ಗೋಲ್ಡ್ ಲೋನ್, ಈಗ 10 ಲಕ್ಷ ಸಾಲಕ್ಕೆ ಎಷ್ಟು ಗ್ರಾಂ ಚಿನ್ನ ಅಡ ಇಡಬೇಕು ಗೊತ್ತಾ
ಭಾರತೀಯ ರಿಸರ್ವ್ ಬ್ಯಾಂಕ್ ಹೊಸ ನಿಯಮ ಘೋಷಣೆ ಮಾಡಿದ್ದು, 2.5 ಲಕ್ಷದವರೆಗೆ ಚಿನ್ನದ ಸಾಲ ಪಡೆಯಲು ಮಾತ್ರ ಮಾಲೀಕತ್ವ ಘೋಷಣೆ ಬೇಕಾಗಿದ್ದು, ಯಾವುದೇ ಕ್ರೆಡಿಟ್ ಪರಿಶೀಲನೆ ಇಲ್ಲದೇ ಸಾಲ ಸಿಗಲಿದೆ.
- ಚಿನ್ನದ ಸಾಲಕ್ಕೆ ಹೊಸ ನಿಯಮ: ಮಾಲೀಕತ್ವ ಘೋಷಣೆ ಮಾತ್ರ ಸಾಕು
- ಸಾಲ-ಮೌಲ್ಯ ಅನುಪಾತ 85% ನಿಗದಿ
- 2.5 ಲಕ್ಷದವರೆಗೆ ಕ್ರೆಡಿಟ್ ಪರಿಶೀಲನೆ ಇಲ್ಲ
Gold Loan : ಚಿನ್ನದ ಸಾಲದ ನಿಯಮಗಳಲ್ಲಿ ಭಾರತೀಯ ರಿಸರ್ವ್ ಬ್ಯಾಂಕ್ (RBI) ಇತ್ತೀಚೆಗೆ ದೊಡ್ಡ ಬದಲಾವಣೆ ತಂದಿದೆ. 2.5 ಲಕ್ಷದವರೆಗೆ ಚಿನ್ನದ ಸಾಲ ಪಡೆದುಕೊಳ್ಳಲು ಗ್ರಾಹಕರಿಂದ ಮಾಲೀಕತ್ವ ಘೋಷಣೆ ಮಾತ್ರ ಬೇಕಾಗುತ್ತದೆ ಎಂದು ಆರ್‌ಬಿಐ ಗವರ್ನರ್ ಸಂಜಯ್ ಮಲ್ಹೋತ್ರಾ ಸ್ಪಷ್ಟಪಡಿಸಿದ್ದಾರೆ.
ಇತ್ತೀಚೆಗೆ ಕೆಲವು ಸಂಸ್ಥೆಗಳು ಚಿನ್ನದ ಸಾಲ ನಿಯಮಗಳನ್ನು (Gold Loan Rules) ಸರಿಯಾಗಿ ಪಾಲಿಸುತ್ತಿಲ್ಲದ ಕಾರಣ, ಹೊಸ ಕಠಿಣ ಮಾರ್ಗದರ್ಶನಗಳನ್ನು ರೂಪಿಸಲಾಗುತ್ತಿದೆ.
ಈ ಹೊಸ ನಿಯಮಗಳ ಪ್ರಕಾರ, 2.5 ಲಕ್ಷದವರೆಗೆ ಚಿನ್ನದ ಸಾಲ ಪಡೆದುಕೊಳ್ಳಲು ಯಾವುದೇ ಕ್ರೆಡಿಟ್ ಪರಿಶೀಲನೆ ಅಗತ್ಯವಿಲ್ಲ. ಆದರೆ, ಸಾಲ-ಮೌಲ್ಯ (LTV) ಅನುಪಾತ 85% ಗೆ ನಿಗದಿಪಡಿಸಲಾಗಿದೆ. ಇದು ಎಂದರೆ, 1 ಲಕ್ಷ ಮೌಲ್ಯದ ಚಿನ್ನದ ಮೆಲೆ 85,000 ರೂಪಾಯಿ ಸಾಲ ಪಡೆಯಬಹುದು ಎಂಬ ಅರ್ಥ.
ಬ್ಯಾಂಕುಗಳು ಮತ್ತು ಎನ್‌ಬಿಎಫ್‌ಸಿಗಳು ಮೊದಲು ಮೌಲ್ಯದ 88% ದವರೆಗೆ ಸಾಲವನ್ನು ಒದಗಿಸುತ್ತಿದ್ದವು. ಆದರೆ ಇತ್ತೀಚಿನ ನಿಯಮದೊಂದಿಗೆ, ನಿರ್ವಹಣೆ ಹೆಚ್ಚು ಸುರಕ್ಷಿತವಾಗುತ್ತದೆ ಎಂದು RBI ವಿಶ್ವಾಸ ಹೊಂದಿದೆ. ಇದರ ಜೊತೆಗೆ, ವಲಯವನ್ನು ಉತ್ತಮವಾಗಿ ನಿಯಂತ್ರಿಸಲು ಸಹ ಇದು ಸಹಾಯಕ.
ರಿಸರ್ವ್ ಬ್ಯಾಂಕ್ ಗವರ್ನರ್ ತಿಳಿಸಿದಂತೆ, ಯಾವುದೇ ಬದಲಾವಣೆ ಇಲ್ಲದೇ, ಈ ನಿಯಮಗಳು ಶೀಘ್ರದಲ್ಲೇ ಅನ್ವಯಕ್ಕೆ ಬರುವಂತೆ ನಿರೀಕ್ಷಿಸಲಾಗಿದೆ. ಪ್ರಸ್ತುತ FCAI ಹೂಡಿಕೆ ಅಥವಾ Type-I NBFC ಗಳ ನಿಯಮಗಳಲ್ಲಿ ಯಾವುದೇ ತಕ್ಷಣದ ಬದಲಾವಣೆ ಇಲ್ಲದಿರುವುದಾಗಿ ಅವರು ಹೇಳಿದ್ದಾರೆ.
ಹೋಲಿಕೆಯ ಪ್ರಕಾರ, ಸುಮಾರು ₹2.94 ಲಕ್ಷ ಮೌಲ್ಯದ ಚಿನ್ನವನ್ನು ಮೇಲಾಧಾರ ಇಟ್ಟುಕೊಂಡರೆ, ₹2.5 ಲಕ್ಷ ಸಾಲ ಪಡೆಯಲು ಸಾಧ್ಯ. ಈ ಹೊಸ ಮಾರ್ಗದರ್ಶಿ ನಿಯಮಗಳಿಂದ ಸಣ್ಣ ಸಾಲಗಾರರು ಸುಲಭವಾಗಿ ಸಾಲ ಪಡೆಯಬಹುದಾಗಿದೆ, ಮತ್ತು ಚಿನ್ನದ ಮೌಲ್ಯ ಕುಸಿತದ ಅಪಾಯದಿಂದ ಬ್ಯಾಂಕುಗಳನ್ನು ರಕ್ಷಿಸಲಾಗುವುದು.
