ಎಸ್‌ಬಿಐ ಕ್ರೆಡಿಟ್ ಕಾರ್ಡ್ ಹೊಸ ಶುಲ್ಕಗಳು, ನವೆಂಬರ್ 1ರಿಂದ ಬದಲಾವಣೆ!

SBI Credit Card Charges: ಎಸ್‌ಬಿಐ ಕಾರ್ಡ್ ತನ್ನ ಕ್ರೆಡಿಟ್ ಕಾರ್ಡ್ ಸೇವಾ ಶುಲ್ಕಗಳು ಮತ್ತು ಫೀ ರಚನೆಯಲ್ಲಿ ಪ್ರಮುಖ ಬದಲಾವಣೆಗಳನ್ನು ಘೋಷಿಸಿದೆ. ಈ ಬದಲಾವಣೆಗಳು 2025ರ ನವೆಂಬರ್ 1ರಿಂದ ಜಾರಿಗೆ ಬರಲಿವೆ. ಹೊಸ ನಿಯಮಗಳ ಪ್ರಕಾರ, ಕೆಲವು ಪಾವತಿಗಳ ಮೇಲೆ ಗ್ರಾಹಕರು ಹೆಚ್ಚುವರಿ ಹಣ ಪಾವತಿಸಬೇಕಾಗುತ್ತದೆ.

ಹೊಸ ಬದಲಾವಣೆಯ ಪ್ರಮುಖ ಭಾಗವೆಂದರೆ ಶಿಕ್ಷಣ ಸಂಬಂಧಿತ ಪಾವತಿಗಳು ಮತ್ತು ಡಿಜಿಟಲ್ ವಾಲೆಟ್ ಲೋಡ್‌ಗಳು. ಇದೀಗ Paytm ಅಥವಾ PhonePe ಮುಂತಾದ ಥರ್ಡ್ ಪಾರ್ಟಿ ಆ್ಯಪ್‌ಗಳ ಮೂಲಕ ಶಾಲೆ ಅಥವಾ ಕಾಲೇಜು ಶುಲ್ಕ ಪಾವತಿಸಿದರೆ, 1% ಹೆಚ್ಚುವರಿ ಶುಲ್ಕ ವಿಧಿಸಲಾಗುತ್ತದೆ. ಆದರೆ ಶಾಲೆ ಅಥವಾ ಕಾಲೇಜಿನ ಅಧಿಕೃತ ವೆಬ್‌ಸೈಟ್ ಅಥವಾ POS ಮೆಷಿನ್ ಮೂಲಕ ನೇರ ಪಾವತಿಗೆ ಯಾವುದೇ ಶುಲ್ಕ ಇರುವುದಿಲ್ಲ.

ಡಿಜಿಟಲ್ ವಾಲೆಟ್ ಬಳಕೆದಾರರಿಗೂ ಹೊಸ ಬದಲಾವಣೆ ಪರಿಣಾಮ ಬೀರುವ ಸಾಧ್ಯತೆ ಇದೆ. ಮೊದಲು ರೂ.1000ಕ್ಕಿಂತ ಹೆಚ್ಚು ಮೊತ್ತವನ್ನು ವಾಲೆಟ್‌ಗೆ ಸೇರಿಸಿದರೆ ಯಾವುದೇ ಶುಲ್ಕ ಇರಲಿಲ್ಲ. ಆದರೆ ಈಗ ಆ ಮೊತ್ತದ ಮೇಲೆ 1% ಹೆಚ್ಚುವರಿ ಶುಲ್ಕ ವಿಧಿಸಲಾಗುತ್ತದೆ. ಈ ಬದಲಾವಣೆ ವಾಲೆಟ್ ಅನ್ನು ನಿಯಮಿತವಾಗಿ ರೀಚಾರ್ಜ್ ಮಾಡುವ ಗ್ರಾಹಕರಿಗೆ ಹೆಚ್ಚು ತೊಂದರೆ ಉಂಟುಮಾಡಬಹುದು.

ಆದರೆ ಎಲ್ಲ ಶುಲ್ಕಗಳು ಬದಲಾಗಿಲ್ಲ. ಚೆಕ್ ಪಾವತಿಗೆ ರೂ.200 ಅಥವಾ ಲಾವಾದೇವಿ ಮೊತ್ತದ 2.5% ವರೆಗೂ ಶುಲ್ಕ ಇರಲಿದೆ. ಕಾರ್ಡ್ ರೀಪ್ಲೇಸ್‌ಮೆಂಟ್ಗೆ ರೂ.100 ರಿಂದ ರೂ.250 ವರೆಗೆ ಶುಲ್ಕ ನಿಗದಿಯಾಗಿದೆ.

ವಿದೇಶಗಳಲ್ಲಿ ಕಾರ್ಡ್ ಬದಲಾಯಿಸಿದರೆ, ವೀಸಾ ಕಾರ್ಡ್‌ಗಳಿಗೆ ಕನಿಷ್ಠ 175 ಡಾಲರ್ ಮತ್ತು ಮಾಸ್ಟರ್ ಕಾರ್ಡ್‌ಗಳಿಗೆ 148 ಡಾಲರ್ ಶುಲ್ಕ ವಿಧಿಸಲಾಗುತ್ತದೆ. ಲೇಟು ಪೇಮೆಂಟ್ ಶುಲ್ಕಗಳು ಕ್ರಮೇಣ ಹೆಚ್ಚುತ್ತವೆ — ರೂ.500 ಕ್ಕಿಂತ ಕಡಿಮೆ ಪಾವತಿಗೆ ಶುಲ್ಕವಿಲ್ಲ, ಆದರೆ ರೂ.1000 ಕ್ಕಿಂತ ಹೆಚ್ಚು ಪಾವತಿಗೆ ರೂ.400 ರಿಂದ ರೂ.1100 ವರೆಗೆ ವಿಧಿಸಲಾಗುತ್ತದೆ.

ಎಸ್‌ಬಿಐ ಹೇಳುವಂತೆ, ಈ ಬದಲಾವಣೆಗಳ ಉದ್ದೇಶ ಗ್ರಾಹಕರಿಗೆ ಪಾರದರ್ಶಕ ಶುಲ್ಕ ವ್ಯವಸ್ಥೆ ಒದಗಿಸುವುದು ಹಾಗೂ ಅನಾವಶ್ಯಕ ಲಾವಾದೇವಿಗಳನ್ನು ತಡೆಯುವುದು. ಗ್ರಾಹಕರು ಮುಂದಿನ ತಿಂಗಳಿಂದಲೇ ಪಾವತಿಗೆ ಮುನ್ನ ಶುಲ್ಕಪಟ್ಟಿಯನ್ನು ಪರಿಶೀಲಿಸುವ ಅಭ್ಯಾಸವನ್ನು ಬೆಳೆಸಿಕೊಳ್ಳಬೇಕು.

SBI Credit Card New Charges Effective from November 1