ಗೋಲ್ಡ್ ಲೋನ್‌ ಮೇಲೆ ಕಮ್ಮಿ ಬಡ್ಡಿ ನೀಡುತ್ತಿರುವ ಟಾಪ್ ಬ್ಯಾಂಕ್‌ಗಳು, ಇಗೋ ಪಟ್ಟಿ!

Gold Loan : ಭಾರತದಲ್ಲಿ ಬಂಗಾರದ ಬೆಲೆ (Gold Price) ನಿರಂತರ ಏರಿಕೆಯಾಗುತ್ತಿರುವಂತೆಯೇ, ಗೋಲ್ಡ್ ಲೋನ್‌ಗಳ ಮೌಲ್ಯವೂ ಹೆಚ್ಚುತ್ತಿದೆ. ಜನರ ಕೈಯಲ್ಲಿರುವ ಬಂಗಾರದ ಮೌಲ್ಯ ಏರಿಕೆಯಿಂದಾಗಿ, ಅನೇಕರು ಈಗ ಬಂಗಾರ ಅಡವಿಟ್ಟು ಸಾಲ (Loan) ಪಡೆಯುವುದನ್ನು ಆದ್ಯತೆ ನೀಡುತ್ತಿದ್ದಾರೆ. ಕಡಿಮೆ ಬಡ್ಡಿದರ ಮತ್ತು ಸುಲಭ ಪ್ರಕ್ರಿಯೆಯಿಂದಾಗಿ ಈ ವಿಭಾಗದಲ್ಲಿ ಸ್ಪರ್ಧೆ ಹೆಚ್ಚಾಗಿದೆ.

ClearTax ವರದಿ ಪ್ರಕಾರ, ಭಾರತದಲ್ಲಿ 2025ರಲ್ಲಿ ಗೋಲ್ಡ್ ಲೋನ್ ಬೇಡಿಕೆ 122 ಶೇಕಡಾ ಏರಿಕೆಯಾಗಿದೆ. ಈ ಹಣಕಾಸು ವರ್ಷಾಂತ್ಯಕ್ಕೆ ಒಟ್ಟು ಮೌಲ್ಯ ₹2.94 ಲಕ್ಷ ಕೋಟಿ ತಲುಪಿದೆ. ಪ್ರಮುಖ ಬ್ಯಾಂಕ್‌ಗಳು ತಮ್ಮ ಗ್ರಾಹಕರಿಗೆ ಆಕರ್ಷಕ ಬಡ್ಡಿದರದಲ್ಲಿ ಬಂಗಾರದ ಸಾಲಗಳನ್ನು ನೀಡುತ್ತಿವೆ.

ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ (SBI):

ದೇಶದ ಅತಿದೊಡ್ಡ ಸರ್ಕಾರಿ ಬ್ಯಾಂಕ್‌ ಆಗಿರುವ ಎಸ್‌ಬಿಐ, 8.75% ಬಡ್ಡಿದರದಿಂದ ಗೋಲ್ಡ್ ಲೋನ್‌ಗಳನ್ನು ನೀಡುತ್ತದೆ. 36 ತಿಂಗಳ ಅವಧಿಯವರೆಗೆ ಸಾಲ ಸಿಗುತ್ತದೆ. ಪ್ರೊಸೆಸಿಂಗ್ ಶುಲ್ಕ ಸಾಲದ ಮೊತ್ತದ 0.25% ಆಗಿದ್ದು, ಸಾಲದ ಪ್ರಮಾಣ ₹20,000 ರಿಂದ ₹50 ಲಕ್ಷವರೆಗೆ ಸಿಗುತ್ತದೆ.

ಪಂಜಾಬ್ ನ್ಯಾಷನಲ್ ಬ್ಯಾಂಕ್ (PNB):

ಈ ಬ್ಯಾಂಕ್‌ನಲ್ಲಿ ಬಂಗಾರದ ಸಾಲದ ಬಡ್ಡಿದರ 8.35%ರಿಂದ ಪ್ರಾರಂಭವಾಗುತ್ತದೆ. ಗರಿಷ್ಠ 12 ತಿಂಗಳ ಕಾಲಾವಧಿ ನೀಡಲಾಗುತ್ತದೆ. ಪ್ರೊಸೆಸಿಂಗ್ ಫೀಸು ಸಾಲದ ಮೊತ್ತದ 0.30% + GST ಆಗಿದೆ. ಪಿಎನ್‌ಬಿ ₹25,000 ರಿಂದ ₹25 ಲಕ್ಷದವರೆಗೆ ಗೋಲ್ಡ್ ಲೋನ್ ಒದಗಿಸುತ್ತದೆ.

ಸೆಂಟ್ರಲ್ ಬ್ಯಾಂಕ್ ಆಫ್ ಇಂಡಿಯಾ:

ಈ ಬ್ಯಾಂಕ್ 8.05% ರಿಂದ 8.35% ಬಡ್ಡಿದರದಲ್ಲಿ ಗೋಲ್ಡ್ ಲೋನ್ ನೀಡುತ್ತದೆ. ಸಾಲದ ಅವಧಿ 12 ತಿಂಗಳವರೆಗೆ ಇರುತ್ತದೆ. ಪ್ರೊಸೆಸಿಂಗ್ ಶುಲ್ಕ 0.25% ಜೊತೆಗೆ GST ಸೇರಿಸಲಾಗುತ್ತದೆ. ಸಾಲ ಮಿತಿಯು ₹10,000 ರಿಂದ ₹40 ಲಕ್ಷದವರೆಗೆ ಇದೆ.

ಬ್ಯಾಂಕ್ ಆಫ್ ಇಂಡಿಯಾ:

ಬ್ಯಾಂಕ್ ಆಫ್ ಇಂಡಿಯಾ 8.6% ರಿಂದ 8.75% ವರೆಗೆ ಬಡ್ಡಿದರದಲ್ಲಿ ಸಾಲ ನೀಡುತ್ತದೆ. 12 ತಿಂಗಳ ಅವಧಿಗೆ ಸಾಲ ಸಿಗುತ್ತದೆ. ಪ್ರೊಸೆಸಿಂಗ್ ಫೀಸು ಗರಿಷ್ಠ ₹1,500 ಇರಬಹುದು. ಸಾಲ ಮಿತಿಯು ₹20,000 ರಿಂದ ₹30 ಲಕ್ಷವರೆಗೆ ಇದೆ.

ಇಂಡಿಯನ್ ಓವರ್‌ಸೀಸ್ ಬ್ಯಾಂಕ್ (IOB):

ಈ ಬ್ಯಾಂಕ್‌ನಲ್ಲಿ 8.20% ರಿಂದ 11.60% ವರೆಗಿನ ಬಡ್ಡಿದರದಲ್ಲಿ ಗೋಲ್ಡ್ ಲೋನ್ ಲಭ್ಯವಿದೆ. ಸಾಲದ ಅವಧಿ 12 ತಿಂಗಳು. ಪ್ರೊಸೆಸಿಂಗ್ ಫೀಸು ಮೊತ್ತಕ್ಕೆ ಅನುಗುಣವಾಗಿ ಬದಲಾಗುತ್ತದೆ. ಸಾಲ ಮಿತಿಯು ₹25,000 ರಿಂದ ₹50 ಲಕ್ಷದವರೆಗೆ ಇದೆ.

ಈ ವೇಳೆಯಲ್ಲಿ ಬಂಗಾರದ ಬೆಲೆ ಏರಿಕೆಯಾದರೂ, ಬ್ಯಾಂಕ್‌ಗಳು ಗ್ರಾಹಕರಿಗೆ ಕಡಿಮೆ ಬಡ್ಡಿದರದಲ್ಲಿ ಹೆಚ್ಚು ಹಣ ನೀಡುತ್ತಿದ್ದು, ಹಣಕಾಸಿನ ಅಗತ್ಯವಿರುವವರಿಗೆ ಇದು ಅತ್ಯುತ್ತಮ ಆಯ್ಕೆಯಾಗಿದೆ.

Top 5 Banks Offering the Lowest Gold Loan Interest Rates in India