ಎಸ್‌ಬಿಐ ಬ್ಯಾಂಕಿನಲ್ಲಿ 60 ಲಕ್ಷ ಗೃಹ ಸಾಲಕ್ಕೆ ಇಎಂಐ ಎಷ್ಟು? ಬಡ್ಡಿ ಎಷ್ಟು? ಇಲ್ಲಿದೆ ಲೆಕ್ಕಾಚಾರ
Home Loan: ಎಸ್‌ಬಿಐ 60 ಲಕ್ಷ ಗೃಹ ಸಾಲ ಪಡೆಯಲು ಸಮರ್ಪಕ ವೇತನ, ಉತ್ತಮ CIBIL ಸ್ಕೋರ್ ಹಾಗೂ ಕಡಿಮೆ ಬಡ್ಡಿದರದ ಲಾಭಗಳ ಕುರಿತು ತಿಳಿದುಕೊಳ್ಳುವುದು ಮನೆ ಖರೀದಿ ಯೋಜನೆಗೆ ಹೆಚ್ಚು ನೆರವಾಗುತ್ತದೆ.
Home Loan: ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ (SBI) ತನ್ನ ಗ್ರಾಹಕರಿಗೆ ಈಗ 7.50% ಬಡ್ಡಿದರದಲ್ಲಿ ಗೃಹ ಸಾಲವನ್ನು ನೀಡುತ್ತಿದೆ. ರಿಸರ್ವ್ ಬ್ಯಾಂಕ್ ರೆಪೋ ದರ ಕಡಿತ ಮಾಡಿದ ನಂತರ ಈ ಬಡ್ಡಿದರದಲ್ಲಿ ಇಳಿಕೆ ಕಂಡಿದ್ದು, ಮನೆ ಖರೀದಿ ಯೋಚನೆಯಲ್ಲಿರುವವರಿಗೆ ಇದು ಅನುಕೂಲಕರ ಪರಿಸ್ಥಿತಿಯಾಗಿದೆ.
ವಿಶೇಷವಾಗಿ ದೊಡ್ಡ ನಗರಗಳಲ್ಲಿ ಮಧ್ಯಮ ವರ್ಗದ ಮನೆಗಳಿಗಾಗಿ 60 ಲಕ್ಷದ ಸಾಲ ಮೊತ್ತ ಸಾಮಾನ್ಯವಾಗಿ ಸಾಕಷ್ಟು ಎಂದು ಪರಿಣಿತರು ಹೇಳುತ್ತಾರೆ.
ಇಂತಹ ದೊಡ್ಡ ಮೊತ್ತದ ಸಾಲಕ್ಕೆ EMI ಹೇಗಿರುತ್ತದೆ ಎಂಬುದು ಸಾಮಾನ್ಯ ಪ್ರಶ್ನೆ. 60 ಲಕ್ಷ ರೂಪಾಯಿ ಸಾಲವನ್ನು 30 ವರ್ಷಗಳ ಅವಧಿಗೆ ತೆಗೆದುಕೊಂಡರೆ ತಿಂಗಳಿಗೆ ಸುಮಾರು ₹42,000 EMI ಬರುತ್ತದೆ. ದೀರ್ಘಾವಧಿ ಸಾಲವನ್ನು ಆಯ್ಕೆ ಮಾಡಿಕೊಂಡರೆ ತಿಂಗಳ ಹಣಕಾಸಿನ ಒತ್ತಡ ಕಡಿಮೆಯಾಗುತ್ತದೆ.
ಇದನ್ನೂ ಓದಿ: ನಿಮ್ಮ ಪರ್ಸನಲ್ ಲೋನ್ ಅರ್ಜಿ ರಿಜೆಕ್ಟ್ ಆಯ್ತಾ? ಹಾಗಾದ್ರೆ, ಮೊದಲು ಈ 4 ತಪ್ಪು ತಿದ್ದಿಕೊಳ್ಳಿ
ಈ EMI ಭಾರವನ್ನು ನಿಭಾಯಿಸಲು ಕನಿಷ್ಠ ತಿಂಗಳ ಆದಾಯ ₹84,000 ಇರಬೇಕು ಎಂದು ಬ್ಯಾಂಕ್ ಲೆಕ್ಕ ಹಾಕುತ್ತದೆ. ಗ್ರಾಹಕರ ಆದಾಯ, ಖರ್ಚು, ಬೇರೆ ಸಾಲಗಳ ಭಾರ ಮತ್ತು ಒಟ್ಟಾರೆ ಕ್ರೆಡಿಟ್ ಪ್ರೊಫೈಲ್ ಅನ್ನು SBI ವಿಶೇಷವಾಗಿ ಪರಿಶೀಲಿಸುತ್ತದೆ. ನಿಮ್ಮ ಪಾವತಿಸಬಲ್ಲ ಸಾಮರ್ಥ್ಯವೇ ಬ್ಯಾಂಕ್‌ಗೆ ಮುಖ್ಯ.
ಸಾಲ ಮಂಜೂರಿಗಾಗಿ ಉತ್ತಮ CIBIL ಸ್ಕೋರ್ ಅತ್ಯಂತ ಮುಖ್ಯ ಅಂಶ. ಉತ್ತಮ ಸ್ಕೋರ್ ಇರುವವರಿಗೆ ಕಡಿಮೆ ಬಡ್ಡಿದರದ ಲಾಭ ಸಿಗುತ್ತದೆ. ಆದರೆ, ಸ್ಕೋರ್ ದುರ್ಬಲವಾಗಿದ್ದರೆ ಸಾಲ ತಿರಸ್ಕಾರ ಅಥವಾ ಹೆಚ್ಚಿನ ಬಡ್ಡಿದರ ಎದುರಾಗುವ ಸಾಧ್ಯತೆ ಇದೆ.
ಆದ್ದರಿಂದ ಗೃಹ ಸಾಲ ಅರ್ಜಿ ಸಲ್ಲಿಸುವ ಮೊದಲು ನಿಮ್ಮ ಕ್ರೆಡಿಟ್ ಸ್ಕೋರ್ ಸುಧಾರಿಸಿಕೊಂಡು ಹೋಗುವುದು ಸದಾ ಲಾಭಕರ.
Required Salary for 60 Lakh SBI Home Loan
