Bank Account: ಬ್ಯಾಂಕಿಂಗ್ ನಿಯಮಗಳಲ್ಲಿ ಭಾರೀ ಬದಲಾವಣೆ, ಬ್ಯಾಂಕ್ ಖಾತೆ ಇದ್ದವರಿಗೆ ಬಿಗ್ ಅಪ್ಡೇಟ್
Bank Account: ದೇಶದಲ್ಲಿ ಬ್ಯಾಂಕ್ ಖಾತೆ ಹೊಂದಿರುವ ಪ್ರತಿಯೊಬ್ಬರೂ ನಾಮಿನಿ ಸೇರಿಸುವುದು ಅಗತ್ಯವಾಗಿದೆ. ಹೊಸ ನಿಯಮಗಳ ಪ್ರಕಾರ ಒಂದಕ್ಕಿಂತ ಹೆಚ್ಚು ನಾಮಿನಿ ಸೇರಿಸಲು ಅವಕಾಶ ನೀಡಲಾಗಿದೆ ಎಂದು ಬ್ಯಾಂಕಿಂಗ್ ವಲಯ ತಿಳಿಸಿದೆ.
Bank Account: ಇಂದು ಬಹುತೇಕ ಪ್ರತಿಯೊಬ್ಬರೂ ಬ್ಯಾಂಕ್ ಖಾತೆ ಹೊಂದಿದ್ದಾರೆ. ಸರ್ಕಾರದ ಅನೇಕ ಯೋಜನೆಗಳ ಹಣ ನೇರವಾಗಿ ಖಾತೆಗೆ ಬರುವ ಡಿಬಿಟಿ ವ್ಯವಸ್ಥೆ (DBT) ಇರುವುದರಿಂದ ಬ್ಯಾಂಕ್ ಖಾತೆಯ ಅಗತ್ಯ ಹೆಚ್ಚಾಗಿದೆ. ಹಣ ವರ್ಗಾವಣೆ, ಉಳಿತಾಯ ಮತ್ತು ವಿವಿಧ ಆರ್ಥಿಕ ವ್ಯವಹಾರಗಳಿಗಾಗಿ ಬ್ಯಾಂಕ್ ಖಾತೆ ಅತ್ಯಗತ್ಯವಾಗಿದೆ.
ಆದರೆ ಖಾತೆ ಇದ್ದರೂ ಬಹಳಷ್ಟು ಜನರು ಒಂದು ಪ್ರಮುಖ ವಿಷಯವನ್ನು ನಿರ್ಲಕ್ಷಿಸುತ್ತಾರೆ. ಅದು ನಾಮಿನಿ (Nominee) ಸೇರಿಸುವುದು. ಬ್ಯಾಂಕ್ ಖಾತೆಗೆ ನಾಮಿನಿ ಸೇರಿಸದೇ ಇದ್ದರೆ ಅನಿರೀಕ್ಷಿತ ಸಂದರ್ಭಗಳಲ್ಲಿ ಕುಟುಂಬ ಸದಸ್ಯರು ಖಾತೆಯಲ್ಲಿರುವ ಹಣ ಪಡೆಯಲು ಕಷ್ಟಪಡುವ ಸಾಧ್ಯತೆ ಇದೆ.
ಹೊಸ ನಿಯಮದಲ್ಲಿ ಏನು ಬದಲಾವಣೆ?
ಹಿಂದಿನ ದಿನಗಳಲ್ಲಿ ಬ್ಯಾಂಕ್ ಖಾತೆಗೆ ಕೇವಲ ಒಬ್ಬರನ್ನು ಮಾತ್ರ ನಾಮಿನಿಯಾಗಿ ಸೇರಿಸುವ ಅವಕಾಶ ಇತ್ತು. ಆದರೆ ಹೊಸ ನಿಯಮಗಳ ಪ್ರಕಾರ ಈಗ ನಾಲ್ವರು ವ್ಯಕ್ತಿಗಳನ್ನು ನಾಮಿನಿಯಾಗಿ ಸೇರಿಸಬಹುದು.
ನಾಮಿನಿಗಳಲ್ಲಿ ಯಾರಿಗೆ ಎಷ್ಟು ಪಾಲು ನೀಡಬೇಕು ಎಂಬುದನ್ನು ಖಾತೆದಾರರು ಸ್ವತಃ ನಿರ್ಧರಿಸಬಹುದು. ಉದಾಹರಣೆಗೆ ಜೀವನ ಸಂಗಾತಿಗೆ 50% ಹಾಗೂ ಮಕ್ಕಳಿಗೆ ಉಳಿದ ಪಾಲು ನೀಡುವಂತೆ ಹಂಚಿಕೆ ಮಾಡಬಹುದು. ಈ ನಿಯಮದಿಂದ ಕುಟುಂಬದ ಆರ್ಥಿಕ ಭದ್ರತೆ ಹೆಚ್ಚುತ್ತದೆ.
ನಾಮಿನಿ ಸೇರಿಸಿದರೆ ಇರುವ ಪ್ರಯೋಜನಗಳು
ಬ್ಯಾಂಕ್ ಖಾತೆಗೆ ನಾಮಿನಿ ಸೇರಿಸಿದರೆ ಅನೇಕ ಪ್ರಯೋಜನಗಳಿವೆ. ಒಂದು ವೇಳೆ ಖಾತೆದಾರರಿಗೆ ಅನಿರೀಕ್ಷಿತವಾಗಿ ಏನಾದರೂ ಸಂಭವಿಸಿದರೆ, ನಾಮಿನಿಯಾಗಿ ದಾಖಲಾಗಿರುವ ವ್ಯಕ್ತಿ ಖಾತೆಯಲ್ಲಿರುವ ಹಣವನ್ನು ಸುಲಭವಾಗಿ ಪಡೆಯಬಹುದು.
ಇದರ ಜೊತೆಗೆ ಕುಟುಂಬ ಸದಸ್ಯರು ಬ್ಯಾಂಕ್ ಹಾಗೂ ಕಾನೂನು ಪ್ರಕ್ರಿಯೆಗಳ ಸುತ್ತ ತಿರುಗಬೇಕಾದ ಅವಶ್ಯಕತೆ ಕಡಿಮೆಯಾಗುತ್ತದೆ. ಬ್ಯಾಂಕ್ ಖಾತೆಗಳಲ್ಲಿ ಹೆಚ್ಚುತ್ತಿರುವ ಅನ್‌ಕ್ಲೈಮ್‌ಡ್ ಡಿಪಾಜಿಟ್‌ಗಳು ಕಡಿಮೆ ಮಾಡುವುದಕ್ಕೂ ಈ ನಿಯಮ ಸಹಾಯಕವಾಗಲಿದೆ ಎಂದು ಬ್ಯಾಂಕಿಂಗ್ ತಜ್ಞರು ಹೇಳುತ್ತಾರೆ.
ನಾಮಿನಿ ಸೇರಿಸದಿದ್ದರೆ ಏನು ಸಮಸ್ಯೆ?
ಒಂದು ವೇಳೆ ಬ್ಯಾಂಕ್ ಖಾತೆಗೆ ನಾಮಿನಿ ಸೇರಿಸದಿದ್ದರೆ ಅನಿರೀಕ್ಷಿತ ಸಂದರ್ಭಗಳಲ್ಲಿ ಕುಟುಂಬ ಸದಸ್ಯರಿಗೆ ದೊಡ್ಡ ತೊಂದರೆ ಉಂಟಾಗಬಹುದು. ಖಾತೆಯಲ್ಲಿರುವ ಹಣವನ್ನು ಪಡೆಯಲು ಕಾನೂನು ದಾಖಲೆಗಳು, ಲೀಗಲ್ ಹೇರ ಪ್ರಮಾಣಪತ್ರ ಮತ್ತು ಇತರ ದಾಖಲೆಗಳನ್ನು ಸಲ್ಲಿಸಬೇಕಾಗುತ್ತದೆ.
ಈ ಪ್ರಕ್ರಿಯೆ ಸಮಯ ತೆಗೆದುಕೊಳ್ಳುವುದರ ಜೊತೆಗೆ ಕುಟುಂಬ ಸದಸ್ಯರಿಗೆ ಆರ್ಥಿಕ ಸಂಕಷ್ಟವೂ ಉಂಟುಮಾಡಬಹುದು. ಆದ್ದರಿಂದ ಬ್ಯಾಂಕಿಂಗ್ ತಜ್ಞರು ಬ್ಯಾಂಕ್ ಖಾತೆ ಹೊಂದಿರುವ ಪ್ರತಿಯೊಬ್ಬರೂ ತಕ್ಷಣ ನಾಮಿನಿ ಸೇರಿಸಿಕೊಳ್ಳಬೇಕು ಎಂದು ಸಲಹೆ ನೀಡುತ್ತಿದ್ದಾರೆ.
ಇತ್ತೀಚೆಗೆ ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ ಬ್ಯಾಂಕ್ ಖಾತೆಗಳಲ್ಲಿ ಉಳಿದಿರುವ ಅನ್‌ಕ್ಲೈಮ್‌ಡ್ ಹಣದ ಮೇಲೂ ಗಮನ ಹರಿಸಿದೆ. ದೀರ್ಘಕಾಲ ಬಳಸದ ಖಾತೆಗಳನ್ನು ಸಕ್ರಿಯಗೊಳಿಸಲು ಅಥವಾ ಹಣವನ್ನು ಹಿಂತೆಗೆದುಕೊಳ್ಳಲು ವಿಶೇಷ ಅಭಿಯಾನಗಳನ್ನೂ ನಡೆಸಲಾಗುತ್ತಿದೆ.
