ಸ್ಟೇಟ್ ಬ್ಯಾಂಕ್ ಅಕೌಂಟ್ ಇದ್ದೋರಿಗೆ ಬಂಪರ್ ಲಾಭ! ಗ್ರಾಹಕರಿಗೆ ಮಹತ್ವದ ಸುದ್ದಿ

Fixed Deposit: ದೇಶದ ಅತಿದೊಡ್ಡ ಸಾರ್ವಜನಿಕ ಕ್ಷೇತ್ರದ ಬ್ಯಾಂಕ್ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ (SBI) ತನ್ನ ಗ್ರಾಹಕರಿಗೆ ಮಹತ್ವದ ಸುದ್ದಿ ನೀಡಿದೆ. ಬ್ಯಾಂಕ್ ಕೆಲವು ಅವಧಿಯ ಫಿಕ್ಸ್ಡ್ ಡಿಪಾಸಿಟ್ ಯೋಜನೆಗಳ ಮೇಲೆ ಬಡ್ಡಿದರವನ್ನು ಹೆಚ್ಚಿಸುವ ನಿರ್ಧಾರ ಕೈಗೊಂಡಿದೆ.

ಈ ಹೆಚ್ಚಳ ಮುಖ್ಯವಾಗಿ ₹3 ಕೋಟಿ ಮೇಲ್ಪಟ್ಟ ಬಲ್ಕ್ ಡಿಪಾಸಿಟ್‌ಗಳಿಗೆ ಅನ್ವಯವಾಗುತ್ತಿದ್ದು, ಬಡ್ಡಿದರವನ್ನು ಸುಮಾರು 25 ಬೇಸಿಸ್ ಪಾಯಿಂಟ್‌ಗಳು ಹೆಚ್ಚಿಸಲಾಗಿದೆ. ಹೊಸ ಬಡ್ಡಿದರಗಳು 2026 ಮಾರ್ಚ್ 15ರಿಂದಲೇ ಜಾರಿಗೆ ಬಂದಿವೆ ಎಂದು ಬ್ಯಾಂಕ್ ತಿಳಿಸಿದೆ.

ಯಾವ ಅವಧಿಯ FDಗಳಿಗೆ ಬಡ್ಡಿದರ ಹೆಚ್ಚಳ?

ಎಸ್‌ಬಿಐ ಕೆಲವು ನಿರ್ದಿಷ್ಟ ಅವಧಿಯ ಬಲ್ಕ್ ಡಿಪಾಸಿಟ್‌ಗಳಿಗೆ ಮಾತ್ರ ಬಡ್ಡಿದರ ಹೆಚ್ಚಳ ಮಾಡಿದೆ.

46 ದಿನಗಳಿಂದ 179 ದಿನಗಳ ಅವಧಿಯ ಡಿಪಾಸಿಟ್‌ಗಳಿಗೆ ಮೊದಲು 5.10 ಶೇಕಡಾ ಇದ್ದ ಬಡ್ಡಿದರವನ್ನು ಈಗ 5.35 ಶೇಕಡಾಗೆ ಹೆಚ್ಚಿಸಲಾಗಿದೆ.

180 ದಿನಗಳಿಂದ ಒಂದು ವರ್ಷದೊಳಗಿನ ಅವಧಿಯ ಡಿಪಾಸಿಟ್‌ಗಳಿಗೆ 5.60 ಶೇಕಡಾ ಇದ್ದ ಬಡ್ಡಿದರವನ್ನು 5.85 ಶೇಕಡಾಗೆ ಏರಿಸಲಾಗಿದೆ.

ಅದೇ ರೀತಿಯಾಗಿ ಒಂದು ವರ್ಷದಿಂದ ಎರಡು ವರ್ಷದೊಳಗಿನ ಡಿಪಾಸಿಟ್‌ಗಳಿಗೆ ಮೊದಲು 6.25 ಶೇಕಡಾ ಇದ್ದ ಬಡ್ಡಿದರವನ್ನು ಈಗ 6.50 ಶೇಕಡಾಗೆ ಹೆಚ್ಚಿಸಲಾಗಿದೆ.

ಹಿರಿಯ ನಾಗರಿಕರಿಗೆ ಹೆಚ್ಚಿನ ಲಾಭ

ಹಿರಿಯ ನಾಗರಿಕರಿಗೆ ಸಾಮಾನ್ಯವಾಗಿ ಹೆಚ್ಚುವರಿ ಬಡ್ಡಿದರ ಸಿಗುತ್ತದೆ. ಈ ಹೊಸ ಬದಲಾವಣೆಗಳ ಬಳಿಕ ಅವರಿಗೂ ಹೆಚ್ಚುವರಿ ಲಾಭ ದೊರೆಯಲಿದೆ.

46 ರಿಂದ 179 ದಿನಗಳ ಅವಧಿಯ ಡಿಪಾಸಿಟ್‌ಗಳಿಗೆ ಹಿರಿಯ ನಾಗರಿಕರಿಗೆ ಈಗ 5.85 ಶೇಕಡಾ ಬಡ್ಡಿದರ ಸಿಗಲಿದೆ.

180 ದಿನಗಳಿಂದ ಒಂದು ವರ್ಷದೊಳಗಿನ ಡಿಪಾಸಿಟ್‌ಗಳಿಗೆ ಸುಮಾರು 6.35 ಶೇಕಡಾ ಬಡ್ಡಿದರ ದೊರೆಯಲಿದೆ.

ಒಂದು ವರ್ಷದಿಂದ ಎರಡು ವರ್ಷಗಳ ಅವಧಿಯ ಡಿಪಾಸಿಟ್‌ಗಳಿಗೆ ಈಗ 7 ಶೇಕಡಾ ಬಡ್ಡಿದರ ನೀಡಲಾಗುತ್ತದೆ ಎಂದು ಬ್ಯಾಂಕ್ ತಿಳಿಸಿದೆ.

ಹೊಸ ಬಡ್ಡಿದರ ಯಾವಾಗ ಅನ್ವಯ?

ಬ್ಯಾಂಕ್ ತಿಳಿಸಿರುವಂತೆ ಈ ಹೊಸ ಬಡ್ಡಿದರಗಳು ಎಲ್ಲಾ ಹೊಸ ಡಿಪಾಸಿಟ್‌ಗಳಿಗೆ ಅನ್ವಯವಾಗುತ್ತವೆ. ಜೊತೆಗೆ ಈಗಾಗಲೇ ಇರುವ ಡಿಪಾಸಿಟ್‌ಗಳು ಮೆಚ್ಯೂರಿಟಿ ಆದ ನಂತರ ಪುನರ್ನವೀಕರಣ ಮಾಡಿದರೂ ಇದೇ ಬಡ್ಡಿದರ ಅನ್ವಯವಾಗುತ್ತದೆ.

ಇದೇ ವೇಳೆ ಬ್ಯಾಂಕ್ ಸ್ಪಷ್ಟಪಡಿಸಿರುವಂತೆ ರಿಟೇಲ್ ಮತ್ತು ಬಲ್ಕ್ ಡಿಪಾಸಿಟ್ ಸಂಬಂಧಿಸಿದ ಇತರ ನಿಯಮಗಳಲ್ಲಿ ಯಾವುದೇ ಬದಲಾವಣೆ ಮಾಡಿಲ್ಲ.

ಮುಂಚಿತವಾಗಿ ಹಣ ತೆಗಿದರೆ ದಂಡ

ಡಿಪಾಸಿಟ್ ಅವಧಿ ಪೂರ್ಣಗೊಳ್ಳುವ ಮೊದಲು ಹಣವನ್ನು ತೆಗೆಯಲು ಬಯಸಿದರೆ ಬ್ಯಾಂಕ್ ದಂಡ ವಿಧಿಸುತ್ತದೆ.

ಎಸ್‌ಬಿಐ ಈಗಿರುವಂತೆ 1 ಶೇಕಡಾ ದಂಡವನ್ನು ಮುಂದುವರಿಸಿದೆ. ಅಂದರೆ ಅವಧಿ ಮುಗಿಯುವ ಮೊದಲು ಹಣ ತೆಗಿದರೆ ಅನ್ವಯಿಸುವ ಬಡ್ಡಿದರದಿಂದ 1 ಶೇಕಡಾ ಕಡಿತಗೊಳ್ಳುತ್ತದೆ.