ಕೆಲ ರೈತರಿಗೆ ಪಿಎಂ ಕಿಸಾನ್ ಹಣ ಜಮೆ ಆಗಿಲ್ಲ! ಏಕೆ ಗೊತ್ತಾ? ಇಲ್ಲಿದೆ ಕಾರಣ
ಪಿಎಂ ಕಿಸಾನ್ ಯೋಜನೆಯಡಿ ಕೆಲ ರೈತರಿಗೆ ಹಣದ ಹಂಚಿಕೆ ಆಗದೆ ಇರುವುದು ಸರ್ಕಾರದ ನಿಯಮಗಳ ಪ್ರಕಾರ. ಅರ್ಹತೆ, ಡಾಕ್ಯುಮೆಂಟ್ ಸಮಸ್ಯೆ, ಇಕೆವೈಸಿ ಕೊರತೆಗಳೇ ಮುಖ್ಯ ಕಾರಣ.
- ಪಿಎಂ ಕಿಸಾನ್ ಯೋಜನೆ ಅಡಿಯಲ್ಲಿ ವರ್ಷಕ್ಕೆ ₹6,000 ರೈತರಿಗೆ ಸಹಾಯ
- ಇಕೆವೈಸಿ (eKYC) ಅಥವಾ ಆಧಾರ್ ಲಿಂಕ್ ಇಲ್ಲದಿದ್ದರೆ ಹಣ ಸಿಗಲ್ಲ
- ಕೆಲ ಜನರಿಗೆ ಯೋಜನೆ ಅನ್ವಯಿಸಲ್ಲ, ತಿಳಿದುಕೊಳ್ಳಿ ಯಾರು ಅನರ್ಹರು
ವರ್ಷದ ಮೂರು ಹಂತಗಳಲ್ಲಿ ರೈತರಿಗೆ ₹2,000 ಗಳಂತೆ ಒಟ್ಟು ₹6,000 ಹಣ ನೀಡುವ ಪಿಎಂ ಕಿಸಾನ್ ಯೋಜನೆ ಈಗ 20ನೇ ಕಂತಿನ ಹಣ ಬಿಡುಗಡೆ ಆಗಿದೆ. ಪ್ರಧಾನಿ ನರೇಂದ್ರ ಮೋದಿ ಅವರು ವಾರಣಾಸಿಯಲ್ಲಿ ಅಭಿವೃದ್ಧಿ ಕಾರ್ಯಕ್ರಮ ಉದ್ಘಾಟನೆ ವೇಳೆ ₹20,500 ಕೋಟಿ ರೈತರ ಖಾತೆಗೆ ನೇರವಾಗಿ (Bank Account) ವರ್ಗಾಯಿಸಿದ್ದಾರೆ.
2019ರಲ್ಲಿ ಆರಂಭವಾದ ಈ ಯೋಜನೆಯು ಈಗಾಗಲೇ ಲಕ್ಷಾಂತರ ರೈತರ ಜೀವನದಲ್ಲಿ ಬದಲಾವಣೆಯನ್ನು ತಂದಿದೆ. ಆದರೆ, ಇತ್ತೀಚಿನ ವರ್ಷಗಳಲ್ಲಿ ಹಲವರು “ಹಣ ಬಂದಿಲ್ಲ” ಎಂಬ ಬೇಸರ ವ್ಯಕ್ತಪಡಿಸುತ್ತಿದ್ದಾರೆ.
ಹೌದು, ಇಕೆವೈಸಿ (eKYC) ಪ್ರಕ್ರಿಯೆ ಪೂರ್ಣಗೊಳಿಸದ ರೈತರಿಗೆ ಹಣ ಬಂದಿಲ್ಲ. ಆಧಾರ್ ಕಾರ್ಡ್ ಬ್ಯಾಂಕ್ ಖಾತೆಗೆ ಲಿಂಕ್ ಮಾಡದೇ ಇದ್ದರೂ ಕೂಡ ಹಣ ನೀಡಲಾಗುವುದಿಲ್ಲ.
ಮಾತ್ರವಲ್ಲ, ಜಮೀನಿನ ದಾಖಲೆಗಳನ್ನು ಮತ್ತೆ ಸಲ್ಲಿಸದೇ ಇದ್ದರೂ ಪಿಎಂ ಕಿಸಾನ್ ಹಣ ನಿಲ್ಲುತ್ತದೆ. ಆದ್ದರಿಂದ, ಎಲ್ಲಾ ದಾಖಲೆಗಳನ್ನು ಸರಿಯಾಗಿ ಪರಿಶೀಲಿಸಿ ಅರ್ಜಿ ಸಲ್ಲಿಸುವುದು ಕಡ್ಡಾಯವಾಗಿದೆ.
ಇದಲ್ಲದೆ, ಕೆಲವು ರೈತರು ಯೋಜನೆಗೆ ಅರ್ಹರಾಗಿಲ್ಲ. ಉದಾಹರಣೆಗೆ, ಸಂಸದರು, ಶಾಸಕರು, ಮಂತ್ರಿಗಳು, ಪಿಂಚಣಿ ಪಡೆದ ಸರ್ಕಾರಿ ನೌಕರರು, ಮೇಯರ್ಗಳು, ಜಿಲ್ಲಾ ಪಂಚಾಯತ್ ಅಧ್ಯಕ್ಷರು, ಆದಾಯ ತೆರಿಗೆ ಪಾವತಿಸುವವರು, ಎಲ್ಲರಿಗೂ ಈ ಯೋಜನೆಯ ಲಾಭ ಸಿಗುವುದಿಲ್ಲ. ಹೌದು, ಅವರು ರೈತರಾದರೂ ಸಹ ಯೋಜನೆಯಿಂದ ಹೊರಗಿದ್ದಾರೆ.
ಇದೇ ರೀತಿಯಾಗಿ, ಒಂದೇ ಕುಟುಂಬದಲ್ಲಿ ಪತಿಯೂ ಪತ್ನಿಯೂ ಅರ್ಜಿ ಹಾಕಿದರೆ, ಇಬ್ಬರಿಗೆ ಈ ಹಣ ಸಿಗುವುದಿಲ್ಲ.
ಇವರಲ್ಲಿ ಕೇವಲ ಒಬ್ಬರೇ ಈ ಯೋಜನೆಯ ಲಾಭವನ್ನು ಪಡೆಯಬಹುದಾಗಿದೆ. ಅಷ್ಟೇ ಅಲ್ಲದೆ, ಜೀವಂತ ತಂದೆ-ತಾಯಿಯಿಂದ ಮಕ್ಕಳಿಗೆ ಕೃಷಿಭೂಮಿ ವರ್ಗಾವಣೆಯಾದರೂ ಕೂಡ, ಅದನ್ನು ನೋಂದಾಯಿಸಿ ಪೂರ್ಣವಾಗಿ ದಾಖಲೆಗಳನ್ನು ಸಲ್ಲಿಸದೇ ಇದ್ದರೆ ಯೋಜನೆಯ ಹಣ ಬಂದೇ ಬರುತ್ತಿಲ್ಲ.
ಹೀಗಾಗಿ ಪಿಎಂ ಕಿಸಾನ್ ಯೋಜನೆಯ ಸಂಪೂರ್ಣ ಲಾಭ ಪಡೆಯಲು ಎಲ್ಲ ವಿಧವಾದ ದಾಖಲೆಗಳು ಸರಿಯಾಗಿ ಸಲ್ಲಿಕೆಯಾಗಿರಬೇಕು. ಇಲ್ಲದಿದ್ದರೆ ಯೋಜನೆಯ ಹಣ ತಲುಪದೇ ಇರುವದು ಖಚಿತ.
ನಿತ್ಯದ ಅಪ್ಡೇಟ್ಸ್ಗಾಗಿ ಯಾವಾಗಲೂ Kannada News Today ತಪ್ಪದೆ ವೀಕ್ಷಿಸಿ.
Some Farmers Don’t Get the PM Kisan Money
======== Story End ========
Writer of This Story
