ ಕಡ್ಡಾಯವಾಗಿದೆ.
ಅರ್ಜಿಯನ್ನು ಸಲ್ಲಿಸಲು ರೈತರು agrimachinery.nic.in ಪೋರ್ಟಲ್‌ನಲ್ಲಿ ನೋಂದಣಿ ಮಾಡಬೇಕು. ಇ-ಕೆವೈಸಿ ಪೂರ್ಣಗೊಳಿಸಿದ ನಂತರ ದೊರೆಯುವ ಲಾಗಿನ್ ವಿವರಗಳಿಂದ ಪೋರ್ಟಲ್‌ಗೆ ಪ್ರವೇಶಿಸಿ ಬ್ಯಾಂಕ್ ಮಾಹಿತಿ, ಭೂ ದಾಖಲೆ, ಅಗತ್ಯ ದಾಖಲೆಗಳನ್ನೆಲ್ಲಾ ಅಪ್‌ಲೋಡ್ ಮಾಡಬೇಕು. ನಂತರ ಟ್ರ್ಯಾಕ್ಟರ್ ಸಬ್ಸಿಡಿ ವಿಭಾಗದಲ್ಲಿ ಅರ್ಜಿ ಸಲ್ಲಿಸಬಹುದು. ಅರ್ಜಿ ಸಲ್ಲಿಕೆಯ ನಂತರ ಐಡಿ ಲಭ್ಯವಾಗುತ್ತದೆ.
ಇದನ್ನೂ ಓದಿ: ಪಿಎಂ ಕಿಸಾನ್ ಹಣ ನಿಮ್ಮ ಖಾತೆಗೆ ಇನ್ನೂ ಜಮಾ ಆಗಿಲ್ವಾ? ಹಾಗಾದ್ರೆ ತಕ್ಷಣ ಹೀಗೆ ಮಾಡಿ
ಆಫ್‌ಲೈನ್ ವಿಧಾನದಲ್ಲಿ ಹತ್ತಿರದ ಸಾಮಾನ್ಯ ಸೇವಾ ಕೇಂದ್ರ ಅಥವಾ ಕೃಷಿ ಕಚೇರಿಗೆ ಭೇಟಿಯಾಗಿ ಅರ್ಜಿ ನಮೂನೆ ಭರ್ತಿ ಮಾಡಬಹುದು. ಪರಿಶೀಲನೆ ಬಳಿಕ ಸಬ್ಸಿಡಿ ಅನುಮೋದನೆ ಸಿಗುತ್ತದೆ.
ಅರ್ಜಿಗೆ ಅಗತ್ಯ ದಾಖಲೆ: ಆಧಾರ್ ಕಾರ್ಡ್, ಬ್ಯಾಂಕ್ ಪಾಸ್‌ಬುಕ್, ಭೂ ಮಾಲೀಕತ್ವದ ದಾಖಲೆ, ದರಪಟ್ಟಿ ಹಾಗೂ ಇತ್ತೀಚಿನ ಪಾಸ್‌ಪೋರ್ಟ್ ಫೋಟೋಗಳನ್ನು ಸೇರಿಸಬೇಕಾಗುತ್ತದೆ. ಟ್ರ್ಯಾಕ್ಟರ್ ರೈತರ ಮನೆಗೆ ಬರುವ ಕನಸು ಸಾಕಾರವಾಗಲು ಈ ಯೋಜನೆ ಬಲವಾಗುತ್ತಿದೆ
Kisan Tractor Scheme, 50 Percent Subsidy for Farmers
