ಎಸ್ಬಿಐ ಸೇರಿದಂತೆ ಈ 6 ಬ್ಯಾಂಕ್ಗಳಲ್ಲಿ ಅಕೌಂಟ್ ಇದ್ದೋರಿಗೆ ಶಾಕಿಂಗ್ ಸುದ್ದಿ!
ಎಸ್ಬಿಐ, ಎಚ್ಡಿಎಫ್ಸಿ, ಐಸಿಐಸಿಐ ಸೇರಿದಂತೆ ಆರು ಪ್ರಮುಖ ಬ್ಯಾಂಕುಗಳಲ್ಲಿ ಸೇವಿಂಗ್ ಖಾತೆಗಳ ಬಡ್ಡಿದರ ಕಡಿತ, ಇಲ್ಲಿದೆ ಪ್ರಮುಖ ಮಾಹಿತಿ.
- ಎಸ್ಬಿಐ ಸೇರಿದಂತೆ ಆರು ಬ್ಯಾಂಕುಗಳಲ್ಲಿ ಬಡ್ಡಿದರ ಕಡಿತ
- ಡಿಪಾಜಿಟ್ ಮೊತ್ತಕ್ಕೆ ಅನುಗುಣವಾಗಿ ಬಡ್ಡಿದರ ವ್ಯತ್ಯಾಸ
- ಗ್ರಾಹಕರು ಹೊಸ ಬಡ್ಡಿದರ ಪ್ರಕಾರ ಹಣಕಾಸು ಯೋಜನೆ ರೂಪಿಸಬೇಕು
ಭಾರತದ ಪ್ರಮುಖ ಆರು ಬ್ಯಾಂಕುಗಳು ತಮ್ಮ ಸೇವಿಂಗ್ ಖಾತೆಗಳ (savings account) ಮೇಲಿನ ಬಡ್ಡಿದರಗಳನ್ನು ಇತ್ತೀಚೆಗೆ ತಗ್ಗಿಸಿವೆ. ಈ ಬದಲಾವಣೆ ದೊಡ್ಡ ಮೊತ್ತದ ಠೇವಣಿದಾರರಿಗೆ ಪರಿಣಾಮ ಬೀರುವ ಸಾಧ್ಯತೆ ಇದೆ.
ಇತ್ತೀಚೆಗಿನ ಆರ್ಥಿಕ ಬೆಳವಣಿಗೆಯ ಹಿನ್ನೆಲೆಯಲ್ಲಿ ಭಾರತದಲ್ಲಿ ಪ್ರಮುಖವಾಗಿ ಆರು ಬ್ಯಾಂಕುಗಳು ತಮ್ಮ ಸೇವಿಂಗ್ ಖಾತೆಗಳ (interest rate on savings accounts) ಮೇಲಿನ ಬಡ್ಡಿದರಗಳನ್ನು ಕಡಿತಗೊಳಿಸಿವೆ. ಎಸ್ಬಿಐ, ಎಚ್ಡಿಎಫ್ಸಿ, ಐಸಿಐಸಿಐ, ಬ್ಯಾಂಕ್ ಆಫ್ ಬರೋಡಾ, ಫೆಡರಲ್ ಬ್ಯಾಂಕ್ ಹಾಗೂ ಇಂಡಸ್ಇಂಡ್ ಬ್ಯಾಂಕ್ ಈ ಪಟ್ಟಿಯಲ್ಲಿ ಸೇರಿವೆ.
ಇದನ್ನೂಓದಿ : ಆಧಾರ್ ಲಿಂಕ್ ಮಾಡಿಲ್ವಾ? ಎಲ್ಪಿಜಿ ಸಂಪರ್ಕ ಕ್ಯಾನ್ಸಲ್ ಆಗುತ್ತೆ! ಈ ರೀತಿ ಲಿಂಕ್ ಮಾಡಿ
ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ (SBI)
ಎಸ್ಬಿಐ ತನ್ನ ಎಲ್ಲಾ ಸೇವಿಂಗ್ ಖಾತೆಗಳ ಮೇಲಿನ ಬಡ್ಡಿದರವನ್ನು 2025ರ ಜೂನ್ 15ರಿಂದ 2.5% ಗೆ ಏಕೀಕೃತಗೊಳಿಸಿದೆ. ಈ ಹಿಂದೆ ₹10 ಕೋಟಿ ಒಳಗಿನ ಖಾತೆಗಳಿಗೆ 2.7% ಮತ್ತು ಹೆಚ್ಚಿನ ಮೊತ್ತಗಳಿಗೆ 3% ನೀಡಲಾಗುತ್ತಿತ್ತು. ಈಗ ಎಲ್ಲ ಖಾತೆಗಳಿಗೆ ಒಂದೇ ಬಡ್ಡಿದರ ಅನ್ವಯವಾಗುತ್ತದೆ.
ಎಚ್ಡಿಎಫ್ಸಿ ಬ್ಯಾಂಕ್ ಬದಲಾವಣೆ
ಎಚ್ಡಿಎಫ್ಸಿ ಬ್ಯಾಂಕ್ 2025ರ ಜೂನ್ 10 ರಿಂದ ಬಡ್ಡಿದರವನ್ನು 2.75% ಕ್ಕೆ ಇಳಿಸಿದೆ. ಈ ಹಿಂದೆ ₹50 ಲಕ್ಷದ ಒಳಗಿನ ಠೇವಣಿಗೆ 2.75% ಮತ್ತು ಹೆಚ್ಚಿನ ಮೊತ್ತಗಳಿಗೆ 3.25% ಇತ್ತು. ಈಗ ಎಲ್ಲ ಖಾತೆಗಳಿಗೆ 2.75% ಮಾತ್ರ ಲಭ್ಯ.
ಇದನ್ನೂ ಓದಿ: ಲೋನ್ ಮೇಲೆ 10 ಲಕ್ಷದ ಕಾರ್ ತಗೊಂಡ್ರೆ ಬಡ್ಡಿ, EMI ಎಷ್ಟಾಗುತ್ತೆ? ಇಲ್ಲಿದೆ ಲೆಕ್ಕಾಚಾರ
ಐಸಿಐಸಿಐ ಬ್ಯಾಂಕ್ ಕೂಡ ಬದಲಾಯಿಸಿದೆ
ಜೂನ್ 12ರಿಂದ ಐಸಿಐಸಿಐ ಬ್ಯಾಂಕ್ ಕೂಡ ಬಡ್ಡಿದರವನ್ನು ಸಮವಾಗಿ 2.75% ಕ್ಕೆ ಇಳಿಸಿದೆ. ಈ ಹಿಂದೆ ₹50 ಲಕ್ಷದ ಮೇಲಿನ ಠೇವಣಿಗೆ 3.25% ಮತ್ತು ಕಡಿಮೆ ಮೊತ್ತಕ್ಕೆ 2.75% ಇತ್ತು.
ಬ್ಯಾಂಕ್ ಆಫ್ ಬರೋಡಾ
ಬ್ಯಾಂಕ್ ಆಫ್ ಬರೋಡಾ ತನ್ನ ಸೇವಿಂಗ್ ಖಾತೆಗಳ (bank savings interest rates) ಬಡ್ಡಿದರವನ್ನು ಡಿಪಾಜಿಟ್ ಪ್ರಮಾಣದ ಆಧಾರದ ಮೇಲೆ 2.7% ರಿಂದ 4.25%ರ ವರೆಗೆ ನಿಗದಿಪಡಿಸಿದೆ. ಈ ಬಡ್ಡಿದರ ಜೂನ್ 12 ರಿಂದ ಅನ್ವಯವಾಗುತ್ತಿದೆ.
ಇದನ್ನೂ ಓದಿ: 10 ಗ್ರಾಂ ಚಿನ್ನ ಬ್ಯಾಂಕ್ನಲ್ಲಿ ಅಡವಿಟ್ಟರೆ ಎಷ್ಟು ಲೋನ್ ಸಿಗುತ್ತೆ? ಇಲ್ಲಿದೆ ಪಕ್ಕಾ ಲೆಕ್ಕ
ಫೆಡರಲ್ ಬ್ಯಾಂಕ್ ಹಾಗೂ ಇಂಡಸ್ಇಂಡ್ ಬ್ಯಾಂಕ್
ಫೆಡರಲ್ ಬ್ಯಾಂಕ್ ತನ್ನ ಗ್ರಾಹಕರ ಠೇವಣಿಗೆ ಅನುಗುಣವಾಗಿ 2.5% ರಿಂದ 6.25% ರ ವರೆಗೆ ಬಡ್ಡಿದರ ನೀಡುತ್ತಿದೆ. ಹೊಸ ಬಡ್ಡಿದರ ಜೂನ್ 17ರಿಂದ ಜಾರಿಗೆ ಬಂದಿದೆ. ಇದೇ ರೀತಿಯಾಗಿ ಇಂಡಸ್ಇಂಡ್ ಬ್ಯಾಂಕ್ ಕೂಡ 3% ರಿಂದ 5% ವರೆಗೆ ಬಡ್ಡಿದರವನ್ನು ಜೂನ್ 16ರಿಂದ ನೀಡುತ್ತಿದೆ.
ಆರ್ಬಿಎಲ್ ಬ್ಯಾಂಕ್ನ ಬಡ್ಡಿದರ ಬದಲಾವಣೆ
ಆರ್ಬಿಎಲ್ ಬ್ಯಾಂಕ್ ತನ್ನ ಸೇವಿಂಗ್ ಖಾತೆಗಳ ಮೇಲಿನ ಬಡ್ಡಿದರವನ್ನು 3% ರಿಂದ 6.75% ರ ವರೆಗೆ ನಿಗದಿಪಡಿಸಿದೆ. ಈ ಬಡ್ಡಿದರ ಗ್ರಾಹಕರ ಖಾತೆಯಲ್ಲಿ ಠೇವಣಿ ಮಾಡಿದ ಮೊತ್ತವನ್ನು ಆಧರಿಸಿದೆ ಮತ್ತು ಜೂನ್ 16ರಿಂದ ಜಾರಿಗೆ ಬಂದಿದೆ.
ಇದನ್ನೂ ಓದಿ: ₹50 ರೂಪಾಯಿಗೆ ₹30 ಲಕ್ಷ ಸಿಗುವ ಗ್ರಾಮ್ ಸುರಕ್ಷಾ ಪೋಸ್ಟ್ ಆಫೀಸ್ ಯೋಜನೆ
ಗ್ರಾಹಕರ ಮೇಲೆ ಪರಿಣಾಮ ಹೇಗೆ?
ಇಂತಹ ಬಡ್ಡಿದರ ಕಡಿತಗಳು ವಿಶೇಷವಾಗಿ ದೊಡ್ಡ ಮೊತ್ತವನ್ನು ಸೇವಿಂಗ್ ಖಾತೆಗಳಲ್ಲಿ ಇಟ್ಟುಕೊಳ್ಳುವವರಿಗೆ ತೀವ್ರ ಪರಿಣಾಮ ಬೀರಲಿದೆ. ಇನ್ಮುಂದೆ ಅವರಿಗೆ ಇತ್ತೀಚಿನ ಬಡ್ಡಿದರದ ಪ್ರಕಾರ ಕಡಿಮೆ ಆದಾಯ ಸಿಗಲಿದೆ.
Savings Interest Rates Cut in 6 Major Banks
