ಪಿಂಚಣಿ ವಯೋಮಿತಿ ಕುರಿತು ಕೇಂದ್ರ ಸರ್ಕಾರದ ಬಿಗ್ ಅಪ್ಡೇಟ್!

• 65 ವರ್ಷಕ್ಕೆ ಹೆಚ್ಚುವರಿ ಪಿಂಚಣಿ ನೀಡುವ ಬಗ್ಗೆ ಸರ್ಕಾರ ಯಾವುದೇ ಪ್ಲಾನ್ ಇಲ್ಲ
• 80 ವರ್ಷ ವಯಸ್ಸಾದ ಪಿಂಚಣಿದಾರರಿಗೆ ಮಾತ್ರ ಹೆಚ್ಚುವರಿ ಪಿಂಚಣಿ
• ವಯೋಮಿತಿಯಲ್ಲಿ ಯಾವುದೇ ಬದಲಾವಣೆ ಸಾಧ್ಯವಿಲ್ಲ

Pension Age: ನೌಕರಿ ಮುಗಿದ ಬಳಿಕ ಆರ್ಥಿಕ ಭದ್ರತೆ ಸಿಗಬೇಕಾದರೆ ಪಿಂಚಣಿ (Pension) ಪ್ರಮುಖ ಆಯಾಮ. ಆದ್ದರಿಂದ ಸರ್ಕಾರ ವಿವಿಧ ಪಿಂಚಣಿ ಯೋಜನೆಗಳನ್ನು ಕಾರ್ಯಗತಗೊಳಿಸಿದೆ. ವಯಸ್ಸಾದಾಗ ಖರ್ಚುಗಳೂ ಏರುತ್ತವೆ, ಆದ್ದರಿಂದ ಪಿಂಚಣಿಯೂ ಹೆಚ್ಚಾಗಬೇಕು ಎಂಬ ಕೂಗು ಹೆಚ್ಚಾಗಿದೆ.

ಹೀಗಾಗಿ 65 ವರ್ಷದಿಂದಲೇ ಹೆಚ್ಚುವರಿ ಪಿಂಚಣಿ (Additional Pension) ಕೊಡಬೇಕೆಂಬ ಮಾತುಗಳು ಕೇಳಿಬಂದಿವೆ. ಆದರೆ ಸರ್ಕಾರ ಇದನ್ನು ಒಪ್ಪಿಕೊಂಡಿಲ್ಲ.

ಸರ್ಕಾರದ ಸ್ಪಷ್ಟನೆ

ಸದ್ಯ 80 ವರ್ಷದಲ್ಲಿ ಮಾತ್ರ ಹೆಚ್ಚುವರಿ ಪಿಂಚಣಿ ದೊರೆಯುತ್ತದೆ. 2021ರಲ್ಲಿ ಸಂಸದೀಯ ಸಮಿತಿ 65 ವರ್ಷ ವಯಸ್ಸಿನಿಂದ ಹೆಚ್ಚುವರಿ ಪಿಂಚಣಿ ನೀಡಬೇಕೆಂದು ಶಿಫಾರಸು ಮಾಡಿತ್ತು. ಆದರೆ ಕೇಂದ್ರ ಸರ್ಕಾರ 2022ರಲ್ಲೇ ಈ ಶಿಫಾರಸ್ಸನ್ನು ತಿರಸ್ಕರಿಸಿತು. ಈ ಕುರಿತು ಲೋಕಸಭೆಯಲ್ಲೂ ಚರ್ಚೆ ನಡೆಯಿತು, ಆದರೆ ಸರ್ಕಾರ 80 ವರ್ಷ ವಯೋಮಿತಿಯನ್ನೇ ಮುಂದುವರಿಸಿತು.

ಪ್ರಸ್ತುತ ನಿಯಮಗಳು ಹೀಗಿವೆ:

80 ವರ್ಷ – 20% ಹೆಚ್ಚುವರಿ ಪಿಂಚಣಿ
85 ವರ್ಷ – 30% ಹೆಚ್ಚುವರಿ ಪಿಂಚಣಿ
90 ವರ್ಷ – 40% ಹೆಚ್ಚುವರಿ ಪಿಂಚಣಿ
95 ವರ್ಷ – 50% ಹೆಚ್ಚುವರಿ ಪಿಂಚಣಿ
100 ವರ್ಷ – 100% ಹೆಚ್ಚುವರಿ ಪಿಂಚಣಿ

ಪಿಂಚಣಿದಾರರ ವಯಸ್ಸು ಹೆಚ್ಚಿದಂತೆ ಆರೋಗ್ಯ ಸೇವೆಯ ವೆಚ್ಚವೂ ಹೆಚ್ಚಾಗುತ್ತದೆ ಎಂಬುದು ಸರ್ಕಾರದ ಲೆಕ್ಕ. ಆದ್ದರಿಂದ 80ರ ನಂತರ ಹೆಚ್ಚುವರಿ ಪಿಂಚಣಿ ದೊರೆಯುವಂತೆ ವ್ಯವಸ್ಥೆ ಮಾಡಲಾಗಿದೆ.

ಭವಿಷ್ಯದಲ್ಲಿ ಬದಲಾವಣೆ ಸಾಧ್ಯವೇ?

ಈಗಿನ ಪರಿಸ್ಥಿತಿಯಲ್ಲಿ 80 ವರ್ಷಕ್ಕಿಂತ ಕೆಳಗೆ ಹೆಚ್ಚುವರಿ ಪಿಂಚಣಿ ಲಭ್ಯವಿರುವುದಿಲ್ಲ. ಆದರೆ ದರ ಏರಿಕೆ, ಖರ್ಚು ಹೆಚ್ಚಳ ಹಾಗೂ ಜೀವನಶೈಲಿಯ ಪೂರಕವಾಗಿ ಸರ್ಕಾರ ಮುಂದಿನ ದಿನಗಳಲ್ಲಿ ಹೊಸ ತೀರ್ಮಾನ ಕೈಗೊಳ್ಳಬಹುದು.

No Changes in Pension Age, Says Government

English Summary▼

The central government has clarified that additional pension benefits will not be given before 80 years of age. Despite suggestions from the Parliamentary Standing Committee to start additional pension from 65 years, the government has rejected the proposal.

Currently, pensioners receive 20% extra at 80 years, 30% at 85 years, and 100% at 100 years. However, due to rising inflation and cost of living, there are demands for lowering the age limit. The government has assured that it will continuously monitor the situation but has no plans to implement changes soon.